नेपालद्वारा मलेसियालाई १२८ रनको लक्ष – सेमीफाइनल



  • विकेटनेपाल, पुष १ 

एसीसी यु-१६ इस्टर्न प्रतियोगिता अन्तर्गत सेमीफाइनल खेलमा नेपालले टस हारेर पहिले ब्याटिंग गर्दै मलेसियालाई १२८ रनको लक्ष दिएको छ।

स्कोरकार्ड

टेर्ड थाई मैदान थाईल्याण्डमा जारि खेलमा निर्धारित ३४ ओभरको इनिंगमा नेपालले ८ विकेट गुमाई १२७ रनको स्कोर बनाएको हो।

वर्षाको कारण ढिला सुरु भएको खेल ३५ बाट ३४ ओभरमा झारिएको थियो।

टस जितेको मलेसियाले खेल अघि वर्षाको फाइदा उठायो र नेपाललाई दबाबमा राख्न सफल भयो। नेपालले सुरुवात देखि निरन्तर  गुमाउदै पहिलो ५ विकेट ६७ रनको योगफलमै गुमाउन पुगेको थियो।

नेपालको लागि पुछारका ब्याट्सम्यानहरुले रन बनाउदै सम्मानजनक स्कोर तर्फ टिमलाई डोर्याएका थिए। आठौँ नम्बरमा ब्याटिंग गरेका प्रतिस जिसीले सर्बाधिक २५ रन योगदान दिए असल २२ बलमा १ चौका र १ छक्का प्रहार गरे। यस्तै नारायण जोशी र सुनिल भण्डारीले समान १७ रनको योगदान दिए।

यस अघि ओपनर कुशल मल्ल ६ र राजन मगर ११ रन बनाएर आउट भए पछि तेश्रो नम्बरमा ब्याटिंग गरेका बिसाल बिक्रम केसीले पनि १५ रनमै विकेट गुमाउन पुगे। अघिल्लो खेलमा म्यानमार बिरुद्ध शतक प्रहार गरेका कप्तान रित गौतम पनि ११ रन मै आउट भए। प्रतियोगितामा उत्कृस्ट लयमा देखिएका तृत राज दासले पनि १३ रन मात्रै बनाउन सकेका थिए।

अनुशासित बलिंग गरेको मलेसियाको लागि मोहम्मद अफिकले सर्बाधिक ३ विकेट हात पार्न ४ ओभरमा १९ रन खर्चिए भने असलम खानले २ विकेट आफ्नो नाम गरे। अतिरिक्त रनको रुपमा मलेसियाले मात्र ५ रन खर्चिएको थियो।

नेपालले यस अघि समुह चरणको सबै खेलमा जित हात पार्दै समुह ‘ए’ को बिजेताको रुपमा सेमीफाइनलमा स्थान बनाएको थियो। प्रतियोगिताको फाइनल खेल सोमबार खेलिनेछ।

खेलको फोटोहरु – 




 





थप समाचार

कोभिड-१९ बिरुद्ध लड्न सन्दिपले सुरु गरे आर्थिक अभियान

स्टार नेपाली लेग स्पिनर सन्दिप लामिछानेले कोभीड-१९ महामारी बिरुद्ध सहयोग अभियान सुरु गरेका छन्। सामाजिक संजाल मार्फत अभियानको घोषणा गर्दै […]

वेस्टइन्डिज भ्रमणको लागि अस्ट्रेलियन टिम घोषित, लाबुशेन बाहिर

वेस्टइन्डिज भ्रमणको लागि क्रिकेट अस्ट्रेलियाले २३ सदस्यीय टिमको सोमबार घोषणा गरेको छ। भ्रमणमा अस्ट्रेलियाले वेस्टइन्डिज बिरुद्ध पाँचवटा टि-ट्वान्टी अन्तर्राष्ट्रिय र […]

न्युजिल्यान्ड बिरुद्ध टेस्ट सिरिजबाट बाहिरिए आर्चर

इंग्ल्यान्ड फास्ट बलर जोफ्रा आर्चर न्युजिल्यान्ड बिरुद्ध जुन २ बाट सुरु हुने दुई टेस्टको सिरिजबाट बाहिर भएका छन्। कुइनोको चोट […]

“१०-१२ वर्ष एन्जाइटिले सतायो, कैयौं रात नसुती बिताएको छु” सचिन तेन्दुलकर

भारतीय क्रिकेट लेजेण्ड सचिन तेन्दुलकरले आफ्नो २४ वर्षीय क्रिकेट करियरको ठूलो हिस्सा एन्जाइटिसंग ( भय, त्रास, अत्यासको अवस्था ) जुझेको […]

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]