नेपाल बिश्वकप छनौट हुन सम्भब छ ? यस्तो छ अंकगणित

Nepal U19 Cricket Team


  • विकेटनेपाल, ९ साउन

यु-१९ एसिया बिश्वकप अन्तर्गत नेपालले आफ्नो अन्तिम खेल अफगानिस्तानसंग भोलि मंगलबार खेल्दै छ l आयोजक सिंगापुर, मलेसिया, अफगानिस्तान र नेपाल सहित ४ रास्ट्र सहभागी प्रतियोगिताबाट न्युजिल्याण्डमा सन् २०१८ जनवरीमा संचालन हुने यु-१९ बिश्वकपमा बिजेता १ टोलिले मात्र छनौट हुने मौका पाउनेछ l

प्रतियोगितामा सबै टिमले कुल ५/५ खेल खेलीसकेपछि अंक तालिकामा ५ वटा जितको साथ अफगानिस्तान १० अंक सहित शिर्ष स्थानमा छ भने नेपाल ४ जितका साथ ८ अंक सहित दोश्रो स्थानमा छ l १ खेल जितेको सिंगापुरको २ अंक सहित तेश्रो स्थानमा र मलेसिया कुनै पनि खेल नजिती अन्तिममा छ l

यो हिसाबमा अफगानिस्तान र नेपाल बीच प्रतियोगिताको अन्तिम दिन खेलिने खेलले न्युजिल्याण्ड यु-१९ बिश्वकपमा छनौट हुने निर्णय गर्नेछ l

बिश्वकप छनौट हुन नेपालले अफगानिस्तानलाई पराजित गरेर मात्रै पर्याप्त हुने छैन l किनकि नेट रनरेटमा नेपाल अफगानिस्तान भन्दा निकै पछि रहेको छ l अफगानिस्तानको नेट रनरेट ४.१५४ छ भने नेपाल ०.७६३ रहेको छ l त्यसैले नेपालले खेल जितेर मात्रै हुँदैन अफगानिस्तानसंग चमत्कारिक नतिजा निकाल्नु पर्नेछ l

नेट रनरेट सहितको अंकतालिका

कसरि बिश्वकप छनौट हुन सक्छ नेपाल ? 

– पहिले बलिंग गरेको खण्डमा 

अफगानिस्तान नेट रनरेट यति धेरै छ कि नेपालले खेल जित्न असम्भब जस्तो नतिजा कल्पना गर्नुपर्छ l यदी नेपालले पहिले बलिंग गर्दै अफगानिस्तानलाई ५० रनमा अलआउट गर्यो र नेपालले २ ओभरमा ५६ रन बनाएर लक्ष पुरा गरेको खण्डमा अफगानीस्ताननै नेट रनरेटमा अघि हुँदै छनौट हुनेछ l अर्को कल्पना गरौं, यदी अफगानिस्तान ७० रनमै अल आउट भयो र नेपालले ३ ओभरमा ७६ रन बनाउदै लक्ष पुरा गर्यो भने अथवा, अफगानीस्तान १०० मा अलआउट भयो र नेपालले ४ ओभरमा १०६ रन बनाउदै लक्ष पुरा गर्यो भने पनि अफगानिस्ताननै नेट रन रेटमा अघि हुँदै छनौट हुनेछ l

यसरी हेर्दा नेपालले ५६ रनको लक्ष २ ओभरमा पुरा गर्न २८ रन प्रतिओभर रन बनाउनु पर्नेछ, यस्तै ७६ रन ३ ओभरमा बनाउन २५.३३ रन प्रतिओभर बनाउनु पर्ने छ र १०६ रन ४ ओभरमा बनाउन २६.५ रन प्रतिओभर बनाउनु पर्नेछ l शब्दमा माथिको गणितलाई ब्याख्या गर्दा ‘असम्भब’ सुहाउदो हुन्छ l अझ प्रतियोगितामा नेपालले सिंगापुरले दिएको ७३ रन लक्ष १७.३ ओभरमा ६ विकेट गुमाई पुरा गरेको, मलेसियाको ५८ रन पछ्याउन ९.५ ओभरमा ५ विकेट गुमाएको र सिंगापुरको ८९ रन पछ्याउन २२.२ ओभरमा ५ विकेट गुमाएको समझदा अफगानिस्तान बिरुद्धको जित आकासको फल झैँ हो l

