ब्याटिंग नचल्दा लगातार दोश्रो हार : एसिया कप छनौट



  • विकेटनेपाल – १४ भदौ, बुधवार

मलेसियामा जारि एसिया कप छनौट प्रतियोगिताको आफ्नो दोस्रो खेलमा नेपालले संयुक्त अरब एमिरेट्स (युएई) बिरुद्ध ७८ रनको हार बेहोरेको छ। योसंगै नेपालको एसिया कप पुग्ने सम्भावना अझ कम बनेको छ।

टस हारेर युएईले दिएको २५५ रनको पिछा गर्न उत्रिएको नेपाली टोलीको चेजले कुनै मोड लिन सकेन। नेपालको इनिंगमा सुबाश खकुरेलले अर्ध-शतक बनाएपनि उनले ९७ बल खेले। एक दिवसीय क्रिकेटमा नेपालको लागि अर्ध-शतक बनाउने तेस्रो खेलाडी बन्ने क्रममा खकुरेलले ९७ बलमा २ चौका र १ छक्का सहित ५० रन जोडे। यस्तै दिपेन्द्र ऐरीले व्यक्तिगत ४० रन जोडे।

Subash Khakurel
Subash Khakurel ( File Photo )

ओपनर ज्ञानेन्द्र मल्ल(४) लाई पहिलो ओभरमा गुमाएको नेपालले कप्तान पारस खड्का (१६) लाई आठौँ ओभरको तेस्रो बलमा गुमाउन पुग्यो। टोलीको खातामा ३३ रन हुँदा पारस आउटभएपछि मैदान उत्रिएका सागर पुन (३) समेत नेपालले थप १० रन जोड्दा आउट हुन पुगे।

त्यसपश्चात भने ओपनर ब्याट्सम्यान खकुरेलले दिपेन्द्र ऐरीसंग चौथो विकेटका लागि ५८ रनको साझेदारी गर्दै नेपालको इनिंगलाई अघि बढाए। तर आफ्नो अर्ध-शतक पुरा गर्न साथ खकुरेल आउट भएपछि नेपाल थप समस्यामा आएको थियो। त्यस पश्चात भने अन्य कोहि ब्याट्सम्यानले खास प्रदर्शन गर्न सकेनन् र लगातार रुपमा विकेट गुमाउँदा नेपाल ४८.५ ओभरमा १७६ रनमा समेटिन पुग्यो।

नेपालको ब्याटिंगलाई धरासायी पार्ने क्रममा अहमद राजाले सर्वाधिक ४ विकेट हात पारे। यस्तै मोहम्मद नाबिदले ३ तथा आमिर हयातले २ विकेट चट्काए।

युएईको ब्याटिंग :

टस हारेर ब्याटिंग गरेको युएईले राम्रो स्कोर जोड्ने ५० ओभरमा ९ विकेट गुमाएर २५४ रन जोडेको थियो।

किनरारा ओभल मैदानमा पहिले ब्याटिंग उत्रिएको युएईका लागि इन्डियन प्रिमियर लिग (आइपिएल) को हिस्सा बनिसकेका चिराग सुरीले सर्वाधिक ६५ तथा अर्का ब्याट्सम्यान एड्नन मुफ्तीले ५७ रन जोडेका थिए। ओपनरका रुपमा ब्याटिंग गर्न उत्रिएका मुफ्तीले ९१ बलको सामना गर्दै ७ चौका र १ छक्का सहित ६५ रन जोडेका थिए।

पहिलो विकेटका लागि अर्का ओपनर अस्फाक अहमदसंग ७० रनको साझेदारी गर्दै युएईलाई राम्रो सुरुवात दिंदा अस्फाकभने व्यक्तिगत ४५ रनको स्कोरमा आउट हुनपुगे। त्यसपश्चात पुनः सुरीले तेस्रो विकेटका लागि रमिज शेह्जादसंग ६६ रनको साझेदारी गरेका थिए। इनिंगको अन्त्यतर्फ एड्नन मुफ्तीले बिष्फोटक ब्याटिंग गर्दै मात्र ४६ बलमा ८ चौका सहित ५७ रनको पारि खेले।

Sandeep Lamichhane
Sandeep Lamichhane ( File Photo ) 

नेपाको बलिंगमा गुग्ली बोइ सन्दिप लामिछानेले सर्वाधिक ४ विकेट हात पारेका थिए। ओमान बिरुद्धको पहिलो खेलमा विकेट बिहिन बनेका सन्दिपले आजभने आफ्नो १० ओभरको स्पेलमा २ मेडन सहित २४ रन खर्चिएर ४ विकेट लिन सफल रहे। यस्तै बसन्त रेग्मीको नाममा २ विकेट रह्यो। आफ्नो १० ओभरको स्पेलमा उनले ४९ रन खर्चिए।

नेपालले अब आफ्नो तेश्रो खेल १ सेप्टेम्बरमा मलेसियासंग बायुमास ओभलमा, चौथो खेल २ सेप्टेम्बरमा सिंगापुरसंग युकेएम ओभल मैदानमा तथा अन्तिम खेल हंगकंगसंग ४ सेप्टेम्बरमा खेल्ने कार्यक्रम रहेको छ। सहभागी ६ देशले एक-अर्कासंग १/१ खेल खेलीसकेपछि लिगको बिजेता र उपविजेताले ६ सेप्टेम्बरमा किनरारा ओभल मैदानमा फाईनल खेल खेल्नेछन् जसको बिजेता एसिया कप खेल्न छनौट हुनेछ।





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]