विश्वकप एसिया छनोट : आज नेपालको पहिलो खेल हंगकंगसंग



युएईमा सोमबार ( नोभेम्बर २२ ) देखि महिला टि-ट्वान्टी विश्वकप एसिया क्षेत्र छनोट प्रतियोगिता सुरु हुँदैछ।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेल्न लागेको हो। प्रतियोगितामा नेपाल सहित आयोजक युएई, भुटान, हंगकंग, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।

प्रतियोगिता अन्तर्गत नेपालले आफ्नो पहिलो खेलमा आज हंगकंगसंग प्रतिस्पर्धा गर्नेछ। खेल नेपाली समय बिहान ११:१५ बजे आईसीसी क्रिकेट एकेडेमी २ मैदानमा खेलिनेछ।

गत साता कतारसंग तिनवटा टि-ट्वान्टी अन्तर्राष्ट्रियको सिरिज खेलेको नेपाली महिला क्रिकेट टिमले त्यस अघि दुई वर्ष अघि मात्र अन्तर्राष्ट्रिय क्रिकेट खेलेको थियो। कमजोर कतारलाई नेपालले तिन वटै खेलमा पराजित गर्न ठूलो कसरत गर्नु परेन। हंगकंग पनि २०१९ पछि पहिलो पटक अन्तर्राष्ट्रिय क्रिकेट खेल्दैछ। टि-ट्वान्टी अन्तर्राष्ट्रिय वरियतामा नेपाल १४ औं स्थानमा छ भने हंगकंग २५ औं स्थानमा छ।

नेपाल र हंगकंग महिला क्रिकेट टिमको इतिहास हेर्ने हो भने दुई टिम बीचको खेल प्रतिस्पर्धात्मक रहँदै आएको छ। पछिल्लो ५ भेटको ( सबै फर्म्याट ) कुरा गर्ने हो भने नेपाल ३ खेलमा तथा हंगकंग २ खेलमा विजयी भएको छ। तर पछिल्लो समय अन्तर्राष्ट्रिय नखेलेकाले हंगकंग महिला क्रिकेट टिमको स्तर आजको खेलनै कुर्नु पर्नेछ।

पछिल्लो पटक दुई टिम बीच थाइल्याण्डमा २०१९ फेब्रुअरीमा आयोजित टि-२० विश्वकप एसिया छनोटमा भेट भएको थियो। उक्त खेल नेपालले ४ विकेटले जित्ने क्रममा हंगकंगले दिएको ६३ रनको लक्ष्य १८.३ ओभरमा भेटाएको थियो। नेपालको जितमा नेरी थापाले ६ विकेट लिएकी थिईन् भने ब्याटिंगमा अप्सरी बेगमले २४ तथा सरिता मगरले १६ रन बनाएकी थिईन्। नेरी बाहेक अप्सरी र सरिता वर्तमान टिममा छन्।

खेल अघि नेपाल कप्तान रुबिना क्षेत्रीको भनाई : “छनोट खेल्न म निकै उत्साहित छु किनकि म र मेरो टिमको बिगत १५ वर्ष देखिको सपना विश्वकपमा छनोट हुनु हो। यो जीवनमा एकाध पटक आउने अवसर हो।”

खेल अघि हंगकंग कप्तान का यिंग चानको भनाई : “लामो समय पछि हामि अन्तर्राष्ट्रिय क्रिकेट खेल्दै छौँ त्यसैले निकै उत्साहित छौँ। बिभिन्न फरक टिमहरुसंग खेल्न पाउनु राम्रो अवसर हो।”

नेपाली टिम : रुबिना क्षेत्री ( कप्तान ) , डली भट्ट, सिता राना मगर, करुणा भण्डारी, इन्दु बर्मा, सरिता मगर, ज्योति पाण्डे ( विकेटकिपर ) , सरस्वति चौधरी, काजल श्रेष्ठ ( विकेटकिपर ), सबनम राई, कविता कुँवर, अप्सरी बेगम, कविता जोशी, संगीता राई , प्रशिक्षक : जगत टमाटा

प्रतियोगिताको खेल तालिका अनुसार नेपालले पहिलो खेल नोभेम्बर २२ तारिखमा हंगकंगसंग आईसीसी एकेडेमी मैदान ( २ ) मा खेल्नेछ। यस्तै दोश्रो खेल सोहि मैदानमा नोभेम्बर २३ तारिखमा भुटानसंग, तेश्रो खेल नोभेम्बर २५ तारिखमा कुवेतसंग आईसीसी एकेडेमी मैदान ( १ ) मा, चौंथो खेल मलेसियासंग सोहि मैदानमा नोभेम्बर २६ तारिखमा तथा पाँचौ खेल नोभेम्बर २८ तारिखमा आईसीसी एकेडेमी मैदान ( २ ) मा युएईसंग खेल्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]