म्यानमार १३ रनमै अलआउट, नेपाल ३३७ रनले बिजयी



  • विकेटनेपाल, २८ मङ्सिर 

म्यानमारलाई मात्र १३ रनमै अलआउट गरेपछि नेपालले एसीसी यु-१६  इस्टर्न रिजन प्रतियोगितामा ३३७ रनको बिशाल जित दर्ता गरेको छ।

टस जितेर टेर्ड थाई मैदानमा टस जितेर ब्याटिंग गरेको नेपालले निर्धारित ३५ ओभरमा बनाएको ३५० रनको जवाफमा ब्याटिंग गरेको म्यानमारले कम्जोर ब्याटिंग गर्दै ११.३ ओभरमा १३ रन बनाउदा सबै विकेट गुमेको थियो।

म्यानमारलाई लज्जास्पद स्कोरमा समेट्न नेपाली बलर नारायण जोशी र मेख बहादुर सेनले ४/४ विकेट हात पारेका थिए। नारायणले ३ ओभरमा २ मेडन ओभर सहित मात्र १ रन खर्चिए भने मेखले ३ ओभरमा ४ रन दिए।

म्यानमारको लागि १० औं नम्बरमा ब्याटिंग गरेका हिन टेट अंगले १८ बल खेलेर बनाएको ३ रन सर्बाधिक स्कोर बनेको थियो। ७ जना म्यानमार ब्याट्सम्यानहरु खाता समेत खोल्न सकेनन् भने अन्य ३ जना ब्याट्सम्यानहरु ले १ रन मात्रै बनाउन सके। नेपालले ६ वटा वाइड र एउटा लेग बाईको रुपमा जम्मा दिएको ७ अतिरिक्त रन म्यानमारको स्कोरमा ठुलो योगदान बन्यो।

दोहोरियो इतिहास 

सन् २००६ को एसीसी ट्रफीमा नेपालले म्यानमारलाई २ बलमै पराजित गर्दै दुर्लभ नतिजा हात पारेको थियो। उक्त खेलमा म्यानमारले पहिले ब्याटिंग गर्दै १२.१ ओभरमा १० रन मात्रै बनाएको थियो जुन लक्ष नेपालले २ बलमै भेटाएको थियो।

त्यस खेलमा नेपालको लागि मेहबुब आलम ७ विकेट तथा बिनोद दासले ३ विकेट हात पारेका थिए। आलमले ६.१ ओभरमा ३ मेडन ओभर सहित मात्र ३ रन खर्चिएका थिए भने बिनोद दासले ६ ओभरमा २ मेडन ओभर सहित मात्र ४ रन खर्चिएका थिए। म्यानमारका ६ जना ब्याट्सम्यानहरुले खाता खोल्न सकेका थिएनन् भने ५ जना ब्याट्सम्यानले १ रनको स्कोर बनाएका थिए । नेपालले २ वाईड र ३ लेग बाईको रुपमा ५ रन अतिरिक्तको रुपमा दिएको थियो।

रितको शतकमा नेपालको बिशाल स्कोर 

यस अघि कप्तान रित गौतमले शतक तथा प्रतिस जिसी र तृत राज दासले विस्फोटक इनिंग खेलेपछि नेपालले ३५१ रनको बिशाल योगफल तयार पारेको थियो।

प्रतियोगिताकै र व्यक्तिगत पहिलो शतक प्रहार गरेका रितले अविजित १०६ रन बनाए जसको लागि उनले मात्र ७८ बलमा १२ चौका प्रहार गरेका थिए। तृत दासले ३ चका र ७ चौका प्रहार गर्दै ६४ रनको विस्फोटक इनिंग खेलेका थिए। यस्तै प्रतिस जिसीले पनि मात्र ३१ बलमा १० चौका र १ छक्का मदतल ६३ रन बनाउदै नट आउट रहे।

नेपालले सुरुवात देखि आक्रामक ब्याटिंग गरेको थियो। ओपनर कुशल मल्लले ३ छक्का र ३ चौका प्रहार गर्दै ३६ रनको इनिंग खेल्दै नेपाललाई उत्कृस्ट सुरुवात दिलाएका थिए। अर्का ओपनर सुवास ऐयरल १७ रन योगदान दिंदा पहिलो विकेटको लागि कुशल र सुबासले ५४ रनको साझेदारी गरेका थिए।





थप समाचार

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]

T20WC : वेस्टइन्डिजको विश्वकप इतिहासकै लज्जास्पद ब्याटिंग, रशिदको घातक बलिंग

टि-ट्वान्टी विश्वकप अन्तर्गत सुपर-१२ चरणको दोश्रो खेलमा इंग्ल्यान्डसंग प्रतिस्पर्धा गरिरहेको डिफेन्डिङ च्याम्पियन वेस्टइन्डिजले आफ्नो टि-ट्वान्टी विश्वकप इतिहासकै लज्जास्पद ब्याटिंग गरेको […]

T20WC : भारतसंग खेल अघि पाकिस्तान कप्तान बाबर आजमको आत्मविश्वास

क्रिकेट विश्वकप इतिहासमा पाकिस्तानले भारत बिरुद्ध हालसम्म जित दर्ता गर्न सकेको छैन। टि-२० विश्वकपको इतिहास कोट्याउने हो भने पनि ५ […]