नेपाल बन्यो च्याम्पियन : टि-२० बिश्वकप एसिया ( पूर्वी ) छनौट

Nepal Cricket Team


  • विकेटनेपाल, असोज २६ 

नेपाल आईसीसी टि-२० बिश्वकप छनौट एसिया ( पूर्वी ) छनौट प्रतियोगिताको बिजेता बनेको छ।

प्रतियोगिताको सिंगापुरसंगको अन्तिम खेल वर्षाले पुरा हुन नसकेपछि अंकतालिकामा समान अंक रहेपनि नेट रन-रेटको आधारमा नेपाल अघि रहँदै विजेताको रुपमा प्रतियोगिताको अन्त्य गरेको हो।

विजेता हुँदै नेपाल, उपविजेताको रुपमा सिंगापुर र तेश्रो हुँदै मलेसिया टि-२० बिश्वकप छनौटको दोश्रो चरण एसिया छनौट प्रवेश गर्न सफल भएका छन्। एसिया छनौटमा नेपाल, सिंगापुर, मलेसिया सहित यएई, कुवेत र कतार छनौट भएका छन्। एसिया छनौटबाट उत्कृस्ट २ टिम टि-२० बिश्वकपको ग्लोबल छनौट खेल्न छानिनेछन्।

सन् २०१४ पछि नेपालले पहिलो पटक कुनै प्रतियोगिताको उपाधि जितेको हो। यसै बर्ष फेब्रुवरीको डिभिजन-२ को फाइनलमा नेपाल युएईसंग पराजित भएको थियो।

टस जितेर नेपालले सिंगापुरलाई ब्याटिंग गर्ने निम्तो दिएको थियो जसपछि सिंगापुरले १७.३ ओभरमा ८१ रनमै सम्पूर्ण विकेट गुमाउन पुगेको थियो। जवाफमा ब्याटिंग थालेको नेपालले दोश्रो इनिंगको ३ बल खेल्दा वर्षाको कारण खेल रोकिएको थियो। खेल रोकिंदा ०.३ ओभरमा नेपालको स्कोर १/१ थियो जसपछि पुनः खेल सभव भएन।

प्रतियोगितामा नेपालले म्यानमार, मलेसिया, थाईल्याण्ड, चिन र भुटानलाई सजिलै पराजित गर्यो भने सिंगापुरले पनि समान टिमहरुलाई पराजित गरेको थियो।

सिंगापुरको ब्याटिंग 

बायुमास ओभल मैदानमा टस हारेर ब्याटिंग गरेको सिंगापुरले खराब सुरुवात गर्यो। सोमपाल कामिले ओपनर अरित्रा दत्ता ( ४ ) र तेश्रो नम्बरका कुमारंगे ( ६ ) लाई पेभेलियन फर्काए भने छैठौं ओभरमा बसन्त रेग्मीले चन्द्रमोहन ( २५ ) लाई उही बाटो देखाउदा ३२ रनमा सिंगापुरले ३ विकेट गुमायो।

त्यसपछि पनि सिंगापुरको विकेट जाने शिलशिला रोकिएन।मध्ये क्रमका चेतन सुर्यबंशी ( ९ ) र मनप्रित सिंह ( १० ) लाई सन्दिप लामिछानेले पेभेलियन फर्काए। सिंगापुरको तल्लो क्रमले पनि खास प्रदर्शन गर्न सकेन र १७.३ ओभरमा ८१ रन बनाउदा सम्पूर्ण विकेट गुमाउन पुग्यो।

नेपालको बलिङ्गमा सन्दिप लामिछानेले ४ विकेट हात पारे जुन क्रममा ३.३ ओभरमा १६ रन खर्चेर ४ विकेट लिए। यस्तै सोमपाल कामि ( ३-०-२०-२ ) र करन केसीले ( ३-०-१८-२ ) २/२ विकेट तथा बसन्त रेग्मी र ललित राजबंशीले १/१ विकेट हात पारे।

सन्दिपको किर्तिमान 

सिंगापुरसंग ४ विकेट लिएपछि सन्दिप नेपालको लागि एकै अन्तर्रास्ट्रिय प्रतियोगितामा सर्वाधिक विकेट लिने खेलाडी बनेका छन्। यो रेकर्ड बसन्त रेग्मी र बिनोद दासको नाममा रहेको थियो। रेग्मीले सन् २०१२ को डिभिजन-४ प्रतियोगितामा तथा बिनोद दासले सन् २००५को एसीसी फास्ट ट्रयाक कन्ट्रीज ( तिन दिवसीय ) प्रतियोगितामा २१ विकेट लिएका थिए।

प्रतियोगितामा सन्दिपको विकेट संख्या २४ पुगेको छ जुन क्रममा उनले मलेसिया र थाईल्याण्डसंग ५/५ विकेट, म्यानमार र सिंगापुरसंग ४/४ विकेट तथा भुटान र चिनसंग ३/३ विकेट लिएका छन्।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]