२०२० मा नेपालले विश्वकप लिग-२ को खेल नखेल्ने, सर्ने भयो प्रशिक्षण



नेपाली राष्ट्रिय क्रिकेट टिमले भदौ १ देखि सुरु गर्ने भनेको प्रशिक्षण सुरु नहुने भएको छ।

नेपाल क्रिकेट संघले ( क्यान )  त्रिभुवन विश्वविद्यालय अन्तर्राष्ट्रिय क्रिकेट मैदानमा खेलाडीहरुलाई आवासीय व्यवस्था मिलाउदै आईसीसीको निर्देशन अनुसार प्रशिक्षण सुरु गर्ने तयारी गरेको थियो।

अन्तर्राष्ट्रिय क्रिकेट परिषद ( आईसीसी ) ले आगामी वर्ष २०२१ जनवरी भन्दा अघि नेपालको खेल तालिका नभएको बताएपछि क्यानले उक्त निर्णय लिएको हो। क्यानले असोज १ बाट मात्र प्रशिक्षण थाल्ने बताईएको छ।

आईसीसीले २ साता अघि क्यानलाई सेप्टेम्बर २० देखि नामिबियामा त्रिकोणात्मक सिरिज खेल्ने प्रस्ताव गरेको थियो जसलाई ध्यानमा राख्दै क्यानले प्रशिक्षण सुरु गर्ने योजना बनाएको थियो।

नेपाली राष्ट्रिय टिमले अन्तिम पटक मार्चमा थाइल्याण्डमा एसीसी टि-२० ( इस्टर्न रिजन ) प्रतियोगिता खेलेको थियो। कोभीड-१९ महामारीका कारण त्यसपछि नेपालले विश्वकप लिग-२ अन्तर्गत जुलाईमा स्कटल्याण्डमा खेल्ने त्रिकोणात्मक सिरिज तथा अप्रिलमा नामिबियामा तथा जुनमा पपुवा न्यु गिनीसंग खेल्ने त्रिकोणात्मक सिरिज स्थगित भैसकेको छ।

नेपालले अन्तिम पटक मार्चमा थाइल्याण्डमा एसीसी टि-२० ( इस्टर्न रिजन ) प्रतियोगिता खेलेको थियो।

 

 

 

 

 

 

 

 

 

 

 

पुरानो तालिका अनुसार विश्वकप लिग-२ अन्तर्गत नेपालले २०२१ जनवरीमा ओमानमा ( ओमान, नेपाल र अमेरिका )  तथा फेब्रुवरीमा नेपालमा ( युएई, पपुवा न्यु गिनी र नेपाल )  अर्को त्रिकोणात्मक सिरिज खेल्ने तालिका रहेको छ। आईसीसीले स्थगित भएका खेलहरु समावेश गरे नयाँ तालिका सार्वजनिक गर्नेछ।

विश्वकप लिग-२ मा नेपालको पूर्व निर्धारित खेल तालिका 

२०२१ जनवरी : ओमान, अमेरिका र नेपाल ( आयोजक – ओमान )

२०२१ फेब्रुअरी : नेपाल, युएई र पपुवा न्यु गिनी ( आयोजक – नेपाल )

२०२१ अगस्ट : अमेरिका, नेपाल र ओमान ( आयोजक – अमेरिका )

२०२१ नोभेम्बर : नेपाल, नामिबिया र स्कटल्याण्ड ( आयोजक – नेपाल )

२०२२ जनवरी : युएई, पपुवा न्यु गिनी र नेपाल ( आयोजक – युएई )

विश्वकप लिग-२ अन्तर्गत नेपालले हालसम्म खेलेका चार खेलमा दुईमा जित तथा दुईमा हारका साथ चार अङ्क बटुलेको छ । नेपालले लिग दुईअन्तर्गत अब ३२ खेल खेल्न बाँकी छ । लिग दुईमा हालसम्म ओमान शीर्ष स्थानमा छ ।

नेपाल चार अङ्क बटुल्दै छैठौँ स्थानमा छ भने पपुवा न्यू गिनी हालसम्म खेलेका आठवटै खेलमा पराजित हुँदै अङ्कबिहीन अवस्थामा छ । आइसीसी विश्व कप क्रिकेट लिग दुई सन् २०२३ मा आयोजना हुने विश्वकपसम्म पुग्ने सिँढी हो।

विश्वकप लिग-२ को अंकतालिका 

 

 

 

 

 

 

 

लिगको शीर्ष तीन टोली सन् २०२३ को विश्वकप क्रिकेटको छनोटमा सोझै स्थान बनाउने छन् । बाँकी चार टोलीले विश्वकप छनोटमा प्रवेश पाउनका लागि फेरी प्लेअफ खेल्नेछन् । उक्त प्लेअफमा लिग दुईबाट आउने चार टोली तथा च्यालेञ्ज लिगबाट आउने दुई टोलीले प्रतिस्पर्धा गर्नेछन् ।

विश्वकप छनोट सन् २०२२ मा आयोजना हुनेछ । विश्वकप छनोटको विजेता र उपविजेता टोलीले सन् २०२३ मा भारतमा आयोजना हुने विश्वकप क्रिकेटमा भाग लिन पाउने छन् ।

धेरैले पढेको :- 

‘कोहली भएको भए सबैले चर्चा गर्थे तर उनि बाबर आजम हुन्, सब चुप छन्’ – नासिर हुसेन

भिभोले आईपीएल प्रायोजन छोड्दा बिसीसीआईलाई करिब २०० करोड घाटा लाग्न सक्ने





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]