नेपालको पहिलो खेल बंगलादेशसंग : नेत्रहीन बिश्वकप



  • विकेटनेपाल, पौष १९ – बुधबार

पाकिस्तान र दुबईमा संयुक्त रुपमा आयोजना हुने नेत्रहीन एकदिवसीय बिश्वकपमा नेपालले आफ्नो पहिलो बंगलादेशसंग खेल्नेछ।

नेपाल सहित पाकिस्तान, भारत, श्रीलंका, बंगलादेश, अस्ट्रेलिया गरि ६ रास्ट्रको सहभागिता रहने प्रतियोगिता जनवरी ८ ( पुष २४ ) देखि सुरु हुँदैछ।

पहिलो खेलमा नेपालले जनवरी ८ तारिकमा पाकिस्तानको लाहोरमा बंगलादेशको सामना गर्नेछ, दोश्रो खेल ९ जनवरीमा भारतसंग पाकिस्तानकै फैसलाबादमा, तेश्रो खेल १० जनवरीमा पाकिस्तानसंग गुज्रनवाला पाकिस्तानमा, चौथो खेल ११ जनवरीमा अस्ट्रेलियासंग दुबईको अजमनमा तथा पाँचौ तथा लिगको अन्तिम खेल १५ जनवरीमा श्रीलंकासंग दुबईको अजमनमा खेल्ने कार्यक्रम रहेको छ। ६ टिमबाट अंक तालिकाको शिर्ष ४ भित्रमा रहने टिमले सेमीफाइनलको यात्रा गर्नेछ। दुवै सेमीफाइनल खेल दुबईमा आयोजना हुनेछ भने फाइनल खेल २१ जनवरीमा पाकिस्तानको गद्दाफी स्टेडियममा हुनेछ।

प्रतियोगितामा सहभागी हुन नेपाली टिम मंगलबार पाकिस्तान प्रस्थान गरिसकेको छ। बजेट अभावका कारण कारण टिम ४ दिन रेल यात्रा गर्दै पाकिस्तान पुग्नेछ। हवाईजहाजको टिकट किन्ने बजेट नभएका कारण टिम रेलबाटै पाकिस्तान पुग्नेछ। ४ दिल रेल यात्रा पछि नेपाली टिम पहिलो खेल खेल्ने २ दिन अघि ( पौष २२ ) पाकिस्तान पुग्नेछ।

प्रतियोगितामा सहभागी हुने १४ सदस्यीय नेपाली टिमको कप्तानी कृतन श्रेष्ठले गर्नेछन्। टिमको प्रशिक्षण रिजन प्रजुले गर्नेछन्।

नेपालको बिश्वकप इतिहास 

नेपालले सन् २०१२ र २०१७ गरि २ पटक टि-२० बिश्वकप मा सहभागिता जनाईसकेको छ। एकदिवसीय बिश्वकपमा भने नेपालको सहभागिता पहिलो पटक हो। नेपाल टि-२० बिश्व कपको दुवै संस्करणको पहिलो चरणबाटै बाहिरिएको थियो।

गत बर्ष भारतमा सम्पन्न टि-२० बिश्वकपमा नेपालले न्युजिल्याण्ड र दक्षिण अफ्रीकालाई पराजित गरेको थियो। सो बिश्वकपमा नेपाली खेलाडी पदम बडेलले न्युजिल्याण्डबिरुद्ध दोहोरो शतक प्रहार गरेका थिए । उक्त दोहोरो शतक दृस्टीबिहिन क्रिकेटको इतिहासकै पहिलो दोहोरो शतक थियो ।

सन् १९९६ देखि आयोजना थालिएको एकदिवसीय बिश्वकपको प्रथम संस्करणको उपाधि दक्षिण अफ्रीकाले जितेको थियो भने त्यसपछि सन् २००२ र २०१४ को उपाधि भारतले तथा सन् २००६ को उपाधि पाकिस्तानले जितेको थियो।

सम्बन्धित समाचार – 





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]