नेपालले यसरी जितेको थियो २ बलमै खेल

Mehboob Alam


  • विकेटनेपाल, असोज १४ 

सन् २०२० मा अष्ट्रेलियामा आयोजना हुने ट्वान्टी-२० विश्वकपको एसिया उप-क्षेत्रिय छनौट प्रतियोगिताको पहिलो खेल अन्तर्गत नेपालले अक्टोबर ३ तारिकमा म्यानमारसंग खेल्दैछ। अस्ट्रेलियामा हुने २०२० टि-२० बिश्वकपको पहिलो खुड्किला पार गर्ने क्रममा नेपालले म्यानमारसंगै, मलेसिया , थाईल्याण्ड, भुटान, चिन र सिंगापुरसंग खेल्नेछ।

पहिलो खेलमा म्यानमारको सामना गर्दै गर्दा एउटा यस्तो खेल याद दिलाउदै छौ जुन खेल बिश्व क्रिकेटमै अचम्मको नतिजाको कारणले परिचित छ।

सन् २००६ एसीसी ट्रफी ( मलेसिया ) , नेपाल Vs म्यानमार

मलेसियाको क्लब अमन मैदानमा एसीसी ट्रफीको समुह चरणको आफ्नो चौथो खेलमा नेपाल खेल्दै थियो म्यानमारसंग। मिति थियो २० अगस्ट २००६। नेपाल प्रतियोगिताको अघिल्लो ३ खेलमा हंगकंग, भुटान र कुवेतलाई सजिलै हराऊदै एसीसी ट्रफी जित्ने अभियानमा थियो। क्रिकेट इतिहासममी पहिलो पटक भिड्दै थिए नेपाल र म्यानमार।

नेपालले टस जित्यो र कप्तान बिनोद दासले पहिले बलिंग गर्ने निर्णय गरे। बलिंग गर्न आए मेहबुब आलम। पहिलो बलमै विकेट !

आलमबाट त्यो अस्वभाविक पक्कै थिएन। म्यानमार ओपनर ओमर खाता नखोली आलमको एलबिडब्लु धरापमा परे। म्यानमारको स्कोर ०/१।

चौथो बलसम्म खाता खोल्न नसकेको म्यानमारलाई आलमले पुनः झट्का दिए। यसपालि आलमले म्यानमार ब्याट्सम्यान मोहम्मदको स्टम्प उडाईदिए। स्कोर पुग्यो ०/२

प्रतियोगिताकै अर्को खेलमा म्यानमार ब्याट्सम्यान ( Photo – ACC )

आलम कहाँ रोकिन्थे र ? आफ्नो दोश्रो ओभरको पहिलो र पाँचौ बलमा विकेट लिंदै स्कोर र रन बराबर बनाईदिए। अब्दुल रहमानको स्टम्प ढालेका आलमले शरजिललाई राजु बस्नेतको हातमा क्याच थमाए। ४ रनमै ४ वटै विकेट गुमाएको म्यानमार गम्भीर संकटमा पुग्यो।

आलम अझै थामिएनन्… सातौँ ओभरको दोश्रो र पाँचौ बलमा छैठौं र सातौँ नम्बरका ब्याट्सम्यानलाई पनि पाखा लगाईदिए। स्कोर पुग्यो ७ रन ६ विकेटको नोक्सानी।

कप्तान बिनोद दास पनि कम कहाँ थिए र ? दासले पनि २० बल खेल्दै १ रन बनाएर अवरोध बनिरहेका ओपनर जर्कारीयालाई अन्य ६ ब्याट्सम्यान फर्केकै बाटो देखाईदिए। स्कोर पुग्यो ७.५ ओभर ८ रन ७ विकेटको क्षेतीमा।

Binod Das
प्रतियोगिताको अर्को एक खेलमा बलिङ्ग गर्दै बिनोद दास ( Photo – ACC )

नेपाल इतिहाको नजिक थियो। ८ रन बन्दा ७ जना ब्याट्सम्यान गुमाएको म्यानमारलाई बिनोद दासले दया गरेनन्। ८ बलमा १ रन बनाई इज्जत ढाक्ने प्रयासमा रहेका जिन मिन पनि उखालिएको स्टम्प हेर्दै पेभेलियनकै बाटो लागे। ९ रनमै गुम्यो म्यानमारको ८ विकेट १० ओभरको समाप्ति।

