बिश्वकप खेल्न रेलमा गएको नेत्रहीन टिम प्लेनमा फर्केपछि भने – ‘पुनर्जीवन पायौं’



  • विकेटनेपाल, माघ-८ , सोमबार  

यसै हफ्ता सम्पन्न पाँचौ नेत्रहिन एकदिवसीय बिश्वकपमा सहभागिता जनाउन नेपाली टिम रेलको यात्रा गर्दै पाकिस्तान जान बाध्य भएको थियो।

नेपाली क्रिकेट टिम रेल चढेर जाने समाचार पछि नेत्रहीन क्रिकेट टिमलाई सहयोग गर्ने नेपाली क्रिकेट समर्थक समाजले आर्थिक सहयोग अभियाननै चलायो।अभियानको सुरुवातमै रास्ट्रिय क्रिकेट टिम कप्तान पारस खड्काले नेत्रहीन टिम रेलमा गए पनि प्लेनमा फर्किनुपर्छ भन्दै ५० हजार रुपैयाँ एक्लैले सहयोग घोषणा गरेपछि समर्थक समाजको अभियानलाई सहयोग गर्ने लहरनै चल्यो।

क्रिकेट समर्थक देखि रास्ट्रिय खेलाडी, पुर्व खेलाडीहरु लगायतले प्लेनमा नेपाली टिमलाई फर्काउनु पर्ने अभियानमा आर्थिक सहयोग गरे।

समर्थक समाजको अभियानले सफलता पायो र कुल ७ लाख ८७ हजार रुपैयाँ आर्थिक संकलन गर्न सफल भयो। उठेको रकमले नेपाली नेत्रहीन टिम प्लेनमा मात्रै फर्किएन टिमका खेलाडीहरुले नगद सहयोग समेत पाए।

सोमबार समर्थक समाजले त्रिभुवन विश्वबिद्यालय क्रिकेट मैदानमा औपचारिक कार्यक्रम गर्दै नेपाली नेत्रहीन टिमलाई सम्मान तथा सहयोग रकम हस्तान्तरण कार्यक्रम आयोजना गर्यो। रास्ट्रिय क्रिकेट टिमका कप्तान पारस खड्का, प्रशिक्षक जगत टमाटा तथा ब्याटिंग कन्सल्टेन्ट सुलक्षण कुल्कर्नीको उपस्थितिमा समाजले नेत्रहीन टिमलाई सम्मानित गर्यो।

सम्मान गर्दै समाजका अध्यक्ष भानु सिग्देल र साथमा पारस खड्का

कार्यक्रममा नेत्रहिन क्रीकेट संघलाई सम्मान स्वरूप ताम्रपत्र र नगद रु ५० हजार तथा बिश्वकपमा सहभागी १४ जना खेलाडीलाई जनहि रु २२ हजार, अफिसियल तथा प्राबिधिक ८ जनालाई जनहि रु ११ हजार रुपैयाँ प्रदान गरिएको थियो। अभियानको समर्थकहरु फ्लाई दुबई, दृस्टिबिहिन टिमको जर्सी प्रायोजक साहस स्पोर्ट्स र सन्यास घोषणा गरेका दुइ दृस्टीबिहिन खेलाडी किर्तन श्रेष्ठलाई मायाको चिनो समेत समाजले कार्यक्रममा प्रदान गर्यो ।

समाजको अभियानमा कुल २७४ ( ब्यक्ति र संस्था ) ठाउँबाट सहयोग आएको थियो जसमा कप्तान पारस खड्का र पुर्व रास्ट्रिय क्रिकेटर पारस लुनियाले रु. ५० हजार सहयोग गरेका थिए। यस्तै रास्ट्रिय क्रिकेट टिमका सदस्यहरु, कांग्रेस नेता गगन थापा देखि बिभिन्न संस्था र समर्थकहरुले अभियानलाई आर्थिक सहयोग गरेका थिए। ( लिस्ट सबैभन्दा तल )  

