युएईलाई पराजित गर्ने नेपाली टिमका ३ हिरो खेलाडी



  • विकेटनेपाल, माघ २८ – आइतबार 

आईसीसी बिश्व क्रिकेट लिग डिभिजन-२ अन्तर्गत नेपालले आफ्नो तेश्रो खेलमा युएईमाथि ४ विकेटको शानदार जित दर्ता गर्दै प्रतियोगिताको उत्कृस्ट-२ हुने सम्भावनालाई मजबुत बनाएको छ। वर्षाले ३ घण्टा ढिला सुरु भएपछि ३४ ओभरमा झारिएको खेलमा युएईले दिएको ११५ रनको लक्ष नेपालले २९ औ ओभरमा पुरा गर्दै महत्वपूर्ण जित दर्ता गर्यो।

नेपालको जितमा निम्न ३ जना खेलाडीहरुले महत्वपूर्ण योगदान दिने काम गरे 

सन्दिप लामिछाने 

टस हारेर ब्याटिंग गरेको युएईले ३ विकेट छिट्टै गुमाएको थियो। २५ रनमा ३ विकेट गुमेपछि चौथो विकेटको लागि रामिज शह्जाद र शैमन अनवरको साझेदारी नेपालको लागि खतरा बन्दै थियो। त्यसै बेला पारस खड्काले सन्दिप लामिछानेलाई पहिलो ओभर बलिंग गर्न बोलाए। १८ औं ओभर दोश्रो बलमा लामिछानेले शह्जादलाई दिपेन्द्र ऐरीको हातबाट आउट गराउदै २९ रनको साझेदारी तोडे। सन्दिप त्यतिमै रोकिएनन् र लगत्तै अर्को बलमा मोहम्मद उस्मानलाई स्टम्पिंग आउट गराएपछि युएई कमजोर स्थितिमा पुगेको थियो।

Sandeep Lamichhane
सन्दिप लामिछानेले ३ विकेट लिए

युएईको इनिंगमा सर्बाधिक रन बनाएका शैमन अनवरलाई २२ औं ओभरमा पन्छाउने काम पनि सन्दिपलेनै गरे र युएईलाई ११४ रनमै अलआउट गर्न महत्वपूर्ण भूमिका खेले। ७ ओभर बलिंग गर्ने क्रममा सन्दिपले १ मेडन ओभर सहित ३० रन खर्चेर ३ विकेट हात पारे।

सोमपाल कामि 

प्रतियोगितामा राम्रो लयमा देखिएका सोमपाल कामिले युएईलाई पराजित गर्ने क्रममा बलिंग र ब्याटिंग दुवैमा महत्वपूर्ण योगदान दिए।

Sompal Kami
Sompal Kami

युएईको इनिंग ११४ रनमै सिमित गर्ने क्रममा कामिले फर्ममा रहेको माथिल्लो क्रम ध्वस्त बनाए। ओपनर अश्फाक अहमदलाई खाता नखोल्दै आउट गरेका उनले १६ रन बनाएका घुलाम शब्बिरलाई पनि पेभिलियान फर्काए। युएईको पुछारका ब्याट्सम्यानहरुले रन बनाउदै योगफल बढाउने प्रयास गर्दै गर्दा पुनः सोमपाल भिलेन बन्न पुगे र अन्तिमका २ ब्याट्सम्यान अहमद राजा ( ८ ) र मोहम्मद नाभेद ( १० ) लाई आउट गर्दै इनिंग थोरै रनमै समाप्त गरे।

७ ओभर बलिंग गर्दै सोमपालले ३० रन खर्चेर ४ विकेट हात पारे। ब्याटिंगतर्फ पनि सोमपालको योगदान रह्यो र १ छक्का प्रहार गर्दै अविजित १० रनको इनिंग खेल्दै नेपालको जित सहज बनाउने काम गरे।

पारस खड्का 

प्रतियोगिताको पहिलो २ खेलमा खास योगदान दिन नसकेका पारसले टिमलाई जितको ठुलो खाँचो पर्दा संकटमोचक बन्ने काम गरे।

११५ रनको लक्ष्य पछ्याउने क्रममा नेपाली ब्याट्सम्यानहरुले संघर्ष गर्दा पारसले एउटा किनारमा आक्रामक ब्याटिंग गरे। एउटा किनारमा लगातार विकेट गएको बेला पारसले ५ छक्का र २ चौका प्रहार गर्दै नेपालको मुस्किल टारेका थिए। ४३ बलमा ५ छक्का र २ चौका प्रहार गर्दै अर्धशतक पुरा गरेका पारसले प्रतियोगितामै नेपालको लागि पहिलो अर्धशतकीय इनिंग समेत खेले।

कप्तानी इनिंग खेल्दै खड्काले ५१ रन बनाउन ४८ बलमा २ चौका र ५ छक्का प्रहार गरे। बलिंगमा पनि उत्कृस्ट योगदान दिएका पारसले किफायती बलिंग गर्दै ७ ओभरमा २ मेडन ओभर सहित २० रन खर्चेर २ विकेट हात पारे। पारसनै खेलको म्यान अफ द म्याच समेत चुनिए।





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]