Home - यु-१९ रास्ट्रिय क्रिकेट टिम - नेपाल दोश्रो खेलमा भारत यु-१९ ‘ए’ संग खेल्दै

यु-१९ रास्ट्रिय क्रिकेट टिम

नेपाल दोश्रो खेलमा भारत यु-१९ ‘ए’ संग खेल्दै

Wicketnepal Staff
Editor
Sagar Dhakal
  • 3K
  •  
  •  
  •  
  •  
  •  
    3K
    Shares

  • विकेटनेपाल, भदौ २८ 

भारतीय क्रिकेट बोर्ड – बिसीसीआईको आयोजनामा लखनउमा आयोजना भइरहेको नेपाल यु-१९, भारत, यु-१९ ( ए ) , अफगानिस्तान यु-१९ र भारत यु-१९ ( बि ) सहभागी चौकोणीय एकदिवसीय सिरिज अन्तर्गत नेपालले दोश्रो खेलमा भारत यु-१९ ( ए ) को सामना गर्नेछ।

प्रतियोगिता अन्तर्गत पहिलो खेलमा नेपालले बुधबार भारत यु-१९ ( बि ) संग ४० रनको हार बेहोरेको थियो भने भारत यु-१९ ( ए ) ले अफगानिस्तान यु-१९ लाई १४० रनले पराजित गरेको थियो।

सुधारिएको प्रदर्शन तथा गत बर्ष नोभेम्बरमा भारत यु-१९ लाई पराजित गरेको इतिहास दोहोर्याउने उद्देश्यको साथ नेपाली युवा टिम मैदानमा उत्रनेछ। उता अफगानिस्तानलाई सहजै पराजित गरेपछि भारत यु-१९ ‘ए’ त्यही लयको आशामा हुनेछ।

खेल सुरु हुने समय – ९:१५ बजे बिहान ( नेपाल )
मैदान – एकाना अन्तर्रास्ट्रिय क्रिकेट स्टेडियम, लखनउ

Ekana International Cricket Stadium
खेल हुने नव निर्मित एकाना स्टेडियम लखनउ

नेपालले गत बर्ष नोभेम्बरमा मलेसियामा सम्पन्न यु-१९ एसिया कपमा राहुल द्रविड प्रशिक्षणको भारतीय यु-१९ टिमलाई १९ रनले पराजित गर्दै इतिहास रचेको थियो। पहिले ब्याटिंग गर्दै नेपालले १८५ रन बनाएको थियो जसको जवाफमा भारत यु-१९ १६६ रनमा समेटिएको थियो। खेलमा कप्तानी गरेका दिपेन्द्र ऐरिले ८८ रन बनाउनुको साथै लिएका थिए। कुनै पनि स्तरमा नेपालले भारतलाई पराजित गरेको त्यो नै पहिलो पटक हो।

बुधबार अभ्यास गर्दै युवा टिम

भारत यु-१९ ‘ए’ टिम – पभन साह ( कप्तान ) , देवदत्त पडिक्कल, यशस्वी जैसवाल, अनुज रावत, यश राथोड़, आयुष बादोनी, नेहल वधेरा, प्रब सिमरन सिंह, सिदार्थ देसाई, हर्ष त्यागि, अजय देव गौड, यतिन मंग्वानी, समिर चौधरी र राजेश मोहन्ति

नेपाल यु-१९ टिम – आसिफ शेख ( कप्तान )त्रित राज दास, रभि शाह , बिपिन रावल, लोकेश बम, रित गौतम, पवन सर्राफ, किशोर महतो, राशिद खान, भिम शार्की, कमल सिंह ऐरी, सन्दिप जोरा, सागर ढकाल, अरुण ऐरी र मोहम्मद संसाद आलम

सिरिजमा नेपालको बाँकी खेल – 
सेप्टेम्बर १४ – नेपाल यु-१९ Vs भारत यु-१९ ( ए )
सेप्टेम्बर १६ – नेपाल यु-१९ Vs अफगानिस्तान यु-१९
सेप्टेम्बर १८ – फाइनल र प्ले-अफ ( तेश्रो र चौथो )

 


  • 3K
  •  
  •  
  •  
  •  
  •  
    3K
    Shares