पारस र जोराको बिष्फोटक ब्याटिंगमा नेपालले जोड्यो १०४ रन



  • विकेटनेपाल – २० माघ, आइतवार 

युएई बिरुद्धको तेस्रो तथा अन्तिम खेलमा नेपालले युएईलाई जितका लागि १०५ रनको लक्ष्य प्रस्तुत  गरेको छ।

बर्षा बाधक बनेपछि १० ओभरमा झारिएको खेलमा नेपालले पुरै १० ओभर ब्याटिंग गर्दै ८ विकेट गुमाएर १०४ रन जोड्न सक्यो। नेपालको लागि कप्तान पारस खड्काले सर्वाधिक २९, सुन्दिप जोराले २८ र बिनोद भण्डारीले २१ रनको योगदान गरे।

नेपालको सुरुवात भने राम्रो  रहन सकेको थिएन। ओपनर ब्याट्सम्यान पवन सर्राफ खाता नखोल्दै पभेलियन फर्किंदा नेपालले पहिलो ओभरमा रन जोड्ननै सकेन। त्यसपश्चात भने पारस खड्का र ज्ञानेन्द्र मल्लले दोस्रो विकेटका लागी १२ रनको साझेदारी गरे।

मल्ल ११ रनको स्कोरमा पभेलियन फर्किए। यस्तै दिपेन्द्र ऐरीको विकेट समेत लगत्तै गुमाएको नेपालले २१ रन जोड्न ३ विकेट गुमाएको थियो।

पाँचौं नम्बरमा ब्याटिंग गरेका सुन्दिप जोरा र कप्तान पारस खड्काले सो पश्चात बिष्फोटक ब्याटिंग गर्दै नेपालको स्कोर अघि बढाए। पारस व्यक्तिगत २९ रन बनाउंदा १४ बलमा ४ चौका र १ छक्का प्रहार गर्दै छैठौं ओभरको अन्तिम बलमा पभेलियन फर्किए। यस्तै जोराले भने नवौं ओभरको तेस्रो बलमा विकेट गुमाउन अघि ११ बलमा ३ छक्का सहित २८ रन जोडे।

इनिंगको अन्त्य तर्फ लगातार विकेट गुमाएको नेपालका लागि बिनोद भण्डारीले २१ रन तथा करन केसीले १० रन जोड्दै स्कोर १०० रन पार गराए। बिनोदले १३ बलमा २ चौका र १ छक्का तथा करनले ५ बलमा १ छक्का प्राहार गरे।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]