बसन्त रेग्मीले चमत्कार गर्दै जिताए नेपाललाई

Basant Regmi


  • विकेटनेपाल, माघ २५ – बिहिबार 

हारको संघारमा पुगीसकेको खेललाई बसन्त रेग्मीले उत्कृस्ट ब्याटिंग गर्दै रन बनाएपछि नेपालले डिभिजन-२ को पहिलो खेलमा नामिबियालाई १ विकेटले पराजित गरेको छ।

१३९ रनको लक्ष पछ्याउने क्रममा १२१ रनमा ९ विकेट गुमाएपछि बसन्त रेग्मी र सन्दिप लामिछानेले १० औं विकेटको लागि १८ रनको साझेदारी गर्दै नेपाललाई जित दिलाएका थिए।

अन्तिम २ ओभरमा नेपाललाई जितको लागि  १६ रन आवस्यक रहंदा बसन्त रेग्मीले ४९ औ ओभरको चौथो बलमा छक्का प्रहार गरेका थिए।

त्यसपछि अन्तिम ओभरमा जितको लागि ७ रन आवस्यक रहंदा अन्तिम ओभरको पहिलो बलमा २ रन लिएका देब्रे हाते ब्याट्सम्यान बसन्तले ओभरको दोश्रो बलमा चौका प्रहार गरेका थिए।

४९.३ ओभरमा फ्रीलिंकको बल लेग साइडमा वाइड भएपछि नेपालले ३ बल बाँकी छदै खेल जितेको थियो।

बसन्तले अविजित २४ रन बनाउने क्रममा २४ बलमा २ चौका र १ छक्का प्रहार गरे भने सन्दिप १ रनमा अविजित रहे ।

१३९ रन लक्ष पछ्याउने क्रममा ओपनर दिलिप नाथ खाता नखोल्दै दोश्रो ओभरमा आउट भएपछि दोश्रो विकेटको लागि पारस खड्का र ज्ञानेन्द्र मल्लले ३१ रनको साझेदारी गरेका थिए । पारस १३ औं ओभरमा विलियम्सको बलमा १९ रनको व्यक्तिगत स्कोरमा बोल्ड भएपछि नेपालले लगातार विकेट गुमाएको थियो।

आरिफ शेख ( ० ) , दिपेन्द्र ऐरी ( ६ ) , करन केसी ( ३ ) आउट भएपछि नेपालले २७ ओभर सकिंदा ५६ रनमा ६ विकेट गुमाईसकेको थियो।

त्यो अवस्थामा सातौं विकेटको लागि रोहित पौडेल र शरद भेसावकरले ३७ रनको साझेदारी गर्दै नेपाललाई जिततर्फ अग्रसर गराएका थिए। तर शरद २९ रन बनाएर लुन्गामेनीको बलमा क्याच आउट हुन पुग्दा रोहित पौडेलले पनि १७ रनको स्कोरमा आठौँ विकेटको रुपमा स्कल्जको बलमा एलबिडब्लु हुँदै मैदान बाहिरिएका थिए।

४३ ओभरमा १११/८ को स्कोरमा वर्षाले खेल रोकिएपछि नेपाल डी/एल मेथडको आधारमा हार्ने सम्भावना थियो तर खेल आधा घण्टा रोकिएपछि पुनः सुचारु भएको थियो।

नामिबियाको इनिंग 

खेलमा टस हारेर पहिले ब्याटिंग गरेको नामिबियाले ३४.२ ओभरमा सबै विकेट गुमाउदै मात्र १३८ रन मात्रै बनाउन सक्यो ।

नामिबियाका लागि क्रेग विलियमसनले ४१ रनको आक्रामक पारि खेलेका थिए। ३४ बलमा ८ चौका प्रहार गरेका उनलाई जान फ्रान्कलिन तथा जेने ग्रीनले पनि समान २२/२२ रनको पारि खेलका थिए।विलियमसनलाई सन्दिप लामिछानेले एलबिडब्लु आउट गरे।

Sandeep Lamichhane
सन्दिप लामिछानेले ४ विकेट लिए

कुनै समय ७५/२ मा रहेको अवस्थाबाट बसन्त रेग्मी र सन्दिप लामिछानेले कसिलो बलिंग गरेपछि नामिबियाले थप ६ रन जोड्दा ४ विकेट गुमाउन पुगेको थियो ।

ओपनर स्टेफन बार्डले १८ रनको योगदान दिएको खेलमा तल्लोक्रममा ब्याटिंग गर्दै जेजे स्मिटले पनि १८ रनको योगदान गरे ।

जवाफमा नेपालका लागि लेग स्पिनर सन्दिप लामिछानेले ४ विकेट लिन ८.२ ओभरमा २ मेडन राख्दै १८ रन खर्चे भने सोमपाल कामिले ७ ओभरमा ३५ रन खर्चिदै ३ विकेट हात पारे । पारस खड्का, शरद भेसावाकरले १/१ विकेट झारे।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]