नेपाल आईसीसीको एकदिवसीय वरियतामा पहिलो पटक समावेश



  • विकेटनेपाल, माघ-१४ , सोमबार 

नेपाली क्रिकेट टिमलाई पहिलो पटक अन्तर्राष्ट्रिय क्रिकेट परिषद आईसीसीले एकदिवसीय अन्तर्राष्ट्रिय क्रिकेट राष्ट्रहरुको वरियतामा समाबेश भएको छ।

नेपालले युएईसंग खेलेको ३ एकदिवसीय अन्तर्राष्ट्रियको सिरिज सकिने बितिकै आईसीसीले आफ्नो अधिकारिक वेबसाइट ICC-Cricket.Com मा नेपाललाई वरियतामा राखेको हो।

आईसीसी एकदिवसीय अन्तर्राष्ट्रिय वरियता अनुसार नेपाल १५ औं स्थानमा रहेको छ। वरियतामा नेपालले १० खेल खेल्दा १५२ अंक र १५ रेटिंग पाएको छ।

नेपाल भन्दा अघि १४ औं स्थानमा युएई, १३ औं स्थानमा स्कटल्याण्ड, १२ औं स्थानमा आयरल्याण्ड रहेको छ। आईसीसी एकदिवसीय अन्तर्राष्ट्रिय वरियतामा क्रमश: भारत, न्युजिल्याण्ड, दक्षिण अफ्रीका, पाकिस्तान, अस्ट्रेलिया, बंगलादेश, श्रीलंका, वेस्ट इन्डिज, अफगानिस्तान र जिम्बाबे क्रमश १ देखि ११ औं स्थानमा रहेका छन्।

नेपालले गत वर्ष मार्चमा बिश्व कप छनौट प्रतियोगितामा त्यति बेला एकदिवसीय अन्तर्राष्ट्रिय मान्यता पाएका देशहरु बिरुद्ध खेलेको खेलहरुपनि जोड्दै आईसीसीले वरियता सार्वजनिक गरेको हो। नेपालले त्यस प्रतियोगितामा जिम्बाबे, पपुवा न्यु गिनी, हंगकंग र स्कटल्याण्डसंग खेलेको खेल पनि आईसीसीले जोडेको छ।

२०१८ आईसीसी बिश्व कप छनौटमा खेलेको ४ खेल, गत वर्ष अगस्टमा नेदरल्याण्डसंग खेलेको २ खेल, एसिया कप छनौटमा गत वर्ष युएईसंग खेलेको १ खेल र जारि सिरिजमा युएईसंग खेलेको ३ खेल गरि नेपालले १० वटा खेल खेलेको हो। मार्चमा आईसीसी मान्यता पछि नेपालले मात्र ३ वटा खेलमा जित दर्ता गरेको छ। नेदरल्याण्डसंग गत वर्ष अगस्टमा २ वटा खेलको सिरिज अन्तर्गत दोश्रो खेलमा १ रनले जित हाँसिल गर्दै नेपालले पहिलो एकदिवसीय अन्तर्राष्ट्रिय जित दर्ता गरेको थियो।

नेपालले सन् २०१४ मा टि-२० बिश्व कप छनौट खेल्दा पहिलो पटक आईसीसीको टि-२० अन्तर्राष्ट्रिय मान्यता पाएको थियो जसपछि २०१५ को टि-२० बिश्वकप छनौटमा पराजित हुँदा नेपालको मान्यता गुमेको थियो।

सन् १९४६ मा नेपाल क्रिकेट संघ स्थापना भएको थियो जुन नेपालमा स्थापना भएको पहिलो खेलकुद संस्था थियो।

Photo – Thenational.ae

नेपालले सन् १९८८ मा आईसीसीको अफिलीएट र १९९६ मा एसोसीएट राष्ट्रको मान्यता पाएको थियो। सोहि वर्ष मलेसियामा सम्पन्न एसीसी ट्रफीमा बंगलादेशसंग खेल्दै अन्तर्राष्ट्रिय प्रतियोगिता खेल्न सुरुवात गरेको थियो। त्यस प्रतियोगितामा नेपाललाई जापान बिरुद्ध पहिलो जित दर्ता गरेको थियो।

सन् २०१४ को टि-२० बिश्वकप सहभागिता र २०१८ मा एकदिवसीय राष्ट्रको मान्यता पाउनु नेपाली क्रिकेट टिमको सबैभन्दा ठुलो उपलब्धि मानिएको छ।

युएईसंग नेपालले खेलेको ३ वटा एकदिवसीय सिरिजमा २ वटामा जित र एउटामा हार बेहोरेको नेपालको यो पहिलो एकदिवसीय अन्तर्राष्ट्रिय सिरिज जित हो। यस क्रममा नेपालका कप्तान पारस खड्का एकदिवसीय अन्तर्राष्ट्रियमा शतक बनाउने पहिलो खेलाडी बने भने दोश्रो खेलमा ५ विकेट लिएका सोमपाल पनि पहिलो खेलाडी बने। यस्तै दोश्रो एकदिवसीयमा अर्धशतक बनाए पछि रोहित पौडेल सचिन र शहिद अफ्रिदीलाई पछि पार्दै अन्तर्राष्ट्रिय क्रिकेटमै अर्धशतक बनाउने कान्छा खेलाडी बनेका छन्।





थप समाचार

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]