मलेसियालाई पराजित गर्दै नेपाललाई एसीसी यु-१६ इस्टर्नको उपाधि



मलेसियालाई फाइनलमा ५९ रनले पराजित गर्दै नेपालले एसीसी अन्डर-१६ ( पूर्वी ) प्रतियोगिताको उपाधि जितेको छ।

प्रतियोगिताको उपाधि नेपालले जितेको यो लगातार दोश्रो पटक हो। यस अघि सन् २०१७ मा मलेसियामा आयोजित एसीसी यु-१६ पूर्वी प्रतियोगितामा नेपालले सिंगापुरलाई पराजित गर्दै उपाधि आफ्नो पक्ष्यमा पारेको थियो।

थाईल्याण्डमा सम्पन्न प्रतियोगिताको फाइनलमा टस जितेर ब्याटिंग गर्दै नेपालले दिएको १४१ रनको लक्ष्य पछ्याउने क्रममा मलेसियाले ३४.५ ओभरमा सम्पूर्ण विकेट गुमाएर ८१ रन मात्रै बनाउन सक्यो।

मलेसियालाई सस्तोमा समेट्न नेपालको लागि बिशाल कुमार पटेलले सर्वाधिक ४ विकेट लिए जुन क्रममा ७ ओभरमा १ मेडन ओभर गर्दा १८ रन खर्चिए। दिपक बोहराले ३ ( ७-१-१६-३ ) तथा निखिल कुमार सिंह ( ६-१-६-१ ) र कृश कार्की ( ०.५-०-१-१ ) ले १/१ विकेट लिए।

मलेसियाको ब्याटिंगमा मुहम्मद हजिकले सर्वाधिक १८, वान मुहम्मद आजमले १६ तथा जिनेन्द्र मुरलीले १४ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

यस अघि नेपालको लागि ब्याटिंगमा प्रशान्त महतले सर्वाधिक ४० रन बनाएका थिए। ६७ बलमा उनले ५ चौका प्रहार गरेका थिए। दिपक बोहराले २३ , बिशाल बिक्रम केसीले १७ र निखिल सिंहले १३ रन बनाउनु बाहेक अन्य नेपाली ब्याट्सम्यानले दोहोरो अंकमा रन बनाउन सकेनन्।

मलेसिया बलर सचिनु हेट्टीगेले ३ तथा जिनेन्द्र मुरलीले २ विकेट लिए।

खेलको फोटोहरु –

 

 





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]