नेपाललाई ३ विकेटले हराउँदै जिम्बावे ‘ए’ को एकदिवसीय शृंखलामा अग्रता



घरेलु टोलि नेपाललाई ३ विकेटले पराजित गर्दै जिम्बावे ‘ए’ ले ३ खेलको एकदिवसीय शृंखलामा १-० को अग्रता लिएको छ । यसअघि सम्पन्न ट्वान्टी-२० शृंखला भने १-१ को बराबरीमा टुंगिएको थियो ।

कीर्तिपुरस्थित त्रिवी अन्तराष्ट्रिय क्रिकेट मैदानमा सम्पन्न खेलमा १३७ रनको सामान्य लक्ष्य पछ्याएको जिम्बावे ‘ए’ ले ७ विकेट गुमाउँदै २६ ओभरमा पुरा गर्यो । जिम्बावे ‘ए’ को जितमा ओपनरद्वय इनोसेन्ट काय र सेफास झुवाओले क्रमशः ४८* र ३२ रन बनाए । यस्तै, ब्राड इभान्सले अविजित १७ तथा रोय कायाले १४ रनको योगदान दिए ।

काय र झुवाओले पहिलो विकेटको लागि ३९ रनको साझेदारी गर्दै जिम्बावे ‘ए’ लाई राम्रो सुरुवात दिलाए । झुवाओलाई कप्तान सन्दिप लामिछानेले आउट पार्दै साझेदारी तोडे । त्यसपछि कायले जिम्मेवारीपूर्वक ब्याटिंग गर्दै ताडीवान्से मारुमानीसँग दोस्रो विकेटको लागि १२ तथा रोय कायासँग तेस्रो विकेटको लागि २९ रनको साझेदारी गर्दै जिम्बावे ‘ए’ लाई खेलमा अघि बढाए ।

एक समय ८०/३ को स्थितिमा रहेको जिम्बावे ‘ए’ ले थप ३८ रन जोड्दा ४ विकेट गुमाउन पुगेपछि नेपालले झिनो जितको आश कायम राखेको थियो । तर, अन्तिममा काय र ब्राड इभान्सले अविजित १९ रनको साझेदारी गर्दै जिम्बावे ‘ए’ लाई जितसम्म डोर्याए । इभान्सले सुशन भारिले गरेको २६औं ओभरमा २ छक्का र १ चौका प्रहार गर्दै जिम्बावे ‘ए’ लाई सिरिजमा अग्रता दिलाए ।

नेपालको बलिंगतर्फ कप्तान सन्दिप लामिछाने ( १०-१-३२-२ )र करण केशीले ( ५-०-३०-२ ) समान २ तथा सोमपाल कामी र सागर ढकालले समान १ विकेट लिए ।

यसअघि टस हारेर पहिले ब्याटिंगको निम्तो पाएको नेपालले ३१.३ ओभरमा सम्पूर्ण विकेट गुमाउँदै १३६ रनमात्र बनाएको थियो । नेपालको ब्याटिंगतर्फ सोमपाल कामीले सर्वाधिक ३०, करण केशीले २५, कुशल भुर्तेलले १९ तथा दीपेन्द्रसिंह ऐरीले १८ रन बनाए भने अन्य ब्याटरले दोहोरो अंकमा रन बनाउन सकेनन् ।

जिम्बावे ‘ए’ को बलिंगतर्फ ब्राड इभान्सले ( ८.३-०-२७-४ ) सर्वाधिक ४ तथा फास झुवाओ, ब्रान्डन माभुटा र भिक्टर न्यायुचीले समान २ विकेट लिए ।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]