इन्डोनेसिया बिरुद्ध कीर्तिमानी बिशाल जित हात पार्दै नेपाल फाइनलमा

Nepal Women's Cricket Team


  • विकेटनेपाल- माघ-४ , शुक्रबार 

इन्डोनेसियालाई सेमीफाइनलमा ९२ रनले पराजित गर्दै नेपाल थाईल्याण्डमा जारि थाईल्याण्ड वुमेन्स टि-२० स्म्यास प्रतियोगिताको फाइनलमा प्रवेश गरेको छ।

अब नेपालले भोलि शनिवार खेलिने फाइनलमा थाईल्याण्ड र युएई बीचको विजेतासंग खेल्नेछ।

टेर्ड थाई क्रिकेट मैदानमा टस जितेर इन्डोनेसियाले नेपाललाई ब्याटिंगको निम्तो दिएको थियो। नेपालले २० ओभरमा ११९ रन बनाएपछि १२० रनको लक्ष्य पछ्याउने क्रममा इन्डोनेसिया २७ रनमै समेटिन पुग्दा नेपालले बिशाल जित दर्ता गरेको हो।

लक्ष्य पछ्याउने क्रममा इन्डोनेसिया ओपनर युलियाले सर्वाधिक १३ रन बनाउनु बाहेक अन्य खेलाडीले दोहोरो अंकमा रन बनाउन सकेनन्। ४ खेलाडीले खाता खोल्न सकेनन् भने २ खेलाडी रन आउट भए।

नेपालको लागि बलिङ्गमा कप्तान रुबिना क्षेत्रीले सर्वाधिक ३ विकेट हात पार्न ३ ओभरमा २ मेडन ओभर गर्दै २ रन मात्रै खर्चिन्। कविता कुँवर ( २-०-५-१ ) , नेरी थापा ( १-०-१-१ ) , सिता राना मगर ( २-०-२-१ ) र सरिता मगर ( १-०-३-१ ) ले समान १/१ विकेट आफ्नो नाम गरे।

११ रन बनाउदा इन्डोनेसियाले पहिलो विकेट गुमाएको थियो भने दोश्रो विकेट १९ रनमा। त्यसपछि ८ रन जोड्ने क्रममा इन्डोनेसियाले ८ विकेटनै गुमाउन पुगेको थियो।

नेपालको ब्याटिंग :  सिता र इन्दुको रेकर्ड साझेदारी 

पहिलो विकेटको लागि सिता राना मगर र काजल श्रेष्ठले ३१ रनको साझेदारी गरे। काजल नवौं ओभरमा आउट हुनु अघि १४ रन बनाईन्।

काजलको विकेट पछि सिताले इन्दु बर्मासंग साझेदारी गर्दै नेपालको योगफललाई १०० पार गराए। दोश्रो विकेटको लागि ७० रनको साझेदारी गरेपछि सिता ४८ रनको व्यक्तिगत स्कोरमा रन आउट हुन पुगिन्। सितले ६२ बलमा १ चौका प्रहार गरिन्। सिताको विकेट पछि नेरी थापा ५ रन बनाएर आउट भइन्।

नेपालले पुरै २० ओभर ब्याटिंग गर्दा ३ विकेट गुमाएर ११९ रनको योगफल तयार गर्यो। इन्दु बर्माले अविजित ३७ रन बनाउन ३३ बलमा २ चौका प्रहार गरिन्। टी-२० अन्तर्राष्ट्रियमा इन्दुको यो व्यक्तिगत सर्वाधिक योगफल हो।

Sita Rana Magar
Sita Rana Magar

४ ठुलो रेकर्ड कायम 

९२ रनको जित टि-२० अन्तर्राष्ट्रियमा नेपाली महिला टिमको सबैभन्दा ठुलो रन अन्तरको जित हो। विकेटको आधारमा प्रतियोगितामा नेपालले चिनलाई १० विकेटले पराजित गरेको थियो।

सिताले बनाएको ४८ रन कुनै पनि नेपाली महिला खेलाडीको टि-२० अन्तर्राष्ट्रिय क्रिकेटमा सर्वाधिक व्यक्तिगत योगफल हो। यस अघि सितालेनै युएईसंग बनाएको ३७ रन सर्वाधिक व्यक्तिगत योगफल थियो जसलाई सिता आफैले तोडिन्।

Sita Rana Magar
Sita Rana Magar

महिला अन्तर्राष्ट्रिय टि-२० मा सिता र इन्दुको ७० रनको साझेदारी नेपालको लागि कुनै पनि विकेटको लागि सर्वाधिक साझेदारी हो। यस अघि प्रतियोगिताकै युएईसंगको खेलमा सिता राना मगर र काजल श्रेष्ठले पहिलो विकेटको लागि ६१ रनको साझेदारी गरका थिए।

नेपालले बनाएको १२० रनको योगफल टि-२० अन्तर्राष्ट्रिय क्रिकेटमा नेपाली महिला टिमले बनाएको सर्वाधिक योगफल हो। युएईसंग नेपालले जित हात पार्ने क्रममा बनाएको १०६ रन नेपालले बनाएको सर्वाधिक योगफल हो। पहिलो इनिंगमा नेपालले ब्याटिंग गरेको टि-२० अन्तर्राष्ट्रियमा यो नै पहिलो अवसर पनि हो।





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]