नेपालको लज्जास्पद ब्याटिंग, युएईको कीर्तिमानी जित



युएईमा जारि त्रिकोणात्मक एकदिवसीय अन्तर्राष्ट्रिय सिरिजको तेश्रो खेलमा नेपाल युएईसंग ९९ रनले पराजित भएको छ। सिरिजको पहिलो खेलमा पपुवा न्यु गिनीलाई पराजित गरेपछि दोश्रो खेलमा पनि नेपाल युएईसंग ४८ रनले पराजित भएको थियो।

दुबई अन्तर्राष्ट्रिय स्टेडियममा युएईले दिएको २०३ रनको लक्ष्य पछ्याउने क्रममा नेपाल ३५.१ ओभरमा १०३ रनमा समेटिन पुग्यो।

हेर्नुस स्कोरकार्ड, अंकतालिका 

१०३ रन एकदिवसीय अन्तर्राष्ट्रिय क्रिकेटमा नेपालको सबैभन्दा कम टिम योगफल हो। यस भन्दा अघि नेपालको कम योगफल युएई बिरुद्ध सन् २०१९ मा बनाएको ११३ रन थियो। ९९ रनको जित युएईको नेपाल बिरुद्ध सर्वाधिक रनअन्तरको जित हो भने उसको एकदिवसीय अन्तर्राष्ट्रियमा दोश्रो ठूलो रन अन्तरको जित हो।

लक्ष्य पछ्याउने क्रममा नेपालको लागि ज्ञानेन्द्र मल्लले सर्वाधिक ३० रन योगदान दिए। आरिफ शेख र सोमपाल कामिले समान १५ रन तथा बिनोद भण्डारीले १२ रन बनाए।

नेपालले २१ रन बनाउदा पहिलो ४ विकेट गुमाएको थियो। आसिफ शेखको स्थानमा ओपनिंग गरेका पवन सर्राफ २ रन बनाएर आउट भए भने कुशल भुर्तेल ५, दिपेन्द्र ऐरी खाता नखोली तथा रोहित पौडेल ९ रन बनाएर आउट भए। पाँचौ विकेटको लागि ज्ञानेन्द्र र आरिफले ३३ रन जोडे। तर आरिफको विकेटपछि पुनः नेपालले लगातार विकेट गुमाउन पुग्यो।

युएईका दायाँ हाते फास्ट बलर जुनैद सिद्दिकीले सर्वाधिक ४ विकेट लिए भने काशिफ दौड र एहमद रजाले २/२ विकेट तथा बसिल एहमदले १ विकेट लिए।

दुबई अन्तर्राष्ट्रिय स्टेडियममा टस हारेर ब्याटिंग गरेको युएईले निर्धारित ५० ओभरमा ९ विकेट क्षेतीमा २०२ रन बनाएको थियो।

युएईको लागि रोहन मुस्तफाले सर्वाधिक ६० रन योगदान दिए जुन क्रममा उनले ७३ बलमा २ चौका र १ छक्का प्रहार गरे। मुहम्मद वासिमले ३३, चिराग सुरीले २४, आलिशान शरफुले २१ तथा बसिल हमिदले १७ रन योगदान दिए।

ओपनर वासिम र सुरीले ५७ रनको साझेदारी गरेका थिए। १६ औं ओभरमा कप्तान सन्दिप लामिछानेले नेपालको विकेटको खाता खोले। त्यसपछि लगातार विकेट गुमाएता पनि रोहन मुस्तफाले एक किनार सम्हाल्दै ब्याटिंग गरेका थिए। मुस्तफालाई ४६ औं ओभरमा सोमपाल कमिले बोल्ड गरे।

नेपालको बलिंगमा कप्तान सन्दिप लामिछानेले ३ विकेट लिए जुन क्रममा १० ओभरमा १ मेडन ओभर गर्दै मात्र ३२ रन खर्चिए। करन केसी ( ९-०-३६-२ ) र सोमपाल कामिले २ विकेट ( १०-०-४४-२ ) लिंदा  दिपेन्द्र ऐरी ( ६-०-२८-१ ) र आरिफ सेखले ( ९-०-३१-१ ) समान १ विकेट लिए।

सिरिज अन्तर्गत नेपालले अन्तिम खेल भोलि मंगलबार पपुवा न्यु गिनीसंग खेल्नेछ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]