असार १७ देखि एसीसी यु-१९ इस्टर्न, नेपालको पहिलो खेल म्यानमारसंग



एसियन क्रिकेट काउन्सील एसीसीले एसीसी अन्डर-१९ इस्टर्न प्रतियोगिताको खेल तालिका सार्वजनिक गरेको छ।

नेपाल एसीसी यु-१९ इस्टर्न प्रतियोगिताको डिफेन्डिङ च्याम्पियन टिम हो। २०१७ मा मलेसियामा आयोजना भएको प्रतियोगितामा नेपालले हंगकंगलाई ५ विकेटले पराजित गर्दै उपाधि जितेको थियो।

यस पटक पनि प्रतियोगिताको आयोजना मलेसियानै पाएको छ। जुलाई २ देखि ९ ( असार १७ देखि २४ ) आयोजना हुने प्रतियोगितामा नेपाल सहित ८ टिमले सहभागिता जनाउनेछन्।  किनरारा ओभल, एसटिसी ओभल, बायुमास ओभल र टिपीसीए ओभल गरि ४ वटा मैदानमा खेलहरु हुने एसीसीले बताएको छ।

ACC U19 Eastern Region Winner Nepal U19 Cricket Team
ACC U19 Eastern Region 2017 Winner Nepal U19 Cricket Team

नेपाल सहित आयोजक मलेसिया, चिन, म्यानमार, सिंगापुर, भुटान, हंगकंग र थाईल्याण्ड गरि कुल ८ टिमलाई २ समुहमा बिभाजन गरिएको छ।

नेपाल रहेको समुह ‘ए’ मा तुलनात्मक रुपमा कमजोर टिमहरु चिन, म्यान्मार र सिंगापुर रहेका छन्। समुह ‘बि’ मा आयोजक मलेसिया, भुटान, हंगकंग र थाईल्याण्ड रहेका छन्।

समुह ‘ए’ : चिन, म्यानमार, नेपाल, सिंगापुर
समुह ‘बि’ : मलेसिया, भुटान, हंगकंग, थाईल्याण्ड

समुह चरणमा सबै टिमले एक अर्कासंग १/१ खेल खेलेपछि दुवै समुहबाट उत्कृस्ट २ टिम सेमीफाइनल प्रवेश गर्नेछन्। खेलहरु ५० ओभर प्रति इनिंगको हुनेछ।

 

नेपालको खेलतालिका :- 

नेपालले म्यानमारसंग एसटिसी ओभल मैदानमा जुलाई २ तारिकमा एसटिसी ओभल मैदानमा खेल्दै प्रतियोगिताको सुरुवात गर्नेछ। यस्तै दोश्रो खेल जुलाई ५ तारिकमा किनरारा ओभल मैदानमा सिंगापुरसंग, तेश्रो खेल जुलाई ६ तारिकमा बायुमास ओभलमा चिनसंग खेल्ने तालिका रहेको छ। खेलहरु मलेसिया समय १० बजे अर्थात नेपाली समय ७:४५ बजे बिहान सुरु हुनेछ।

नेपाल Vs म्यानमार – जुलाई २
नेपाल Vs सिंगापुर – जुलाई ५
नेपाल Vs चिन – जुलाई ६

प्रतियोगिताको उत्कृस्ट २ टिमले श्रीलंकामा जुलाई-अगस्टमा आयोजना हुने यु-१९ एसियाकपमा सहभागिता पक्का गर्नेछ। उक्त प्रतियोगितामा भारत, पाकिस्तान, श्रीलंका, बंगलादेश, अफगानिस्तान जस्ता एसियाली टेस्ट राष्ट्र सहित इस्टर्न र वेस्टर्न क्वालीफायरबाट आएका अन्य ३ टिम गरि ८ टिम सहभागी हुनेछन्।

 

नेपाली यु-१९ क्रिकेट टिमले गत महिना मलेसियामा आयोजित यु-१९ विश्वकप छनौट ( एसिया ) प्रतियोगिता खेलेको थियो। त्यस प्रतियोगितामा राम्रो प्रदर्शन गरे पनि युएईसंगको खेल डीएल मेथडमा १ रनले दुर्भाग्यपूर्ण तरिकाले पराजित हुँदा विश्वकप छनौट हुन असफल भएको थियो। युएई विश्वकप खेल्न छनौट भएको थियो।

२०१७ मा नेपालले एसीसी यु-१९ इस्टर्न प्रतियोगिता जित्दा नेपालको कप्तानी दिपेन्द्र ऐरीले गरेका थिए भने टिममा सन्दिप लामिछाने, सन्दिप सुनार, पवन सर्राफ, रोहित पौडेल, शाहब आलम, अनिल साह, आसिफ शेख, सन्दिप जोरा, प्रनित थापा, सुमित महर्जन, नन्दन यादब, किसोर महतो जस्ता खेलाडीहरु थिए। त्यस टिममा रहेका दिपेन्द्र, रोहित, सन्दिप जो., सन्दिप ला. , आसिफ र अनिल र पवन गरि ७ जनाले नेपालको राष्ट्रिय टिमको लागि खेल्ने मौका पाईसकेका छन्।

Sandeep Lamichhane
Sandeep Lamichhane

२०१७ एसीसी इस्टर्न फाइनलमा हंगकंगले ७६ रन मात्रै बनाएपछि ७७ रनको लक्ष्य नेपालले १४.४ ओभरमा ५ विकेट गुमाएर पुरा गरेको थियो। नेपालको लागि शाहब आलम र सन्दिप लामिछानेले ३/३ विकेट लिएका थिए भने ब्याटिंगमा दिपेन्द्र ऐरीले २२ रन बनाएका थिए।

 

 





थप समाचार

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]

T20WC : वेस्टइन्डिजको विश्वकप इतिहासकै लज्जास्पद ब्याटिंग, रशिदको घातक बलिंग

टि-ट्वान्टी विश्वकप अन्तर्गत सुपर-१२ चरणको दोश्रो खेलमा इंग्ल्यान्डसंग प्रतिस्पर्धा गरिरहेको डिफेन्डिङ च्याम्पियन वेस्टइन्डिजले आफ्नो टि-ट्वान्टी विश्वकप इतिहासकै लज्जास्पद ब्याटिंग गरेको […]