रोहित र सोमपालको साझेदारीले नेपालको शानदार जित, एकदिवसीय रास्ट्र पाउने बाटो खुल्यो

Sompal Kami , Rohit Poudel


आईसीसी बिश्वकप छनौट अन्तर्गत नेपालले आफ्नो चौथो खेलमा हंगकंगलाई ५ विकेटले पराजित गर्दै पहिलो जित दर्ता गरेको छ।

हंगकंगले पहिले ब्याटिंग गर्दै १५३ रन बनाएपछि नेपाललाई समुहको चौथो स्थानमा रहन ४५.१ ओभरमा १५४ रन बनाउनु पर्ने आवस्यकता थियो। ४०.४ ओभरमै खेल आफ्नो पक्षमा पारेपछि समुह ‘बि’ मा नेपाल चौथो र हंगकंग पाँचौ स्थानमा रह्यो। नेपालको जितपछि अफगानिस्तान सुपर सिक्स चरणको लागि छनौट भएको छ भने नेपालले अब प्लेअफमा समुह ‘ए’ को अन्तिम स्थानमा रहेको टिम पपुवा न्यु गिनीको १५ मार्चमा सामना गर्नेछ। हंगकंगले भने समुह ‘ए’ को चौथो स्थानमा रहने टिमको सामना गर्नेछ। अब नेपाल, हंगकंग र पपुवा न्यु गिनी मध्ये प्ले अफमा उत्कृस्ट हुने टिमले एकदिवसीय मान्यता पाउनेछ।

१५४ रनको लक्ष्य पछ्याउने क्रममा नेपालले राम्रो सुरुवात गर्यो जुन क्रममा पहिलो विकेटको लागि ज्ञानेन्द्र मल्ल र अनिल साहले ४१ रन जोडे। २६ रन ( ३६ बल, ५ चौका ) बनाएर अनिललाई ऐजाज खानले १० औं ओभरमा आउट गरेपछि भने नेपालले लागातर विकेट गुमायो।

ज्ञानेन्द्र मल्ल १२ रन बनाएर ऐजाजको बलमा ऐजाजद्वारा समातिएपछि कप्तान पारस खड्का पनि ११ रन बनाएर तन्बिर अफजलको बलमा बोल्ड भए। त्यसपछि दिपेन्द्र ऐरी ( १२ ) र आरिफ शेख ( २ ) लाई पनि अफजलले पेभेलियन पठाउदा नेपाल २० औ ओभर सकिंदा ६६/५ को दयनीय स्थितिमा पुग्यो।

त्यसपछि भने नेपालको इनिंग रोहित पौडेल र सोमपाल कामिले सम्हाले। छैठौं विकेटको लागि दुवैले ८९ रनको महत्वपूर्ण साझेदारी गर्दै नेपाललाई जित सम्म पुर्याए। रास्ट्रिय टिमको लागि व्यक्तिगत सर्वाधिक ४८ रनको इनिंग खेल्दै रोहितले ८६ बल खेल्दै ५ चौका प्रहार गरे भने सोमपालले पनि रास्ट्रिय टिमको लागि सर्वाधिक रन बनाउने क्रममा अविजित ३७ रन बनाउन ४० बलमा ५ चौका प्रहार गरे। फलस्वरुप नेपालले ४०.४ ओभरमा जित हाँसिल गर्यो।

हंगकंग बलर ऐजाज खान र एहसान खानले २/२ विकेट लिए। रोहित पौडेल खेलको प्लेयर अफ द म्याच समेत चुनिए।

हंगकंगको ब्याटिंग 

टस जिती पहिले ब्याटिंग रोजेको हंगकागले ४८.२ ओभरमा १५३ रनमै समेटिन पुग्यो।

६.२ ओभरमा बसन्त रेग्मीले नेपाललाई पहिलो सफलता दिलाएका थिए। २४ रनको स्कोरमा हंगकंगले कार्टरको रुपमा आफ्नो पहिलो विकेट गुमाए पछि विकेट झर्ने सिल्सिला रोकिएन। ५३ रनको योगफलमा कप्तान बाबर हायात ( २० ) सोमपाल कामीको सिकार भए भने ५६ रनको योगफलमा हंगकंगले अन्शुमन राथलाई ( १ ) पनि गुमायो। ५८ रनको स्कोरमा साहिद वासिफलाई गुमाएपछि हंगकंग तनावमा देखियो।

पाँचौ विकेटको लागि सिमंदीप सिंह र निजाकत खानका बीच २७ रनको साझेदारी भयो। ८५ रनको योगफल हुँदामा सिंह ( ३ ) आउट भए पछि पुन: हंगकंगकोविकेट गुमाउने सिल्सिला पुनः सुरु भयो । सर्वाधिक ४७ रनको योगदान दिएका ओपनर निजाकत खान आउट भए लगत्तै तनवीर अफ्जल र एजाज खान पनि पभिलीयन फर्किए। ९ औ विकेटका लागि एहसान नवाज र एहसान खान बीच ३२ रनको साझेदारी भयो। १५३ रनमा अल आउट हुने क्रममा एहसान खान अन्तिम विकेटका रुपमा आउट भएका थिए। खानले २१ रन बनाए ।

नेपालका लागि उत्कृस्ट बलिंग गर्दै सन्दिप लामिछानेले १० ओभरमा ४ मेडन सहित १७ रन खर्चिदै ३ विकेट लिए । त्यसैगरी बसन्त रेग्मीले र करन केसीले २/२ विकेट लिए । सोमपाल कामी र ललित राजबंशीको हातमा १ -१ विकेट पर्यो।

Nepal vs Hongkong world cup qualifier 2018
टस गर्दै नेपाल र कंगकंगक कप्तान





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]