हंगकंगसंग शानदार जित पछि नेपाल तेश्रो

Karuna Bhandari


  • विकेटनेपाल, ११ मङ्सिर  – सोमबार 

आईसीसी महिला टि-२० बिश्वकप एसिया क्षेत्र प्रतियोगितामा नेपालले तेश्रो स्थान हाँसिल गरेको छ। स्कोरकार्ड 

हंगकंगसंग तेश्रो स्थानको लागि आज सम्पन्न खेलमा नेपालले ३६ रनको जित निकाल्दै तेश्रो स्थानमा प्रतियोगिताको अन्त्य गरेको हो। हिजो सम्पन्न लिग चरणको अन्तिम खेलमा चिनलाई पराजित गरेको नेपाल अंकतालिकामा तेश्रो भएको थियो।

टेर्डथाई मैदान ब्यांककमा हंगकंगले टस जितेर नेपाललाई ब्याटिंगको निम्तो दिएको थियो। खराब सुरुवात गरेको नेपालले ७ रनको स्कोरमा दुवै ओपनरलाई गुमाएको थियो जुन क्रममा ओपनर ज्योति पाण्डे २ तथा सरिता मगर ३ रनमा आउट हुन पुगेका थिए।

त्यसपछि नेरी थापाले ३८ तथा काजल श्रेष्ठले १२ रन बनाउदै नेपालको स्कोर अघि बढाएका थिए। सर्बाधिक रन बनाएकी नेरीले ३४ बलमा ५ चौका प्रहार गरेपछि चान सौको बलमा बोल्ड हुन पुगिन्।

नेरी थापा ( फाइल फोटो – आईसीसी )

ऋतु कनौजिया २ रनमा आउट भएपछि करुना भण्डारी र कप्तान रुबिना क्षेत्रीले छैठौं विकेटको लागि २२ रनको साझेदारी गरे जसपछि नेपालले २० ओभरमा ५ विकेट गुमाई ९४ रनको योगफल तयार गरेको थियो।  हंगकंग बलर मारिको हिल र मरिना लामप्लोले २/२ विकेट हात पारे।

९५ रन लक्ष पछ्याएको हंगकंगलाई कसिलो बलिंग गर्दै सुरुवात देखि नेपालले दबाब बनायो। ५.२ ओभरमा सबनम राईले पहिलो विकेट लिंदा हंगकंगको स्कोर ११ रन थियो जसपछि हंगकंगले लगातार विकेट गुमाएको थियो।

करुना भण्डारीले ४ ओभरमा १० रन खर्चेर सर्बाधिक ३ विकेट हात पारेपछि हंगकंगले १९.५ ओभर ब्याटिंग गरेपनि ५८ रनमै सबै विकेट गुमाउन पुग्यो। सबनम राई, सिता राना मगर, नेरी थापा र ऋतु कनौजियाले समान १/१ विकेट आफ्नो नाम गरे।

खेलको प्लेयर अफ द म्याच नेरी थापा घोषित भईन्।  स्कोरकार्ड 

करुना भण्डारी फाइल फोटो – आईसीसी )

नेपालले प्रतियोगिताको लिग चरणको खेलमा युएईसंग ५ रनको हार बेहोरेको थियो भने मलेसियालाई ३३ रनले तथा चिनलाई ५० रनले पराजित गरेको थियो। सुरुवातको २ वटा खेल थाईल्याण्ड र हंगकंगसंग वर्षाको कारण नतिजा बिहिन हुनपुग्दा नेपालले लिग चरणमा तेश्रो स्थान हात पार्नुपर्यो।

लिगमा पहिलो स्थान हाँसिल गरेको थाइल्याण्ड र दोश्रो स्थानको युएई नेदरल्याण्डमा २०१८ मा आयोजना हुने महिला टि-२० बिश्वकप ग्लोबल छनौट प्रतियोगिताको लागि छनौट भएको छ।





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]