दोश्रो खेलमा नेपालको भेट सिंगापुरसंग, जिते समुह विजेता

मलेसियामा जारि एसीसी अन्डर-१९ ( पूर्वी क्षेत्र ) प्रतियोगिता अन्तर्गत नेपालले दोश्रो खेलमा सिंगापुरसंग प्रतिस्पर्धा गर्दैछ।

सिंगापुर र नेपालले चिनलाई पराजित गर्दै सेमीफाइनलमा स्थान सुरक्षित गरिसकेको छ। समुह ‘ए’ अन्तर्गत दुई देश बीचको खेलले समुह विजेता को हुने भन्ने तय गर्नेछ। अंकतालिका 

किनरारा ओभल मैदानमा खेलिने खेल नेपाली समय जुलाई ५, शुक्रबार नेपाली समय ७:४५ बजे विहान ( मलेसियाको समय १० बजे विहान ) सुरु हुनेछ।

प्रतियोगिताको विजेता टिम अगस्ट/सेप्टेम्बरमा श्रीलंकामा आयोजना हुने भनिएको यु-१९ एसिया कप खेल्न छनौट हुने हुनेछ।

सिंगापुर र नेपालको प्रतियोगितामा प्रदर्शन 

प्रतियोगिताबाट बाहिरीएको चिन बिरुद्ध  सिंगापुरले ८ विकेटको तथा नेपालले १० विकेटको जित निकालेको थियो।

सिंगापुरलले टस जितेर ब्याटिंग गर्दै चिनलाई २३ ओभरमा २८ रनमा अलआउट गरेको थियो। सिंगापुरले २ विकेट गुमाएर सातौँ ओभरमा लक्ष्य पुरा गर्यो। सिंगापुर बलर भिनित चित्तेश मेहता एक्लैले खेलमा ७ विकेट ( ६-२-८-७ ) लिएका थिए।

यस्तै नेपालले पनि चिन बिरुद्ध टस जितेर बलिंग गर्दै २३.१ ओभरमा चिनलाई ५३ रनमा अलआउट गरेको थियो। नेपालले विकेट नगुमाई ५ ओभरमा लक्ष्य पुरा गर्यो। नेपालको जितमा पवन सर्राफले ४६ रन बनाए भने बलिंगमा सागर ढकालले ६ र तिलक राज भण्डारीले ३ विकेट लिए।

Sagar Dhakal

सिंगापुरसंग इतिहास 

सिंगापुरसंग अन्डर-१९ टिमसंग नेपालले लामो समय देखि खेल्दै आए पनि इतिहासमै नेपाललाई सिंगापुरले पराजित गरेको छैन। केहि खेलमा चुनौती दिए पनि नेपालले प्राय एकतर्फी ढंगलले खेल जित्दै आएको छ।

सिंगापुरसंग नेपालले खेलेको पछिल्लो ३ खेलको समरी 

२०१९ यु-१९ विश्वकप छनौट एसिया , मलेसिया ( १२ अप्रिल २०१९ ) – खेलमा टस हारेर ब्याटिंग गरेको नेपालले ४६ ओभरमा सबै विकेट गुमाएर २८२ रन बनाएको थियो। जवाफमा सिंगापुर ६५ रनमै समेटिन पुग्यो र नेपालले २१७ रनको जित दर्ता गर्यो।

नेपालको ब्याटिंगमा कप्तान रोहित पौडेलले ९५, राशिद खानले ४८ तथा पवन सर्राफले ४७ रन बनाएका थिए भने बलिंगमा पवन सर्राफले ३ विकेट लिए। स्कोरकार्ड 

Rohit Paudel

२०१७ यु-१९ विश्व कप छनौट एसिया, सिंगापुर ( १७ जुलाई २०१७ ) – खेलमा टस हारेर ब्याटिंग गरेको सिंगपुरले दिएको ७४ रनको लक्ष्य नेपालले ६ विकेट गुमाएर पुरा गरेको थियो। ४ विकेटको जितमा सन्दिप लामिछानेले ५ विकेट लिएका थिए। स्कोरकार्ड 

Sandeep Lamichhane celebrating wicket

२०१७ यु-१९ विश्व कप छनौट एसिया, सिंगापुर ( २१ जुलाई २०१७ ) – प्रतियोगितामा दोश्रो पटक खेल्ने क्रममा नेपाल २२ रनले विजयी भएको थियो।

टस जितेर ब्याटिंग गर्दै नेपालले दिएको १६९ रन लक्ष्य पछ्याउने क्रममा सिंगापुर १४६ रनमा समेटिन पुगेको थियो। नेपालको ब्याटिंगमा दिपेन्द्र ऐरीले ५४ तथा बलिंगमा सन्दिप लामिछानेले ४ विकेट लिएका थिए। स्कोरकार्ड