हरि चौहान र भिमको अर्धशतक , नेपालद्वारा युएईलाई २४८ रनको लक्ष्य



  • विकेटनेपाल, चैत-३० 

आईसीसी यु-१९ विश्व कप छनौट एसिया प्रतियोगिता अन्तर्गत नेपाललले आफ्नो दोश्रो खेलमा युएईसग प्रतिस्पर्धा गरिरहेको छ।

खेलमा पहिले ब्याटिंग गर्दै नेपालले ५० ओभरमा सबै विकेट गुमाएर २४७ रनको योगफल तयार गर्दै २४८ रनको लक्ष्य प्रस्तुत गरेको छ। नेपालले प्रतियोगिता अन्तर्गत पहिलो खेलमा सिंगापुरलाई पराजित गरिसकेको छ।

किनरारा ओभल मैदानमा टस हारेर ब्याटिंग गरेको नेपालले ओपनर पवन सर्राफलाई तेश्रो ओभरमा गुमायो।  आक्रामक सुरुवात गरेका सर्राफले १२ रन बनाउन ९ बलमा १ छक्का र १ चौका प्रहार गरे।

Rit Gautam
Rit Gautam

दोश्रो विकेटको लागि ओपनर रित गौतम र आसिफ शेखले ४७ रनको साझेदारी गरे। आसिफ २७ रन ( ३८ बलमा ५ चौका ) बनाएर आउट भए। अघिल्लो खेलमा ९५ रन बनाएका कप्तान रोहित पौडेल पनि १८ रन ( २३ बलमा ३ चौका ) बनाएर आउट भए। सन्दिप जोरा पनि ४ रन मात्रै बनाएर तथा एक किनार सम्हालीरहेका रित गौतम पनि ४४ रन बनाएर आउट भए।

२६ औं ओभरमा आउट भएका गौतमले ४४ रन बनाउन ७३ बलमा ३ चौका प्रहार गरे।

२५.३ ओभरमा ११५/५ को अवस्थामा समस्यामा रहेको नेपालको इनिंगलाई छैठौं विकेटको लागि हरि बहादुर चौहान र भिम शार्कीले अघि बढाए। दुवैले साझेदारीको रुपमा ९२ रन जोड्दा नेपालले योगफल २०० पार गर्यो।

अर्धशतक पुरा गरेलगत्तै भिम ४३ औं ओभरमा आउट भए। उनले ५४ बलमा ४ चौका र २ छक्का प्रहार गरे।

भिमको विकेटपछि नेपालले लगातार विकेट गुमायो। कुशल मल्ल र राशिद खान समान १/१ रन तथा कमल ऐरि २ रन बनाएर आउट भए।

Bhim Sharki

अर्को किनारमा विकेट गुमे पनि हरि चौहानले इनिंग सम्हालीरहे र अर्धशतक पुरा गरे। दशौँ विकेटको लागि हरिले सागर ढकालसंग २३ रनको साझेदारी गरे।

सागर २ रन बनाएर आउट हुँदा हरि ६७ रन बनाएर अविजित रहे। ७४ बल खेल्दा उनले ७ चौका प्रहार गरे।

नेपालले ५० ओभरमा सबै विकेट गुमाएर २४७ रनको योगफल तयार गर्यो।

युएईको बलिङ्गमा र मुखर्जीले सर्वाधिक ४ विकेट ( १०-०-६४-४ ) तथा मुहम्मद फराजुद्दीनले ३ विकेट ( १०-५२-३ ) लिए।





थप समाचार

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]

डेब्युमै गुर्बजले कीर्तिमान बनाउदा अफगानिस्तानद्वारा आयरल्याण्ड पराजित

पहिलो एकदिवसीयमा आयरल्याण्डमाथि १६ रनको जित निकाल्दै युनाइटेड अरब इमिरेट्स (युएई) मा जारि ३ खेलको एकदिवसीय शृंखलामा अफगानिस्तानले अग्रता लिएको […]

टि-१० लिगमा सहभागी हुन नेपाली खेलाडीहरु युएई प्रस्थान, कहिले छ खेल

जनवरी २८ तारिख देखि फेब्रुअरी ६ तारिखसम्म युनाइटेड अरब इमिरेट्सको अबु धाबीमा आयोजना हुने अबु धाबी टि-१० लिगमा सहभागी हुन […]