नेपाली राइनोज फाइनलमा, ज्ञानेन्द्रको २१ बलमा अर्धशतक ( भिडियो सहित )

Nepali rhonos cricket club


प्रतियोगितामा लगातार चौथो जित हात पार्दै नेपाली राइनोज टु एक्स क्रिकेट युएसएकपको फाइनल प्रवेश गरेको छ l आज राति सम्पन्न सेमीफाइनल खेलमा ज्ञानेन्द्र मल्लको आक्रामक अर्धसतक मदतले फ्लोरिडा अन्डर डगलाई ७ विकेटले पराजित गर्न नेपाली टिमलाई कठिनाई सामना गर्नु परेन l

स्कोरकार्ड हेर्नुस 

राइनोजले अब आज राति १०:४५ बजे हुने भनिएको फाइनल खेलमा पाकिस्तानी स्टार खेलाडी सम्मेलित टिम हस्टन स्पार्क्सको सामना गर्नेछ l हस्टनले आजै सम्पन्न सेमीफाइनलमा युएई फाल्कोन्सलाई ७ विकेटले पराजित गर्दै फाइनल प्रवेश गरेको हो l हस्टनमा पाकिस्तानी रास्ट्रिय क्रिकेटर कमरान अकमल, सईद अज्मल जस्ता खेलाडी छन् l

प्रतियोगिताको बिजेता टिमले ६० हजार अमेरिकी डलर र २० हजार डलर बराबरको मित्सुबासी कार तथा उपविजेताले १८ हजार डलर पाउनेछ l

फ्लोरिडा अन्डरडगले २० ओभरमा बनाएको १२१/९ को स्कोरलाई नेपाली राइनोजले १५ औ ओभरमानै ३ विकेट मात्र गुमाई पछ्याएको थियो l

ज्ञानेन्द्र मल्ल
ज्ञानेन्द्र मल्लले २१ बलमा अर्धशतक बनाए

टस जितेर मुसा क्रिकेट स्टेडियम टेक्सासमा फिल्डिंग रोजेको नेपाली टिमले अन्डरडगलाई पहिलो १० ओभरको इनिंगमा ६७/४ को स्थितिमा रोकेको थियो l त्यसपछि ब्याटिंग गरेको नेपालले १० ओभरमा १०५/३ को स्कोर बनाऊदै ३८ रनको अग्रता कायम गर्यो l

दोश्रो इनिंगमा अन्डरडगले पुरै १० ओभर खेल्दै ५४ रन मात्रै जोड्दा कुल ९ विकेट गुमायो र नेपाली राइनोलाई बाँकी १० ओभरमा १७ रनको लक्ष दियो l नेपाली टिमले दोश्रो इनिंगमा विकेट नगुमाई लक्ष पुरा गर्यो र ७ विकेटको जित दर्ता गर्दै फाइनलमा स्थान सुरक्षित गर्यो l

नेपालको लागि ओपनिंग गर्न आएका ज्ञानेन्द्र मल्लले आक्रामक ब्याटिंग गर्दै ६२ रनको इनिंग खेले l २६ बलको इनिंगमा उनले ५ छक्का र ६ चौका प्रहार गरे l मल्लले २१ बलमै अर्धशतक पुरा गरेका थिए l अर्का ओपनर सुबास खकुरेलले ३६ रनको योगदान दिए भने सिद्धान्त लोहनीले ४ रन बनाए l शरद भेसावकर ६ र राकेश कर्ण १२ रनमा अविजित रहे l

बलिंग तर्फ राइनोजका सोमपाल कामि र शन फिंडलेले २/२ विकेट हात पारे l रस्टि थेरोन, बसन्त रेग्मी र पारस खड्काले १/१ विकेट आफ्नो नाम गरे l अन्डरडग ब्याट्सम्यान हेरोन्ड शालोले ३२, ज्योत छायाले २९ तथा रिजवान चिमाले २३ रन योगदान दिएका थिए l

नेपाल यस अघि समुह ‘ए’ को बिजेताको रुपमा सेमीफाइनल प्रवेश गरेको थियो l

यो पनि पढ्नुस : 

भिडियो दोश्रो इन्निंग 

भिडियो पहिलो इन्निंग

https://www.youtube.com/watch?v=g6vi0mh0Pc0





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]