वुमेन्स टि-२० स्म्यास : चिन बिरुद्ध नेपालको बिशाल जित



  • विकेटनेपाल, पुष २८ , शनिवार 

थाईल्याण्डमा आज सुरु भएको थाईल्याण्ड वुमेन्स टि-२० स्म्यास प्रतियोगिता अन्तर्गत आफ्नो पहिलो खेलमा नेपालले चिनलाई सहजै पराजित गरेको छ।

टि-२० अन्तर्राष्ट्रियमा डेब्यु गरेको नेपाली महिला क्रिकेट टिमले डेब्युमा जित दर्ता गरेको हो। आईसीसीले गत वर्ष जुलाई देखि प्रत्येक महिला टिम बीच हुने खेललाई टि-२० अन्तर्राष्ट्रियको मान्यता दिने निर्णय गरेको थियो। थाईल्याण्ड टि-२० स्म्यासको खेलहरुले पनि अन्तर्राष्ट्रिय टि-२० को मान्यता पाएको छ। पुरुष टिमको हकमा भने यो मान्यता २०१९ जनवरी १ देखि लागु भएको छ। आईसीसीको सबै १०५ सदस्यहरुले आफु बीच खेल्ने खेलहरुलाई टी-२०  ले अब अन्तर्राष्ट्रिय मान्यता पाउनेछ। महिलातर्फ भने ४६ राष्ट्रहरुले स्वतः टि-२० अन्तर्राष्ट्रिय राष्ट्रको मान्यता पाएका छन्।

खेलमा टस हारेर पहिले ब्याटिंग गरेको चिनले पहिलो इनिंगमा २० ओभर पुरै ब्याटिंग गर्दै ६ विकेट गुमाएर ४८ रन बनाएको थियो। ४९ रनको लक्ष्य नेपालले विकेट नगुमाई नवौं ओभरमा पुरा गर्दै १० विकेटको जित दर्ता गर्यो।

नेपालले प्रतियोगिता अन्तर्गत दोश्रो खेलमा आइतबार मलेसियाको सामना गर्नेछ। खेल नेपाली समय बिहान ८:१५ बजे सुरु हुनेछ।

नेपाललाई जितमा ओपनिङ्ग ब्याटिंग गरेका काजल र सिता राना मगरले अविजित ४९ रनको साझदारी गरे। काजलले अविजित १४ रन तथा सिताले अविजित २४ रन बनाईन्। २९ बलमा काजलले १ चौका तथा सिताले २५ बलमा ३ चौका प्रहार गरिन्।

Sita Rana Magar ( FILE PHOTO )

नेपालको बलिङ्ग 

थाइल्याण्डको एसिया इन्स्चिट्युट अफ टेक्नोलोजी मैदानमा टस जितेर नेपालले चीनलाई पहिले ब्याटिङको निम्तो दिएको थियो। कप्तान रुबिनाको उक्त निर्णयलाई बलरहरुले सही सावित गरिदिएका थिए।

चीनले निर्धारित २० ओभरमा ६ विकेट गुमाएर  ४८ रन बनायो। पहिलो ५ ओभरसम्म नेपालले विकेट लिन नसकेपनि नेरीले छैटौँ ओभरमा नेपाललाई पहिलो सफलता दिलाएकी थिइन्।

नेपालका लागि करुणाले ४ ओभरमा ९ रन खर्चेर ३ विकेट लिइन्। यस्तै कसिलो बलिङ गरेकी नेरीले ४ ओभरमा २ ओभर मेडन राख्दै ६ रन मात्र दिएर २ विकेट लिएन्। १ विकेट सिता राना मगरले लिईन्।

Karuna Bhandari

चीनका लागि ओपनर झाङ चानले सर्वाधिक १३ रन बनाइन्। अन्यले दोहोरो अंककमा रन बनाउन सकेनन्। चिनले आफ्नो इनिंगमा मात्र ३ वटा चौका प्रहार गर्न सक्यो।

थाईल्याण्ड टि-२० स्म्यास प्रतियोगितामा नेपाल सहित भुटान, हंगकंग, युएई, चिन, मलेसिया, थाईल्याण्ड , थाईल्याण्ड ‘ए’ , इन्डोनेसिया, म्यानमार गरि १० टोलिको सहभागिता रहेको छ। सहभागी १० टोलिलाई ५/५ टिमको २ वटा समुहमा बिभाजन गरिएको छ।

नेपाल रहेको समुह ‘ए’ मा युएई , चिन, मलेसिया र थाईल्याण्ड ‘ए’ टिम रहेका छन्। समुह ‘बि’ मा थाईल्याण्ड, हंगकंग, इन्डोनेसिया, भुटान र म्यानमार रहेका छन्। दुवै समुहमा एक अर्का बीच १/१ खेल खेलीसकेपछि समुहबाट उत्कृस्ट २ हुने टिम सेमीफाइनल प्रवेश गर्नेछ।

जनवरी १३ – नेपाल Vs मलेसिया – ८:१५ बजे बिहान ( नेपाली समय )
जनवरी १५ – नेपाल Vs युएई – १२:१५ बजे दिउसो ( नेपाली समय )
जनवरी १६ – नेपाल Vs थाईल्याण्ड ‘ए’ – ८:१५ बजे बिहान ( नेपाली समय )





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]