वुमेन्स टि-२० स्म्यास : नेपालको पहिलो खेल चिनसंग ( खेल तालिका सहित )

Nepal womens cricket team


  • विकेटनेपाल, पुष २७ – शुक्रबार 

थाईल्याण्डमा यही जनवरी १२ तारिक ( पुष २८ गते ) देखि थाईल्याण्डमा आयोजना हुने वुमेन्स टि-२० स्म्यास २०१९ प्रतियोगिताको लागि नेपाली टिम आज दिउसो १:३० वजे थाईल्याण्ड प्रस्थान गर्दैछ।

गत वर्ष मङ्सिरमा आईसीसी महिला टि-२० बिश्वकप एसिया क्षेत्र छनौट प्रतियोगिता खेलेको नेपाली टिमले त्यसको १ वर्ष पछि अर्को अन्तर्राष्ट्रिय प्रतियोगितामा सहभागिता जनाउन लागेको हो।

प्रतियोगिताको लागि महिला टिमले डिसेम्बर १९ देखि टियु मैदानमा अभ्यास गरेको थियो। टिमको प्रशिक्षण यो पटक यु-१९ राष्ट्रिय टिमका मुख्य प्रशिक्षक समेत रहेका बिनोद दासले गरेका थिए जो टिमसंग थाईल्याण्ड पनि जानेछन्।

टि-२० स्म्यास खेल्न १४ सदस्यीय महिला टिम जाँदैछ जसको घोषणा बुधबार गरिएको थियो। टिमको कप्तानी रुबिना क्षेत्रीले गर्नेछिन्। यो पटक महिला राष्ट्रिय टिममा आरति बिडारी, कविता कुँवर, डली भट्ट, बिन्दु रावल जस्ता क्रिकेटरहरुले पहिलो पटक स्थान बनाएका छन्।

नेपाली टिम :- रुबिना क्षेत्री ( कप्तान ) , सिता राना मगर ( उप कप्तान ) , करुना भण्डारी, सरिता मगर, नेरी थापा, इन्दु बर्मा, सोनु खड्का, आरति विडारि, काजल श्रेष्ठ, रोमा थापा, कविता कुँवर, डली भट्ट, ममता चौधरी, बिन्दु रावल  अतिरिक्त खेलाडी – रितु कनौजिया, ,सुमन बिस्ट, सबनम राई , सपोर्ट स्टाफ – बिनोद दास ( प्रशिक्षक )  अमृता पौडेल ( व्यवस्थापक ) , सकुना दानी ( फिजीयो )

नेपालको खेल तालिका र समुह :- 

थाईल्याण्ड टि-२० स्म्यास प्रतियोगितामा नेपाल सहित भुटान, हंगकंग, युएई, चिन, मलेसिया, थाईल्याण्ड , थाईल्याण्ड ‘ए’ , इन्डोनेसिया, म्यानमार गरि १० टोलिको सहभागिता रहनेछ। सहभागी १० टोलिलाई ५/५ टिमको २ वटा समुहमा बिभाजन गरिएको छ।

नेपाल रहेको समुह ‘ए’ मा युएई , चिन, मलेसिया र थाईल्याण्ड ‘ए’ टिम रहेका छन्। समुह ‘बि’ मा थाईल्याण्ड, हंगकंग, इन्डोनेसिया, भुटान र म्यानमार रहेका छन्। दुवै समुहमा एक अर्का बीच १/१ खेल खेलीसकेपछि समुहबाट उत्कृस्ट २ हुने टिम सेमीफाइनल प्रवेश गर्नेछ।

नेपालले जनवरी १२ तारिकमा चिनको सामना गर्नेछ भने १३ तारिकमा मलेसियाको, १४ तारिकमा युएईको १६ तारिकमा थाईल्याण्ड ए टिमको सामना गर्नेछ।

समुह ए : नेपाल, युएई , चिन, मलेसिया र थाईल्याण्ड ‘ए’ , समुह ‘बि’ : थाईल्याण्ड, हंगकंग, इन्डोनेसिया, भुटान र म्यानमार

जनवरी १२ – नेपाल Vs चिन – ८:१५ बजे बिहान ( नेपाली समय )
जनवरी १३ – नेपाल Vs मलेसिया – ८:१५ बजे बिहान ( नेपाली समय )
जनवरी १४ – नेपाल Vs युएई – १२:१५ बजे दिउसो ( नेपाली समय )
जनवरी १६ – नेपाल Vs थाईल्याण्ड ‘ए’ – ८:१५ बजे बिहान ( नेपाली समय )

बिश्वकप छनौट एसिया खेल्दै नेपाली महिला टिम 

थाईल्याण्ड वुमेन्स टि-२० स्म्यास २०१९ मा सहभागिता जनाए पछि नेपाली महिला टिमले फेब्रुवरी १८ देखि २७ तारिकसम्म ( फाल्गुन ५- १५ गते ) थाईल्याण्डमानै आयोजना हुने आईसीसी महिला विश्व कप छनौट एसिया प्रतियोगिता खेल्नेछ।

महिला टि-२० बिश्व कप छनौट एसिया प्रतियोगितामा नेपाल सहित आयोजक थाईल्याण्ड, चिन, हंगकंग, कुवेत, मलेसिया र युएई गरि कुल ७ टोलि सहभागी हुँदैछन्। राउण्ड रोबिन फर्म्याटमा आयोजना हुने प्रतियोगिताको विजेता टिमले आईसीसी टि-२० बिश्व कप छनौट प्रतियोगिता २०१९ र आईसीसी महिला बिश्व कप २०२० ( एकदिवसीय ) खेल्न छनौट हुनेछ। प्रतियोगिताको खेल तालिका भने सार्वजनिक गरिएको छैन।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]