नेपालको सम्भावना बढ्यो , हंगकंग पराजित

nepal womens cricket team


हंगकंगलाई ६ रनको अन्तरले पराजित गर्दै नेपालले लगात्तर दोश्रो जित हात पार्दै आईसीसी महिला विश्वकप छनौट प्रतियोगिता-एसिया छनौट प्रतियोगिताको उत्कृस्ट हुने सम्भावना कायम राखेको छ l

हेर्नुस स्कोरकार्ड  , अंक तालिका 

पहिलो २ खेलमा हंगकंग र थाईल्याण्ड संग पराजित भएको नेपालले त्यसपछि चिन र हंगकंगलाई पराजित गरेपछि अंकतालिकामा ४ अंक भएको छ l थाईल्याण्ड ४ खेलमा ३ जित १ हार सहित ६ अंक बटुली अग्रस्थानमा छ भने हंगकंग र नेपालको समान ४/४ अंक छ l चिनले १ जित र ३ हार बटुली २ अंक साथ तल्लो स्थान बनाएको छ l

नेपालले आगामी खेल भोलि थाईल्याण्ड संग खेल्ने कार्यक्रम छ जुन खेल जित्नु नेपालको लागि महत्वपूर्ण छ l प्रतियोगिताको बिजेता टोलिले अर्को बर्ष महिला बिश्वकप छनौट प्रतियोगिता खेल्न पाउनेछ l

चौथो खेलमा काउलुन मैदानमा टस जितेर ब्याटिंग गरेको नेपालले पहिलो ३ विकेट ९ रनमै गुमाउन पुग्यो l ओपनर काजोल श्रेष्ठ ( २ ) , सिता राना मगर ( १ ) र निर्मला शाही ( ३ ) आउट भएपछि इन्दु बर्माले १५ ,  ज्योति पाण्डेले ११ तथा नेरी थापाले १० रन बनाएर रन बढाएका थिए l करुणा भण्डारीले अविजित १९ रन बनाऊदै नेपाललाई सम्मानजनक स्कोरसम्म पुर्याईन् l

पुरा २० ओभर ब्याटिंग गर्दै नेपालले ८ विकेट नोक्सानीमा ७५ रन बनाउन सक्यो l चान कि मानले सर्बाधिक ३ विकेट हात पारिन् l

प्रतिउत्तरमा ब्याटिंग गरेको हंगकंगले राम्रो सुरुवात गर्यो l ३३/२ को स्थितिमा रहेको हंगकंगले त्यसपछि भने लगातार अन्तरलमा विकेट गुमायो l ओपनर केरी चानले १८, कप्तान मारिको हिलले १३ तथा कीनु गिलले १० रन बनाउनु बाहेक अन्य हंगकंग ब्याट्सउमनले उल्लेख्य स्कोर बनाउन सकेनन् l

१७.४ ओभरमा ६९ रनमै हंगकंगले पुरा विकेट गुमाउन पुगेको थियो l अफस्पिनर करुणा भण्डारीले ३ विकेट ( ४-०-१७-३ ) तथा सिता राना मगरले २ विकेट ( ४-०-१५-२ ) आफ्नो नाम गरे l

खेलको प्लेयर अफ द म्याच करुणा भण्डारी घोषित भईन् l

प्रतियोगिता अन्तर्गत आजको दोश्रो खेलमा थाईल्याण्डलाई चिनले ३ विकेटले पराजित गर्दै प्रतियोगितामा पहिलो जित हातपारेको छ l थाईल्याण्डले दिएको ८७ रनको लक्ष चिनले १९.२ ओभरमा ७ विकेट नोक्सानीमा पार गरेको थियो l भोलि हंगकंगले चिनको सामना गर्नेछ l





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]