नेरी थापाको उत्कृस्ट बलिंग, युएई ४१ रनमै समेटियो

Kabita Kunwar


  • विकेटनेपाल, फाल्गुन-१० , शुक्रबार

थाइल्याण्डमा जारि आईसीसी टि-२० विश्वकप एसिया छनौट प्रतियोगिता आफ्नो तेश्रो खेलमा नेपाल युएईसंग प्रतिस्पर्धा गरिरहेको छ।

प्रतियोगिताको विजेता टिमले आईसीसी टि-२० बिश्व कप छनौट प्रतियोगिता २०१९ र आईसीसी महिला बिश्व कप २०२० ( एकदिवसीय ) छनौट प्रतियोगिता खेल्न छनौट हुनेछ।

खेलमा टस जितेर पहिले ब्याटिंग गरेको युएईले १७.३ ओभरमा सम्पूर्ण विकेट गुमाएर ४१ रन बनाउदै नेपाललाई ४२ रनको लक्ष्य प्रस्तुत गरेको छ।

टि-२० अन्तर्राष्ट्रियमा युएईले बनाएको ४१ रन नेपाल बिरुद्ध कुनै पनि टिमले बनाएको दोश्रो कम योगफल हो। जनवरीमा सम्पन्न थाईल्याण्ड टि-२० स्म्यासमा इन्डोनेसिया २७ रनमा नेपालसंग समेटिन पुगेको थियो।


पहिले ब्याटिंग गर्ने क्रममा खराब सुरुवात गरेको युएईले सुरुवात देखि लगातार विकेट गुमाउन पुगेको थियो। ओपनर छाया मुगल ( ३ ) , इशा ओजा ( २ ) , इगोडागे ( ४ ) , भेन्कटरमन ( ३ ), हुमैरा तस्निम ( १ ) र उडेनी डोना ( ० ) आउट हुन युएई ९ ओभरमा १९/६ को अवस्थामा पुगेको थियो।

सातौं विकेटको लागि सेनेभीरत्ना र नेहा शर्माले १६ रनको साझेदारी गरे। १३ रन बनाएपछि सेनेभीरत्ना १३ रन बनाएर नेरी थापाबाट आउट हुँदा साझेदारी टुटेको थियो। त्यसपछि युएई ब्याट्सवुमनहरुले योगफलमा खास योगदान दिन सकेनन् र ४१ रनमा सम्पूर्ण विकेट गुमाउन पुग्यो।

नेपालको बलिंगमा नेरी थापाले सर्वाधिक ४ विकेट लिईन्। ३.३ ओभरमा उनले १ मेडन ओभर सहित ६ रन खर्चिन्। यस्तै सिता राना मगर ( ४-१-७-२ ) , कविता कुँवर ( ३-०-७-२ ) र सोनु खड्का ( २-०-६-२ ) ले २/२ विकेट हात पारे।

नेरी थापाले लिएको ४ विकेट टि-२० अन्तर्राष्ट्रिय महिला क्रिकेटमा नेपालको लागि दोश्रो उत्कृस्ट बलिङ्ग स्पेल हो। यस अघि गत महिना थाईल्याण्डमा सम्पन्न थाईल्याण्ड टि-२० स्म्यास प्रतियोगितामा रुबिना क्षेत्रीले इन्डोनेसिया बिरुद्ध ३.१ ओभरमा २ मेडन ओभर गर्दै २ रन खर्चेर ४ विकेट हात पारेकी थिईन् जुन सबैभन्दा उत्कृस्ट स्पेल हो। टि -२० अन्तर्राष्ट्रिय महिला क्रिकेटमा ४ विकेट लिएको भने नेपालको लागि यो तेश्रो अवसर हो। सरिता मगरले थाईल्याण्ड टि -२० स्म्यासमा मलेसिया बिरुद्ध ४ विकेट हात पारेकी थिईन्।

टि-२० महिला अन्तर्राष्ट्रिय क्रिकेटमा नेपालको उत्कृस्ट स्पेल :- 

३.१-२-२-४ – रुबिना क्षेत्री ( बिरुद्ध इन्डोनेसिया, थाईल्याण्ड टि -२० स्म्यास २०१९ )
३.३-१-६-४ – नेरी थापा ( बिरुद्ध युएई , टि -२० विश्वकप एसिया छनौट २०१९ )
३.३-०-११-४ – सरिता मगर ( बिरुद्ध मलेसिया , थाईल्याण्ड टि -२० स्म्यास २०१९ )
४-०-९-३ – करुना भण्डारी ( बिरुद्ध चिन , थाईल्याण्ड टि -२० स्म्यास २०१९ )

प्रतियोगिता अन्तर्गत नेपालले पहिलो खेलमा मलेसियालाई ३४ रनले पराजित गरेको थियो भने दोश्रो खेलमा थाईल्याण्डसंग ५७ रनले पराजित हुन पुगेको थियो।

 





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]