बाँकी थियो २ विकेट र झरेका सबै ८ विकेट थियो आलम र दासको नाम। नांगीसकेको थियो म्यानमार अब अझै नांगिन केनै बाँकी थियो होलार ? केहि पनि बाँकी छाडेनन् दास र आलमले। नवौं विकेटको रुपमा बिनोद दासले युसुफलाई १२ औ ओभरको दोश्रो बलमा आकाश गुप्तालाई क्याच थमाए। बाँकी थियो १ विकेट, आलमले ए मिन थानको बल छुने प्रयास असफल बनाईदिए। बोल्ड !
म्यानमार १० रनमै अल आउट।

१० विकेट १२.१ ओभरमा गुमाएको म्यानमारका ५ जना ब्याट्सम्यानले १ रन जोड्दा अन्य ५ जना ० मै आउट भए। बिनोद दासले २ वटा वाइड र लेग बाईको रुपमा ३ रन पाउदा दोहोरो अंक छुने सौभाग्य म्यानमारले पायो। आलमले ६.१ ओभरमा ३ मेडन ओभर सहित ३ रन खर्ची ७ विकेट तथा दासले ६ ओभरमा २ मेडन ओभर सहित ४ रन खर्ची ३ विकेट आफ्नो पक्षमा पारे।

अब ब्याटिंग गर्ने पालो नेपालको। लक्ष ११ रन।

ब्याटिंग गर्न आईपुगे महेश क्षेत्री र धिरेन्द्र चन्द। ओपनिंग बलिंग गर्न आएका म्यानमार बलर ए मिन थनले नेपाली ब्याट्सम्यानलाई धेरै दुख दिएनन्। ३ वटा वाइड फालेका मिनको बलमै नेपालले २ रन समेत लियो। महेश क्षेत्री र धिरेन्द्र चन्दले खेलेको २ बलमा ३/३ रन बटुले पछि नेपालले २ बलमै खेल जित्यो।

प्रतियोगिताकै एक अन्य खेलमा बलिङ्ग गर्दै मेहबुब आलमको अपिल ( Photo – ACC )

खेलको म्यान अफ द म्याच ७ विकट लिएका मेहबूब आलम घोषित भए। प्रतियोगितामा लज्जास्पद प्रदर्शन गरेको म्यानमारको त्यो नै पहिलो र अन्तिम एसीसी ट्रफी प्रतियोगिता बन्न पुग्यो।

प्रतियोगितामा नेपालले भने सेमीफाइनलमा युएईसंग ९ विकेटले पराजित हुन पुग्यो। फाइनलमा युएईले हंगकंगलाई ५ विकेटले पराजित गर्दै प्रतियोगिताको उपाधि जितेको थियो। तेश्रो स्थानको लागि भएको प्लेअफमा पनि नेपालले ६४ रनको हार बेहोर्न पुगेको थियो।

नेपाल फेरी एक पटक म्यानमारसंग खेल्ने भएको छ जुन खेल २००६ पछि म्यानमारसंग दोश्रो खेल हुनेछ , दोश्रो खेलको दोश्रो बलमा फेरी उही नतिजा आउला ?

म्यानमारको ब्याटिंग कार्ड

ट्वान्टी-२० विश्वकपको एसिया उप-क्षेत्रिय छनौट प्रतियोगितामा नेपालको खेल तालिका : 

पहिलो खेल : vs म्यान्मार, अक्टोबर ३ (किनरारा ओभल) , दोस्रो खेल : vs मलेसिया, अक्टोबर ६ (किनरारा ओभल)
तेस्रो खेल : vs थाइल्याण्ड, अक्टोबर ७ (किनरारा ओभल) , चौथो खेल : vs भुटान, अक्टोबर ९ (बायुमास ओभल)
पाँचौ खेल : vs चिन , अक्टोबर १० (किनरारा ओभल), छैठौं खेल : vs सिंगापुर, अक्टोबर १२ (किनरारा ओभल)

( फोटोहरु – एसीसी )





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]