Tribhuwan Army Club vs Bheriganga Sports Club
Live Score +
Home - यु-१९ रास्ट्रिय क्रिकेट टिम - नेपालको कठिन जित

यु-१९ रास्ट्रिय क्रिकेट टिम

नेपालको कठिन जित

Wicket Nepal
Administrator

यु-१९ युथ एसिया एसिया कप क्रिकेट प्रतियोगिताको आइतवार समूहको तेस्रो तथा अन्तिम खेलमा नेपालले मलेसियालाई १ विकेटले पराजित गरेको छ ।

१ खेल जितेपनि नेपाल अघ्ल्लो २ खेलमा भारत र श्रीलंका संग पराजित हुँदै समुह चरणबाट बाहिरीसकेको थियो l

कोलम्बोमा सम्पन्न खेलमा मलेसियाले दिएको १५४ रनको लक्ष्यलाई पछ्याएको नेपालले ४४.४ ओभर खेल्दै पूरा गर्यो । नेपालको लागि अनिल साहले सर्बाधिक ३२, अभिनाश कर्णले २५ र दीपेन्द्रसिंह ऐरीले २२ रनको योगदान गरे । त्यसैगरी, पवन सर्राफ २९ र कप्तान सन्दिप लामिछाने ३ रनमा अविजित रहँदै खेल जिताउन महत्वपूर्ण योगदान गरे ।

मलेसियाका विरनदीप सिंहले ३, मोहम्मद हाफिज, मोहम्मद आमिर र सेयद आजिदले समान २ विकेट लिएका लिए ।

टस हारेर पहिले ब्याटिङ गरेको मलेसियाले ४४ दशमलव ४ ओभरमा सबै विकेट गुमाउँदै १५३ रनको योगफल तयार गरेको थियो । मलेसियाका ब्याट्सम्यान वीरनदीप सिंहले सर्वाधिक ७५ रनको योगदान दिए । १२० बल खेलेका सिंहले सात चौका प्रहारको मद्दतमा ७५ रन जोडेका हुन् ।

त्यसैगरी, मलेसियाका अर्का ब्याट्सम्यान मोहम्मद हसिफ २१ तथा सेफ उल्लाह मलिकले ११ रन जोडे । बलिङतर्फ नेपालका अदिल खान एक्लैले तीन विकेट लिए भने कप्तान सन्दीप लामिछाने र दीपेन्द्र सिंह ऐरीले समान दुई/दुई विकेट लिए ।