बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा



नेपालमा त्रि-देशीय टि-ट्वान्टी सिरिज अन्तर्गत नेदरल्याण्ड र मलेसिया बीचको खेल बराबरीमा टुंगिएको छ।

यो संगै सिरिजको फाइनलमा नेपाल र नेदरल्याण्ड प्रवेश गरेको छ। बिहिबार हुने नेपाल र मलेसिया बीचको खेलको नतिजाले नेपाल र नेदरल्याण्डलाई मलेसियाले उछिन्ने सम्भावना रहेको छैन। सिरिजको फाइनल शनिवार नेपाल र नेदरल्याण्ड बीच खेलिनेछ। लिग चरणको सबै ४ खेल खेलेको नेदरल्याण्डको २ जित, १ हार र १ बराबरी खेल पछि ५ अंक भएको छ भने ३ खेल खेलेको नेपालले २ जित पछि ४ अंक रहेको छ। ३ खेलमा २ हार र १ बराबरी अंक पछि मलेसियाको मात्र १ अंक रहेको छ।

वर्षा प्रभावित खेलमा नेदरल्याण्डले पहिलो इनिंग्समा १३ ओभरमा ४ विकेट गुमाएर १०७ रन बनाएको थियो। नेदरल्याण्डले १०.२ ओभरमा ६८/३ को अवस्थामा रहंदा वर्षाले खेल लामो समय रोकिएपछि इनिंग्सलाई छोट्याएर १३ ओभरमा छोट्याइएको थियो। त्यसपछि दोश्रो इनिंग्समा मलेसियाले डीएलएस मेथडमा १३ ओभरमा १२० रनको लक्ष्य पाएको थियो।

मलेसियाले लक्ष्य पछ्याउने क्रममा ६ ओभरमा विकेट नगुमाई ५६ रन बनाउदा पुनः वर्षाले खेल रोकिएको थियो। त्यसपछि मलेसियाले १० ओभरमा ९२ रनको नयाँ लक्ष्य पाएको थियो। लक्ष्य पछ्याउने क्रममा मलेसियाले १० ओभरमा ४ विकेट क्षेतीमा ९१ रन मात्र बनाउन सक्यो जसपछि खेल डीएल मेथडको आधारमा बराबरीमा टुंगिएको हो।

लक्ष्य पछ्याउने क्रममा मलेसियन ओपनर सयद अजिज र अनवर अरुदीनले ५७ रनको साझेदारी गरेका थिए। सातौँ ओभरमा सेबास्टिएन ब्राटले २३ रन बनाएका अरुदीनलाई बोल्ड गरे। लगत्तै ओभरमा ३० रन बनाएका अजिजलाई बास डी लिडेले क्याच आउट गराए।

त्यसपछि भिरनदिप सिंहले मात्र ६ बलमा ३ चौका मद्दतले १४ रन बनाउदै मलेसियालाई जितको दिशा दिए। नवौं ओभरमा सिंहलाई ब्राटले क्याच आउट गराए।

सिंहको अन्तिम ९ बलमा जितको लागि १६ रन आवस्यक रहेको थियो। नवौं ओभरको चौथो बलमा अमिनुद्दीन रामलीले छक्का प्रहार गरे।

अन्तिम ओभरमा जितको लागि मलेसियालाई मात्र ७ रन आवस्यक रह्यो। भीभीएन किंग्माले ओभरको पहिलो बल वाइड गरे जसपछि सरिफले १ रन बनाए। पुनः किंग्माले वाइड दिए जसपछि डट बल गरे। त्यसपछि रामली र सरिफले १/१ रन लिए। अन्तिम २ बलमा जित्न २ रन आवस्यक हुँदा किंग्माले ९ रन बनाएका रामलीलाई एलबिडब्लु आउट गरे।

अन्तिम बलमा जित्न २ रन आवस्यक हुँदा शर्भीन मुनिएन्डीले बल छुन सकेनन् तर बाईको रुपमा १ रन लिएपछि खेल बराबरीमा टुंगियो। सुपर ओभर नहुँदा दुवै टिमले १/१ अंक बाड्नु परेको हो।

नेदरल्याण्डको बलिंगमा सेबास्टिएन ब्राटले २ विकेट ( २-०-१४-२ ) लिए भने भीभीएन किंग्मा ( २-०-२०-१ ) र बास डी लिडे ( २-०-२२-१ ) ले समान १ विकेट लिए।

यस अघि टस हारेर ब्याटिंग रोजेको नेदरल्याण्डले निर्धारित १३ ओभरमा ४ विकेट क्षेतीमा १०७ रन बनाएको थियो।

नेदरल्याण्डको सुरुवात खराब रहेको थियो। ओपनर तोबेस भीसे खाता नखोली पहिलो ओभरमा आउट भए। अर्का ओपनर विक्रमजित सिंह १ रन तथा सोहि ओभरमा बास दि लिडे खाता नखोली आउट हुँदा नेदरल्याण्ड २२/३ को अवस्थामा पुगेको थियो।

तेश्रो नम्बरमा ब्याटिंग गरेका बेन कुपरले चौथो विकेटको लागि कप्तान पिटर सिलारसंग ६० रनको साझेदारी गरे। ३१ बलमा ५ चौका मद्दतले ३७ रन बनाएर सिलार १२ औं ओभरमा आउट भए।

पाँचौ विकेटको लागि कुपरले एन्टोनियस स्टालसंग ८ बलमा १९ रनको साझेदारी गरे। शर्भीन मुनिएन्डीले गरेको १३ औं ओभरमा कुपरले २ चौका र स्टालले १ छक्का प्रहार गर्दा नेदरल्याण्डले १८ रन बनाउन सफल रह्यो।

कुपरले अविजित ५४ रन बनाए जुन क्रममा ३२ बलमा ७ चौका र २ छक्का प्रहार गरे। एन्टोनियस स्टालले अविजित १० रन बनाए। कुपरले अघिल्लो खेलमा नेपाल बृद्ध पनि ५५ रन बनाएका थिए।

मलेसियाको बलिंगमा मुहम्मद वफिकले २ विकेट ( ३-०-१३-२ ) लिए भने पवनदिप सिंह ( ४-०-२६-१ ) र भीरनदिप सिंह ( १-०-६-१ ) ले समान १ विकेट लिए।

यो पन पढ्नुस 

आईसीसी ब्याटिंग वरियतामा शिर्ष १०० भित्र कुशल भुर्तेल

स्लो ओभर रेटका कारण रोहितलाई १२ लाख भारु जरिवाना

IPL : मुम्बईलाई हराउदै दिल्ली दोश्रो स्थानमा उक्लियो





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]