६ महिना पछि बल्ल नेपालले अन्तर्राष्ट्रिय टि-२० सिरिज खेल्ने पक्का



यसै वर्ष जनवरी/फेब्रुवरीमा युएईसंग खेलेको टि-२० अन्तर्राष्ट्रिय सिरिज खेलेको ६ महिना पछि नेपालले बल्ल अर्को टि-२० सिरिज खेल्ने भएको छ।

युएईसंग नेपालले एकदिवसीय र टि-२० सिरिज खेल्ने क्रममा दुवै सिरिज २-१ ले जित्दै इतिहास रचेको थियो। ऐतिहासिक सिरिज जितको सफलता पछि नेपालले अर्को सिरिज खेल्न लामो प्रतीक्षा गर्नुपर्यो।

नेपाल र मलेसियाले जुलाई २० देखि २८ तारिकसम्म सिंगापुरमा आईसीसी टि-२० विश्वकप छनौट ( एसिया फाइनल ) खेल्दै छ। त्यस प्रतियोगिताको तयारी स्वरूप दुई टिमले २ वटा टि-२० अन्तर्राष्ट्रियको सिरिज खेल्न लागेको हो।

नेपाल र मलेसिया आईसीसी र एसिसिको प्रतियोगिताहरुमा लामो समय देखि खेल्दै आए पनि सिरिज खेल्न लागेको भने योनै पहिलो पटक हो। सिरिज हुन लागेको मलेसियन क्रिकेट एसोसीएसनले आफ्नो फेसबुक पेज मार्फत घोषणा गरेको हो।

१३ र १४ जुलाईमा मलेसियाको किनरारा ओभल मैदानमा २ वटा टि-२० अन्तर्राष्ट्रिय खेलिनेछ। दुवै खेल मलेसियन समय विहान १० बजे अर्थात् नेपाली समय बिहान ७:४५ बजे सुरु हुनेछ।


सिरिजको दुवै खेल मलेसियन क्रिकेट एसोसिएसनले आफ्नो सामाजिक संजालमार्फत प्रत्यक्ष प्रशारण समेत गर्ने घोषणा गरेको छ।

नेपाली राष्ट्रिय टिमका व्यवस्थापक रमन शिवाकोटीले पनि सिरिजको पुस्टि गरेका छन्। सिरिजको मिति तय भए सीरिजको लागि नेपाली टिम मलेसिया प्रस्थान गर्ने मिति भने तय नभएको शिवाकोटीले विकेटनेपाललाई जानकारी गराए।

नेपालले र मलेसियाले हालसम्म टि-२० अन्तर्राष्ट्रिय खेलेको छैन। अन्तिम पटक गत वर्ष आईसीसी टि-२० विश्वकप छनौट एसिया ‘बि’ क्वालिफायर अन्तर्गत नेपाल र मलेसिया आमने-सामने भएका थिए। उक्त खेलमा नेपाल ८ विकेटले सहजै विजयी भएको थियो।

हालसम्म नेपाल र मलेसियाले इतिहासमा मात्र ४ वटा टि-२० खेलेको छ जसमा नेपाल ३ पटक र मलेसिया १ पटक विजयी रहेको छ। सन् २००९ एसीसी टि-२० मा मलेसियाले नेपाललाई ६ विकेटले पराजित गरेको थियो भने सन् २००७ एसीसी टि-२० मा नेपाल २१ रनले , सन् २०१३ एसीसी टि-२० मा नेपाल १९ रनले तथा सन् २०१८ टि-२० विश्वकप छनौटमा नेपाल ८ विकेटले विजयी भएको थियो।

Paras Khadka, Gyanendra Malla
गत वर्ष नेपालले मलेसियासंग टि-२० खेलेको थियो जसमा नेपाल सहजै विजयी भएको थियो

नेपाली क्रिकेट टिम हाल टियु मैदान किर्तिपुरमा टि-२० विश्वकप छनौट ( एसिया फाइनल ) को तयारीमा व्यस्त रहेको छ। टिमलाई नवनियुक्त प्रशिक्षक उमेश पटवालले प्रशिक्षण गराइरहेका छन्।

प्रतियोगिताको लागि बन्दसत्रमा २५ सदस्यीय खेलाडीको घोषणा गरिएको थियो। कुशल भुर्तेल, अमित श्रेष्ठ, नन्दन यादब, राजु रिजाल, शाहब आलम, सुशन भारि जस्ता खेलाडीहरु पनि टिममा छन्।

प्रारम्भिक नेपाली टिम :-

पारस खड्का ( कप्तान ) , अविनाश बोहरा, अमित श्रेष्ठ, बसन्त रेग्मी, भिम शार्की, बिनोद भण्डारी, दिपेन्द्र ऐरी, ज्ञानेन्द्र मल्ल, जितेन्द्र मुखिया, करन केसी, कुशल भुर्तेल, ललित भण्डारी, ललित राजबंशी, आरिफ शेख, नन्दन यादब, पवन सर्राफ, प्रदिप एरि, राजु रिजाल, रोहित पौडेल, सन्दिप लामिछाने, शाहब आलम, शरद भेसावकर, सोमपाल कामि, सन्दिप जोरा, सुशन भारि

मलेसियासंग १३ र १४ जुलाईमा टि-२० अन्तर्राष्ट्रिय खेलेपछि नेपाल टि-२० विश्वकप छनौट एसिया फाइनल खेल्न सिंगापुर प्रस्थान गर्नेछ। नेपाल सहित आयोजक सिंगापुर, कतार, कुवेत, मलेसिया सहभागी रहेका छन्।

नेपालले २३ जुलाईमा कतारसंग इन्डीयन एसोसिएसन मैदानमा खेल्दै प्रतियोगिताको सुरुवात गर्नेछ। यस्तै २४ जुलाईमा मलेसियासंग, २७ जुलाईमा कुवेतसंग र २८ जुलाईमा सिंगापुरसंग खेल्ने तालिका रहेको छ। प्रतियोगिताको सबै खेल इन्डियन एसोसिएसन मैदानमा खेल्नेछ।

टि-२० विश्वकप २०२० कसरि छनौट हुन्छ नेपाल ?

टि-२० विश्वकप एसिया फाइनल प्रतियोगिताको शिर्ष स्थानमा पर्न सके नेपाल ग्लोबल क्वालीफायर खेल्न छनौट हुनेछ। ग्लोबल क्वालिफायर युएईमा अक्टोबर ११ देखि ३ नोभेम्बरसम्म आयोजना हुनेछ।

ग्लोबल क्वालिफायरमा नेपाल यदी छनौट भएको खण्डमा नेपालले विश्वका अन्य क्षेत्रको छनौट प्रतियोगिताबाट आएका ६ वटा टिम सहित स्कटल्याण्ड, जिम्बाबे, नेदरल्याण्ड, हंगकंग, ओमान, आयरल्याण्ड र आयोजक युएईसंग प्रतिस्पर्धा गर्नेछ।

कुल १४ टिम सहभागी हुने ग्लोबल क्वालिफायरबाट उत्कृस्ट हुने ६ वटा टिम २०२० अक्टोबरमा अस्ट्रेलियामा आयोजना हुने टि-२० विश्वकप खेल्न छनौट हुनेछ।

 





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]