त्रि-देशीय सिरिज : नेपाल र मलेसिया खेल्दै, परिवर्तन होला नेपालको अन्तिम-११ ?



नेपालमा जारी त्रि-देशीय टि-ट्वान्टी सिरिज अन्तर्गत लिग चरणको अन्तिम खेलमा नेपाल र मलेसिया प्रतिस्पर्धा गर्दैछन्। खेल नेपाली समय १:१५ बजे टियु अन्तर्राष्ट्रिय क्रिकेट मैदानमा सुरु हुनेछ।

नेपाल र नेदरल्याण्डले यस अघिनै फाइनलमा स्थान सुरक्षित गरिसकेकाले आजको खेल दुवै टिमको लागि प्रतिष्ठाको लागि हुनेछ। खेलमा मलेसिया सिरिजको पहिलो जितको खोजिमा हुनेछ भने नेपाल फाइनल अघि जितको लय चाहन्छ।

सिरिजमा यस अघि भएको नेपाल र मलेसिया बीचको खेलमा नेपाल ९ विकेटले विजयी भएको थियो। मलेसियाले दिएको ११० रनको लक्ष्य नेपालले १२.१ ओभरमा १ विकेट गुमाएर पुरा गरेको थियो। नेपालको लागि ब्याटिंगमा कुशल भुर्तेलले ६१ र आसिफ शेखले ४२ रन बनाएका थिए भने बलिंगमा प्लेयर अफ द म्याच समेत चुनिएका करन केसीले ३ विकेट तथा सन्दिप लामिछानेले २ विकेट लिएका थिए।

मलेसियासंग परिवर्तन होला अन्तिम ११ ? 

मलेसियासंगको खेलको नतिजा महत्वपूर्ण नरहेकोले आज नेपाली टिमले अन्तिम-११ मा परिवर्तन गर्ने सम्भावना रहेको छ। हालसम्म देब्रे हाते स्पिनर सुशन भारि, ब्याट्सम्यान सन्दिप जोरा, फास्ट बलर कमल सिंह ऐरीले अन्तिम-११ मा मौका पाएका छैनन्। मध्यम प्रदर्शन गरिरहेका शाहब आलमको स्थानमा सुशन भारिले मलेसिया बिरुद्ध मौका पाउन सक्छन्।

पहिलो खेलमा नेदरल्याण्डसंग मौका पाएता पनि ब्याटिंग गर्न नपाएका आरिफ शेखलाई पनि त्यसपछि अन्तिम-११ बाट बाहिर राखिदै आएको छ। आरिफ या सन्दिप जोराले मौका पाउन एक जना ब्याट्सम्यानलाई बाहिर राख्नु पर्ने हुन्छ। विकेटकिपरको भूमिका आसिफ शेखले निभाउन सक्ने हुँदा बिनोद भण्डारीलाई बाहिर राखेर आरिफ या जोराले मौका पाउन सक्छन्।

तर मलेसिया अप्रत्यासित नतिजा ल्याउन सक्ने टिम हुँदा नेपालले अन्तिम-११ मा धेरै परिवर्तन गरेर जोखिम मोल्न भने चाहदैन। शनिवार हुने फाइनल अघि मलेसियालाई पराजित गर्दै नेपाल जितको लय प्राप्त गर्न चाहन्छ। मलेसियाले नेदरल्याण्डलाई बराबरीमा रोक्दै आश्चर्यजनक नतिजा निकालेका कारण पनि नेपाल जोखिम लिने मुडमा पक्कै हुने छैन त्यसैले आफ्नो सबैभन्दा बलियो ११ लिएर मैदानमा उत्रनेछ।

यो पनि पढ्नुस 

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

हाईस्कोरिंग खेलमा कोलकातालाई हराउदै चेन्नाई शिर्षमा

नेपाली राइनोजलाई होस्टन ओपनको उपाधि, ४० हजार डलर पुरस्कार जित्न सफल





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]