‘नेत्रहीन क्रिकेटलाई पुनर्जीवन’ – पवन घिमिरे 

सम्मान कार्यक्रममा नेपाल नेत्रहिन क्रिकेट संघका अध्यक्ष पवन घिमिरेले समर्थक समाजले नेत्रहिन क्रिकेटलाई पुनर्जीवन दिएको बताए। संघ स्थापनाको दर्शबर्षमा यो स्तरको सहयोग र सम्मान प्राप्त नभएकोमा उनले कृतज्ञता ब्यक्त गरे।

‘नेपाली क्रिकेट फ्यान उत्कृस्ट भएको प्रमाणित’ – पारस खड्का 

अभियानलाई सुरुवातमै रु. ५० हजार घोषणा गरेका कप्तान पारस खड्काले नेपाली क्रिकेट समर्थक समाजको अभियानले नेपाली क्रिकेट फ्यानहरु उत्कृस्ट रहेको प्रमाणित गरेको बताए। देशको झन्डा बोकेर खेल्ने सबै खेलाडी एक भएको धारणा राख्दै उनले पांच पटक बिश्वकपक खेलेको नेपाली दृस्टीबिहिन टिमलाई सम्मान ब्यक्त गरे।

‘नेपाली क्रिकेट टुहुरो छैन’ – भानु सिग्देल 

आर्थिक सहयोग कार्यक्रमको सफलतामा बोल्दै समर्थक समाजका अध्यक्ष भानु सिग्देलले यो अभियानले नेपाली क्रिकेट टुहुरो नरहेको र बेबारिसे हुन नदिने तथा राज्य आफ्नो दायित्वबाट बिमुख हुन नहुने खबरदारी गरे। नेपाली समर्थकहरुको प्रतिनिधि संस्थाको रुपमा रहेको समाज आफ्नो लक्षमा सफल भएको बताउदै उनले आगामी दिनमा देशको लागि खेल्ने खेलाडीहरुलाई दुख नहोस भन्ने कामना ब्यक्त गरे।

सहयोग गर्नेहरुको सुची ( क्लिक गरेर हेर्नुस

 





थप समाचार

प्रम कप : आर्मीको लगातार तेश्रो जित

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘ए’ अन्तर्गतको खेलमा त्रिभुवन आर्मी क्लबले प्रदेश-१ लाई ४ […]

प्रम कप : पुलिसको उत्कृस्ट पुनरागमन, सुदूरपश्चिम सहजै पराजित

पहिलो खेलमा बागमती प्रदेशसंग स्तब्ध बनेको डिफेन्डिङ च्याम्पियन नेपाल पुलिस क्लबले दोश्रो खेलमा उत्कृस्ट पुनरागमन गर्ने क्रममा सुदूरपश्चिम प्रदेशलाई ९ […]

आर्मीसंग प्रदेश-१ को कमजोर ब्याटिंग, १३१ मै सिमित

प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘बि’ अन्तर्गतको मुलपानी मैदानमा जारी खेलमा  प्रदेश-१ र त्रिभुवन आर्मी क्लब […]

पुलिसद्वारा सुदूरपश्चिम ११० रनमै सिमित

प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘बि’ अन्तर्गतको खेलमा डिफेन्डिङ च्याम्पियन टिम नेपाल पुलिस क्लब र सुदूरपश्चिम […]

बिग ब्यास : पर्थद्वारा ब्रिसबेन फराकिलो अन्तरले पराजित

अष्ट्रेलियामा जारि १० औं संस्करणको बिग ब्यास लिग अन्तर्गत मंगलबार सम्पन्न ४४ औं खेलमा एश्टन टर्नर कप्तानीको पर्थ स्कर्चर्सले क्रिस […]

सन्दिप, अनिल र सौरभ चम्किदा लुम्बिनीको विजयी सुरुवात

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिनको समुह ‘बि’ अन्तर्गतको खेलमा लुम्बिनी प्रदेशले विजयी सुरुवात गर्ने क्रममा प्रदेश-२ लाई […]