Home - नेपाल रास्ट्रिय क्रिकेट टिम ( महिला ) - नेपालको सानदार प्रदर्शन : थाई ‘ए’ टिम १९ रनमै अल-आउट

नेपाल रास्ट्रिय क्रिकेट टिम ( महिला )

नेपालको सानदार प्रदर्शन : थाई ‘ए’ टिम १९ रनमै अल-आउट

Wicketnepal Staff
Editor
Nepal womens cricket team ( Picture © ZapStudio Hk )
  • 8.5K
  •  
  •  
  •  
  •  
  •  
    8.5K
    Shares

  • विकेटनेपाल, माघ-२ , बुधवार 

थाईल्याण्डमा जारि वुमेन्स थाईल्याण्ड टि-२० स्म्यास प्रतियोगिता अन्तर्गत चौथो खेलमा थाईल्याण्ड ए टिम र नेपाली महिला राष्ट्रिय टिम प्रतिस्पर्धा गरिरहेका छन्।

टस जितेर पहिले ब्याटिंग गरेको थाईल्याण्ड ए टिमले १९ रनमा सम्पूर्ण विकेट गुमाउदै नेपाललाई २० रनको लक्ष्य दिएको छ।

थाईल्याण्ड ‘ए’ ले ब्याटिंग रोजेपछि कमजोर सुरुवात गर्ने क्रममा २ रनको योगफलमा २ विकेट गुमाउन पुग्यो। रन नखर्चे पनि तेश्रो ओभरमा २ विकेट झारे पनि तेश्रो विकेट झार्न सातौँ ओभरसम्म कुर्नु पर्यो।

१० रन बनाउदा तेश्रो विकेट गुमाएको घरेलु टिमले १ रन पनि थप्न नसक्दा थप ३ विकेट गुमाउन पुग्यो। १०/२ रहेको थाईल्याण्डको योगफल १०/६ पुग्यो। त्यसपछि थप ९ रन जोड्दा बाँकी ४ विकेट पनि उसले गुमाउन पुग्यो फलस्वरूप १५.४ ओभरमा १९ रनमा सबै विकेट गुमाउन पुग्यो।

थाईल्याण्डका ६ जना ब्याट्सउमनहरुले खाता पनि खोल्न सकेनन् भने नेपालले दिएको ७ अतिरिक्त रन योगफलमा सर्वाधिक योगदान रह्यो। थानचनोक फोपलुकले बनाएको ४ रन सर्वाधिक योगदान रह्यो।

Aarati Bidari
Aarati Bidari

नेपालको लागि प्रतियोगितामा पहिलो खेल खेलीरहेकी आरति बिडारीले सर्वाधिक ३ विकेट लिने क्रममा ४ ओभरमा १ मेडन ओभर सहित ५ रन मात्र खर्चिन्। यस्तै इन्दु बर्मा ( २-१-२-२ ) र सरिता मगर ( ३-१-४-२ ) ले २/२ विकेट हात पारिन्। कप्तान रुबिना क्षेत्री ( ३-२-३-१ ) र सोनु खड्का ( ३-०-३-१ ) को नाममा १/१ विकेट रह्यो।

प्रतियोगिताको यस अघि सम्पन्न ३ वटा खेलमा मलेसिया, चिन र युएईलाई पराजित गर्दै नेपालले सेमीफाइनलमा स्थान पक्का गरिसकेको छ। नेपालले मलेसियालाई ४ विकेटले, चिनलाई १० विकेटले र युएईलाई ६ विकेटले पराजित गरेको थियो।


  • 8.5K
  •  
  •  
  •  
  •  
  •  
    8.5K
    Shares