अंकतालिकामा नेपाल दोश्रो, यसरी छनौट हुनसक्छ बिश्वकप छनौटमा

sandeep lamichhane


  • विकेटनेपाल, माघ २९ – सोमबार

आईसीसी बिश्व क्रिकेट लिग डिभिजन-२ अन्तर्गत नेपालले आफ्नो आफ्नो चौथो खेलमा केन्यालाई पराजित गर्दै अंकतालिकामा यथावत रहेको छ। आजको खेलमा जित हात पारेपछि स्थान दोश्रोनै भएपनि महत्त्वपूर्ण २ अंक प्राप्त गरेको छ।

नेपालले जारि प्रतियोगिता अन्तर्गत पहिलो खेलमा आयोजक नामिबियालाई रोमान्चक खेलमा १ विकेटले पराजित गरेको थियो भने दोश्रो खेलमा ओमानसंग ६ विकेटको हार बेहोरेको थियो। त्यस्तै तेस्रो खेलमा युएईलाई ४ विकेटले पराजित गरेको थियो।

प्रतियोगिता अन्तर्गत आजै सम्पन्न खेलमा पहिलो स्थानमा रहेको क्यानडाले आयोजक नामिबियासँग १८ रनको हार व्यहोरेपनि नेट रन रेटको आधारमा पहिलो स्थानमानै रहेको छ।

यस्तो छ नेपाल छनौट हुने समिकरण

प्रतियोगितामा नेपालले अब बुधबार अंकतालिकाको शिर्ष स्थानमा रहेको क्यानडासंग प्रतिस्पर्धा गर्नेछ जुन खेलमा जित हाँसिल गरे नेपाल मार्चमा जिम्बाबेमा आयोजना हुने २०१९ को एकदिवसीय बिश्वकप छनौट खेल्न छनौट हुनेछ। क्यानडासंग हार बेहोरेको खण्डमा भने नेपालले छनौट हुन अन्य टिमहरुको नतिजामा भर पर्नुपर्नेछ।

प्रतियोगितामा मंगलबार केन्या र नामिबिया प्रतिस्पर्धा गर्दैछन् भने लिगको अन्तिम दिन ओमानले केन्याको तथा नामिबियाले युएईको सामना गर्नेछ।नेट रन रेट निकै राम्रो भएको हुँदा नेपालसंग पराजित भएपनि क्यानडा बिश्व कप छनौट खेल्न छानिने सम्भावना प्रबल रहेको छ।

नेपाल हारेको खण्डमा 

क्यानडासंग नेपाल पराजित भएको खण्डमा युएई र नामिबियाको नतिजामा नेपाल छनौट हुने नहुने निर्भर हुनेछ। नामिबियाले मंगलबार केन्यालाई तथा अन्तिम दिन युएईलाई पराजित गरेको खण्डमा नामिबिया छनौट हुनेछ। नामिबियाले ३ खेल खेल्दा २ जित हाँसिल गरेको छ भने युएईले ४ खेलमा २ जित हाँसिल गरेको छ।

बाँकी खेलहरु – 

मंगलबार – नामिबिया Vs केन्या
बुधबार – नेपाल Vs क्यानडा, केन्या Vs ओमान, नामिबिया Vs युएई

युएईको दोश्रो जित

संयुक्त अरब इमिरेट्सले आज भएको खेलमा ओमानलाई ४६ रनले पराजित गरेको छ । उसको जितमा घुलाम शब्बरले ६३ रनको पारि खेल्नेक्रममा १०५ बलमा ७ चौका प्रहार गरेका गरेपछि ९  युएईले १५९ रनको योगफल तयार परेको थियो। जवाफमा लक्ष्य पछ्याएको ओमानको लागि जतिंदर सिंहले ५१ रन प्रहार गर्दै राम्रो सुरुवात दिलाएका थिए । तर अन्तिम ३ ओभर  मा १ रन मात्र बनाउदै ५ विकेट गुमाएपछी ओमान पराजित भएको हो । युएईका मोहम्मद नाविदले ३ विकेट लिन मात्र ८ रन खर्चे।

नामिबियाको पनि दोश्रो जित

जारि प्रतियोगिता अन्तर्गत आज भएको खेलमा बलियो क्यानडालाई १७ रनले पराजित गर्दै नामिबियाले दोश्रो जित हात पारेको छ । नामिबियाका लागि सिजी विल्लियाम्सले ८२ रनको पारि खेलेपछि ५० ओभरमा ८ विकेट गुमाएर २६८ रनको योगफल तयार पारेको थियो । यत्सै एमजी ईरास्मसले पनि ६६ रनको पारि खेलेका थिए ।

जवाफमा जेजे स्मिटले ४७ रन खर्चेर तथा जेएन फ्र्यांकलिनले ५७ रन खर्चेर समान ३/३ विकेट लिएपछि क्यानाडा पराजित भएको हो । क्यानडाको लागि गुनासेकेराले ५७, पथिरनाले ४७ रन तथा धलिवालले ४४ रन बनाएपनि जितको लागि पर्याप्त हुन सकेन।

 





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]