नेपालद्वारा केन्या पराजित



  • विकेटनेपाल, मङ्सिर १७

बिश्व क्रिकेट लिग च्याम्पियनसिप अन्तर्गत युएईसंगको खेलको अघि खेलिएको दोश्रो अभ्यास खेलमा आज नेपालले केन्यालाई ६ विकेटले पराजित गरेको छ। यस अघि पहिलो अभ्यास खेलमा शुक्रबार नेपालले अमेरिकासंग ५ विकेटको पराजय बेहोरेको थियो।

स्कोरकार्ड 

नर्सरी ओभल मैदान आबुदाबिमा टस जितेर नेपालले केन्यालाई पहिले ब्याटिंगको निम्तो दिएको थियो।केन्याले ३२.२ ओभरमा ११० रनमै सबै विकेट गुमाएपछि नेपालले १११ रनको लक्ष ४ विकेट गुमाई १९.५ ओभरमै भेटाएको हो।

लक्ष पछ्याउने क्रममा नेपालले पहिलो ३ विकेट २९ रनको स्कोरमै गुमाएको थियो। ओपनर दिलि नाथ ० , सागर पुन १ तथा अनिल शाह १३ रन बनाएर आउट भएका थिए। त्यसपछि दिपेन्द्र ऐरी र शरद भेसावकरले सम्हालिएर ब्याटिंग गर्दै नेपाललाई जिततर्फ डोर्याएका थिए।

दिपेन्द्र र शरदले चौथो विकेटको लागि ७८ रनको साझेदारी गरे।

दिपेन्द्र ४६ रन बनाउदै नेपाललाई जित नजिक पुर्याएर रन आउट हुनपुगेका थिए । उनले मात्र ३५ बलमा ७ चौका र १ छक्का प्रहार गरे ।

दिपेन्द्रको विकेट पछि आरिफ शेखले चौका प्रहार गर्दै नेपाललाई जित सम्म पुर्याएका थिए। आरिफ ४ रनमा तथा शरद भेसावकर ३१ रनमा अविजित रहे। शरदले ५० बलमा ३ चौका प्रहार गरे।

dipendra airee
दिपेन्द्र ऐरीले ४६ रन बनाए

यस अघि टस जितेर नेपालले केन्यालाई पहिलो ब्याटिंगको निम्तो दिंदै ३२.२ ओभरमा ११० रनमै अलआउट गरेको थियो।

नेपालको लागि ललित भण्डारी एक्लैले ४ विकेट हात पारे। जुन क्रममा देब्रेहाते फास्ट बलर भण्डारीले १० ओभर बलिंग गर्दै १ मेडन ओभर सहित ४६ रन खर्चिए। यस्तै सन्दिप लामिछानेले कसिलो बलिंग गर्दै २ विकेट लिनेमा ३.२ ओभर ५ रन खर्चिए।

करन केसी , सागर पुन र आरिफ शेखले १/१ विकेट हात पारे भने किफायती बलिंग गरेका शक्ति गौचन विकेट बिहिन ( ६-३-८-० ) रहे ।  सागर पुनले ३ ओभरमा मात्र ४ रन खर्चिए भने , कारणले ७ ओभरमा ४० रन तथा आरिफले ३ ओभरमा ६ रन दिए।

ललित सिंह भण्डारीले ४ विकेट हात पारे

केन्या ओपनर रिसब पटेलले सर्बाधिक २५ रन तथा एलेक्स ओबान्डाले २५ रनको  योगद दिए। दुवैले पहिलो विकेटको लागि ५४ रनको साझेदारी गर्दा मात्र ५.४ ओभर खेलेका थिए। ओबान्डालाई छैठौ ओभरमा कारन केसीले आउट गरेपछि केन्याले लगातार विकेट गुमाएको थियो।

पारस खड्का, ज्ञानेन्द्र मल्ल, बसन्त रेग्मी, सोमपाल कामि र बिनोद भण्डारी आजको खेल खेलेका थिएनन्।

खेलको स्कोरकार्ड 

नेपालले बिश्व क्रिकेट लिग च्याम्पियनसिप अन्तर्गत युएईसंग ६ र ८ डिसेम्बरमा सातौँ चरणको खेलहरु खेल्ने कार्यक्रम रहेको छ।

( फोटोहरु – फाइल )





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]