अभ्यास टुरको लागि नेपाली टिम श्रीलंका प्रस्थान

Nepal Cricket Team


  • विकेटनेपाल, भदौ ४ 

मलेसियामा अगस्ट  २९ देखि सुरु हुने एसिया कप छनौट प्रतियोगिताको तयारीको लागि नेपाली क्रिकेट टिम सोमबार श्रीलंका प्रस्थान गरेको छ।  दिउसो १ बजे श्रीलंका प्रस्थान गरेको टिमलाई सभामुख कृष्ण बहादुर महराले बालुवाटार स्थित आफ्नै निवासबाट बिदाई गरे।

नेपाली टिमले श्रीलंकामा ३ वटा अभ्यास खेल खेल्नेछ जस अन्तर्गत अगस्ट २२ मा पहिलो अभ्यास खेल आर्मी क्रिकेट टिमसंग, अगस्ट २४ मा ब्लुमफिल्डसंग दोश्रो तथा अगस्ट २६ मा कोल्ट्ससंग तेश्रो अभ्यास खेल खेल्ने कार्यक्रम रहेको छ। श्रीलंका भ्रमण पछि टिम अगस्ट २७ तारिकमा मलेसिया प्रस्थान गर्नेछ।

एसिया कप क्वालिफायर अन्तर्गत नेपालले अगस्ट २९ तारिकमा ओमानसंग पहिलो खेल खेल्नेछ। प्रतियोगितामा नेपाल सहित ओमान, युएई, मलेसिया, सिंगापुर, हंगकंग प्रतिस्पर्धा गर्नेछन् जसमध्ये बिजेता टिमले १५ सेप्टेम्बर देखि युएईमा आयोजना हुने एसिया कप खेल्न पाउनेछ।

टिमको बिदाई कार्यक्रममा बोल्दै टिमका मुख्य प्रशिक्षक जगत टमाटाले एसिया कप छनौट प्रतियोगिता नेपालको लागि सहज नरहेको प्रतिक्रिया दिएका छन् भने कप्तान पारस खड्काले एसिया कप छनौट हुने अवसर ठुलो रहेको जसको लागि नेपाल तयार रहेको बताए-

एसिया कप छनौटको लागि नेपालले १५ सदस्यीय टोलिको घोषणा गरेको छ जसमा नेदरल्याण्ड टुरमा नरहेका बिनोद भण्डारी र सागर पुनले पुनरागमन गरेका छन्। चोटका कारण शरद भेसावकरले भने एसिया कप छनौट खेल्ने अवसर गुमाउनेछन्। यस्तै क्यारेबियन प्रिमियर लिग खेलिरहेका सन्दिप लामिछाने अगस्ट २८ तारिकमा मलेसिया पुग्नेछन्।





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]