नेपालको दोश्रो अभ्यास खेल शुक्रबार : श्रीलंका अभ्यास भ्रमण

Gyanendra Malla , Subash Khakurel


  • विकेटनेपाल, भदौ ७ – बिहिबार 

अगस्ट २९ तारिक देखि मलेसियामा आयोजना हुने एसिया कप छनौट प्रतियोगिताको तयारीको लागि श्रीलंकाको कोलम्बोमा रहेको नेपाली क्रिकेट टिमले दोश्रो अभ्यास खेलमा शुक्रबार ब्लुमफिल्ड क्लबको सामना गर्नेछ।

नेपालले बुधबार सम्पन्न पहिलो अभ्यास खेलमा श्रीलंका आर्मी क्रिकेट क्लब माथि ६७ रनको जित हाँसिल गरेको थियो। पहिले ब्याटिंग गर्दै नेपालले बनाएको १९४ रनको जवाफमा आर्मी क्लबले १२७ रन मात्रै बनाएको थियो। नेपालको जितमा आरिफ शेखले ८९ रनको शानदार इनिंग खेलेका थिए भने बलिङ्गतर्फ सोमपाल कामि र बसन्त रेग्मीले ३/३ विकेट लिएका थिए।

दोश्रो अभ्यास खेल नेपाली समय अनुसार १०: १५ बजे सुरु हुने नेपाली टिमका ब्यबस्थापक रमन शिवाकोटीले विकेटनेपाललाई जानकारी दिएका छन्। खेल ब्लुमफिल्ड क्रिकेट मैदानमा हुनेछ।

ब्लुमफिल्ड क्रिकेट क्लब टिम ( फोटो – thepapare.com )

श्रीलंकाको पुरानो क्लब मध्येको ब्लुमफिल्ड क्लब त्यहाँको प्रथम श्रेणी क्रिकेट खेल्ने क्लब हो। क्लबमा श्रीलंकाको लागि अन्डर-१९ तथा अन्य उमेर समुहको लागि खेलेका खेलाडीहरुको बाहुल्यता रहेको छ। नेपाली ब्यबस्थापनले नेपालसंग खेल्ने टिममा को-को हुने भने सार्वजनिक गरेको छैन।

पहिलो अभ्यास खेलमा नखेलेका पारस खड्का, सागर पुन र करन केसीले दोश्रो अभ्यास खेलमा खेल्ने सम्भावना बढी रहेको छ। फ्लप रहेको नेपालको माथिल्लो अर्डर नेपालको चिन्ताको कारण बन्दा ओपनिङ्ग ब्याट्सम्यानको रुपमा ज्ञानेन्द्रसंग कसले ब्याटिंग गर्ने पनि निश्चित भएको छैन। सुबास इंग्ल्याण्ड र नेदरल्याण्ड भ्रमण देखि टिममा रहे पनि अझै प्रमाणित गर्ने इनिंग भने खेल्न सकेका छैनन् भने अनिल साहको पनि अवस्था फरक छैन। अर्कोतर्फ लामो समयपछि मौका पाएका बिनोद भण्डारी र सागर पुनको प्रदर्शन पनि कस्तो हुने हो हेर्न बाँकी रहेको छ।

पहिलो अभ्यास खेलमा आरिफ शेखले कठिन अवस्थामा खेलेको इनिंगले सुभ संकेत दिएको छ भने अझै पनि ओपनिङ्ग र माथिल्लो क्रममा पारस पछि जिम्मेवारी सम्हाल्ने अन्य ब्याट्सम्यानको फर्मको खोजि दोश्रो अभ्यास खेलमा पनि निरन्तर हुनेछ।

नेपालले तेश्रो अभ्यास खेल अगस्ट २६ तारिकमा कोल्ट्स क्लबसंग खेल्ने तालिका रहेको छ जसपछि टिम अगस्ट २७ तारिकमा श्रीलंका प्रस्थान गर्नेछ। एसिया कप छनौट अन्तर्गत नेपालले पहिलो खेल ओमानसंग २९ अगस्टमा खेल्नेछ। हाल क्यारेबियन प्रिमियर लिग खेलिरहेका सन्दिप लामिछाने अगस्ट २८ तारिकमा मलेसिया पुग्नेछन्।

नेपाली टिम – पारस खड्का ज्ञानेन्द्र मल्ल, अनिल साह, बसन्त रेग्मी, बिनोद भण्डारी, दिपेन्द्र ऐरी, करन केसी, ललित भण्डारी, ललित राजबंशी, आरिफ शेख, रोहित पौडेल, सागर पुन, सन्दिप लामिछाने, सोमपाल कामी र सुबास खकुरेल





थप समाचार

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]