– पहिले ब्याटिंग गरेको खण्डमा 

परिस्थिति ब्याटिंग गरेको खण्डमा पनि उस्तैनै हो l यदी नेपालले पहिले ब्याटिंग गर्दै ३०० रन बनाउछ र अफगानिस्तानलाई ३० रनमा अलआउट गर्छ भने अफगानिस्ताननै नेट रनरेटमा अघि हुँदै छनौट हुनेछ l यदी नेपालले ३५० रनको स्कोर बनायो र अफगानिस्तानलाई ५० रनमै अलआउट गर्यो भने चै नेपाल नेट रनरेटमा अघि हुनेछ l

तर नेपालले प्रतियोगितामा गरेको प्रदर्शन हेर्ने हो भने अफगानिस्तानसंग ४९ रनमै अलआउट भएको नतिजा सामुन्ने आउछ l अझ, नेपालले पहिले ब्याटिंग गरेको एकमात्र खेलको कुरा गर्ने हो भने कमजोर सिंगापुर बिरुद्ध १६८ रनमै अलआउट हुन पुगेको थियो l

यसरी नेपाल २०१८ यु-१९ बिश्वकप छनौट भएको देख्नु आशा माथि पनि आशा गर्नु हो l यस्तो परिस्थिति हुने थाहा हुँदाहुँदै नेपालले सिंगापुर बिरुद्धको दोश्रो खेलमा टस जितेर पहिले ब्याटिंग गर्ने निर्णय गरेको थियो जुन अस्चार्यजनक निर्णय थियो l अफगानिस्तानसंग भर्खरै ठुलो हार बेहोरेको अवस्थामा नेपालको नेट रनरेट +३.७३९ बाट +०.२७८ मा झरेको थियो जुन अवस्थामा सिंगापुर बिरुद्ध खेल जिते पनि नेट रनरेटमा जितले ठुलो प्रभाब पार्न सकेन  ( +०.२७८ बाट +०.४५३ ) l

अंकगणितीय रुपमा नेपालको लागि बिश्वकप छनौट असम्भव जस्तै छ तर पनि अन्तिम खेलमा अफगानिस्तानलाई पराजित गर्दै प्रतियोगिताको सफल अन्त्य गर्न भने नेपाली टिमलाई सुभकामना l

धेरैले पढेको :- 





थप समाचार

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]

डेब्युमै गुर्बजले कीर्तिमान बनाउदा अफगानिस्तानद्वारा आयरल्याण्ड पराजित

पहिलो एकदिवसीयमा आयरल्याण्डमाथि १६ रनको जित निकाल्दै युनाइटेड अरब इमिरेट्स (युएई) मा जारि ३ खेलको एकदिवसीय शृंखलामा अफगानिस्तानले अग्रता लिएको […]

टि-१० लिगमा सहभागी हुन नेपाली खेलाडीहरु युएई प्रस्थान, कहिले छ खेल

जनवरी २८ तारिख देखि फेब्रुअरी ६ तारिखसम्म युनाइटेड अरब इमिरेट्सको अबु धाबीमा आयोजना हुने अबु धाबी टि-१० लिगमा सहभागी हुन […]

दिल्लीले फुकुवा गरेपछि सन्दिपले यसरी दिए धन्यवाद

इन्डियन प्रिमियर लिग ( आईपीएल ) मा तिन सिजन दिल्ली क्यापिटल्समा बिताएपछि नेपाली स्पिनर सन्दिप लामिछानेलाई टिममा निरन्तरता नदिने घोषणा […]