मलेसियालाई पराजित गर्दै नेपाल फाईनलमा



  • विकेटनेपाल, पुष १ 

एसीसी यु-१६ इस्टर्न प्रतियोगिता अन्तर्गत सेमीफाइनल खेलमा नेपालले मलेसियालाई ७२ रनको फराकिलो अन्तरले पराजित गर्दै फाइनलमा स्थान बनाएको छ ।

स्कोरकार्ड

टेर्ड थाई मैदान थाईल्याण्डमा भएको दोश्रो सेमिफाइनलमा टस हारेर पहिले ब्याटिंग गरेको नेपालले प्रतिश जिसीको २५ रनको मद्दतमा ३४ ओभरमा ८ विकेट गुमाएर १२७ रन बनाएको थियो l प्रतिशले २२ बलको सामना गर्दा १ चौका र १ छक्का प्रहार गरेका थिए। यस्तै सुनिल भण्डारी र नारायण जोशीले समान १७ रन बनाउदा बिकाश बिक्रम केसीले १५ रनको योगदान दिए । तृतराज दासले १३ रन, रित गौतम र राजन मगरले ११ रन, निखिल कुमार सिंह र कुशल मल्लले समान ६ रन तथा सुर्य तामांगले १ रन जोडे ।

बर्षाको कारणले ३५ ओभरबाट ३४ ओभरमा झारिएको खेलमा टस जितेको फाइदा उठाउदै मलेसियाले नेपाली ब्याट्सम्यानहरुलाई दबाबमा राख्यो । उसका मोहम्मद अफिकले सर्बाधिक ३ विकेट हात पार्न ४ ओभरमा १९ रन खर्चिए भने असलम खानले २ विकेट आफ्नो नाम गरे।

सुर्य तामांगले ४ विकेट हात पारे

नेपालका बलरहरुले उत्कृस्ट प्रदर्शन गरेको खेलमा मलेसियाले मात्र ५५ रन बनाउदा सबै विकेट गुमाउदै खेल ७२ रनले गुमायो । नेपालका सुर्य तामांगले ४ विकेट लिन ७ ओभरमा १२ रन खर्चिदा प्रतिश जिसीले ३ विकेट लिन ६ ओभरमा २३ खर्चे ।

मलेसियाका लागि ओपनर संदेश सुप्पारमानियमले सर्बाधिक १६ रन बनाउदा दोश्रो सर्बाधिक स्कोर अतिरिक्त पाएको १३ रन रह्यो । अन्य ब्याट्सम्यानको प्रदर्शन एकदमै कमजोर रह्यो जसमा दूई जनाले ८/ ८ रन बनाउदा दुई जना डक आउट भए भने तीन जनाले १ /१ रन मात्र बनाउन सके ।

नेपालले प्रतियोगिताको फाइनल खेलमा सिंगापुरको सामना गर्नेछ । सिंगापुरले आजै भएको पहिलो सेमिफाइनलमा हंगकंगलाई ८ विकेटले पराजित गर्दै नेपालसँगको भेट पक्का गरेको हो ।

प्रतिस जिसी






 





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]