नेपाली टिम भोलि स्वदेश फर्कने, टिमसंग सन्दिप नेपाल नआउने

Nepal Cricket Team


  • विकेटनेपाल, माघ २० , आइतबार 

इतिहासमै पहिलो पटक टि-२० अन्तर्राष्ट्रिय र एकदिवसीय अन्तर्राष्ट्रियको सिरिज जितेको नेपाली क्रिकेट टिम ऐतिहासिक उपाधि बोकेर सोमबार नेपाल फर्किने भएको छ।

नेपालले तेश्रो टि-२० मा युएईलाई १४ रनले पराजित गर्दै टि-२० सिरिज २-१ ले जित्न सफल रह्यो। यो संगै नेपालले युएईलाई ३ वटा एकदिवसीय र ३ वटै टि-२० अन्तर्राष्ट्रियको सिरिजमा २-१ ले पराजित गर्यो। दुवै सिरिजको पहिलो खेलमा पराजित भएपछि नेपालले लगातार २ खेल जित्दै सिरिज जित्न सफल भएको थियो।

नेपाली टिमका ब्यबस्थापक रमन शिवाकोटीका अनुसार नेपाली टिम सोमबार दिउसो फ्लाई दुबई बिमानबाट ३:२० बजे दिउसो त्रिभुवन अन्तर्राष्ट्रिय विमानस्थलमा अवतरण गर्नेछ।

सन्दिप लामिछाने टिमसंग नआउने 

बंगलादेश प्रिमियर लिग बिचैमा छोडेर नेपाली राष्ट्रिय टिमको लागि खेल्न युएई पुगेका सन्दिप लामिछाने टिमसंग नेपाल फर्कने छैनन्। सन्दिप सोमबार युएईबाट सिधै अस्ट्रेलिया उड्ने कार्यक्रम रहेको ब्यबस्थापक रमन शिवाकोटीले जानकारी गराएका छन्।

सन्दिप सोमबार बिग ब्यास लिगको लागि ब्रिसबेन जानेछन्। बिग ब्यासमा सन्दिपको टिम मेलबर्न स्टार्सले फेब्रुअरी ८ तारिक शुक्रबार ब्रिसबेन हिटसंग खेल्दैछ। यस्तै फेब्रुअरी १० तारिकमा मेलबर्नले सिड्नी सिक्सर्ससंग खेल्ने तालिका रहेको छ।

लिगको अंक तालिकामा मेलबर्न स्टार्स चौथो स्थानमा रहेको छ जसले १२ खेलमा समान ६/६ जित/हार बेहोरेको छ र १२ अंक बटुलेको छ। अंकतालिकामा उत्कृस्ट ४ भित्र पर्न मेलबर्नको लागि अन्तिम २ खेलमा जित महत्वपूर्ण रहेको छ।

बंगलादेश प्रिमियर लिगमा भने सन्दिपको टिम सिल्हेट सिक्सर्स प्लेअफ चरण पुग्ने सम्भावना समाप्त भइसकेको छ। सिल्हेटले लिग चरणको सम्पूर्ण १२ खेल खेल्दा ५ खेलमा जित र ७ खेलमा हार बेहोर्यो जसपछि १० अंकका साथ अंकतालिकामा छैठौं स्थानमा रह्यो।

Sandeep Lamichhane
Sandeep Lamichhane ( Photo – Thenational.ae )

बंगलादेश प्रिमियर लिगमा सन्दिपले ६ खेल खेल्दा ४ विकेट लिएका थिए भने त्यस अघि बिग ब्यास लिगमा ४ खेल खेल्दा ८ विकेट लिएका थिए।

बिग ब्यास लिग पछि सन्दिप फेब्रुअरी १४ देखि सुरु हुने पाकिस्तान सुपर लिग खेल्न पुग्नेछन् जहाँ उनि मोहम्मद हफिज कप्तानीको लाहोर कलन्दर्सबाट खेल्नेछन्। लाहोरमा एबी डी भिल्लिएर्स, ब्रेण्डन टेलर, फखार जमान, कार्लोस ब्राथवेट, मोहम्मद इरफान, यासिर शाह जस्ता खेलाडीहरु रहेका छन्।

पाकिस्तान सुपर लिग पछि सन्दिप मार्च २३ देखि भारतमा सुरु हुने इन्डियन प्रिमियर लिगमा दिल्ली क्यापिटलको लागि खेल्न पुग्नेछन्।

( फिचर फोटो – द नेसनल युएई )





थप समाचार

पीएसएल : रोमान्चक खेलमा पेशावरको जित, क्वेटाको अर्को हार

पाकिस्तान सुपर लिगमा सरफराज एहमद कप्तानीको टिम क्वेटा ग्ल्याडीएटर्सले लगातार तेश्रो खेलमा हार बेहोरेको छ। लिग अन्तर्गत शुक्रबार राति नेसनल […]

‘लिटल फ्लावर प्रिमियर लिग’को ट्रफी सार्वजनिक

कैलाली, फागुन १४– ‘लिटल फ्लावर प्रिमियर लिग’ विद्यालयस्तरीय यु–१९ राष्ट्रिय क्रिकेट प्रतियोगिता पाँचौँ संस्करणको आज धनगढीमा ट्रफी सार्वजनिक गरिएको छ […]

पीएसएल : रिजवान र मक्सुद चम्किदा मुल्तानको पहिलो जित

पाकिस्तान सुपर लिग अन्तर्गत शुक्रबार सम्पन्न खेलमा मुल्तान सुल्तान्सले पहिलो जित दर्ता गर्ने क्रममा लाहोर कलन्दर्सलाई ७ विकेटले पराजित गरेको […]

कास्की जिल्ला क्रिकेट संघको साधारण सभा सम्पन्न

कास्की जिल्ला क्रिकेट संघको तेश्रो साधारण सभा आज पोखरामा सम्पन्न भएको छ । कोभिड–१९ महामारीका कारण रोकिएको कास्की जिल्ला क्रिकेट […]

युसुफ पठानद्वारा सन्यास घोषणा, जसको नाममा छ यस्तो रोचक रेकर्ड

३७ वर्षीय भारतीय अलराउण्डर युसुफ पठानले सबै फर्म्याटको क्रिकेटबाट सन्यासको घोषणा गरेका छन्। भारतको लागि ५७ वटा एकदिवसीय अन्तर्राष्ट्रिय र […]

रुपन्देही सुपर लिग : इशान पाण्डेले अलराउण्ड प्रदर्शन गर्दा बुटवल विजयी, राइनोज डिभिजन ‘बी’मा घटुवा

प्रकाश न्यौपाने, भैरहवा, फागुन १४ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत शुक्रबार भएको डिभिजन […]