नेपालको लगातार दोश्रो हार



  • विकेटनेपाल, भदौ २९ – शुक्रबार

भारतको लखनउमा जारि चौकोणिय एकदिवसीय सिरिज अन्तर्गत नेपाल दोश्रो खेलमा भारतको यु १९ ‘ए’ टिमसँग ८ विकेटले पराजित भएको छ। यसअघि बुधबार सम्पन्न पहिलो खेलमा भारत यु१९ ‘बि’ सँग पनि ४० रनको हार व्यहोरेको थियो।

|| स्कोरकार्ड ||

पहिलो खेलमा अफगानिस्तानलाई पराजित गरेको भारत यु१९ ‘ए’ ले लगातार दोश्रो जितसहित ६ अंक बटुलेको छ भने नेपाल अंक बिहिन रहेको छ। अहिले जारि अर्को खेलमा भारत यु१९ ‘बि’ र अफगानिस्तान यु१९ भिडिरहेका छन्।

लखनउ स्थित नवनिर्मित एकना अन्तर्राष्ट्रिय क्रिकेट मैदानमा टस जितेर पहिले ब्याटिंग गरेको नेपालले ४५.५ ओभरमा सबै विकेट गुमाउँदै मात्र १५६ रनको योगफल तयार पारेको थियो। सुरुवाती ३ विकेट २३ रनमा गुमाउँदा समस्यामा रहेको नेपालका लागि ओपनर तृतराज दासले ४६ रन तथा सन्दिप जोहराले ६६ रनको पारि खेल्दै चौथो विकेटको लागि ६९ रनको साझेदारी गरेका थिए।

Sundeep Jora & Trit Raj Das

अन्य खेलाडीको सर्वाधिक स्कोर ५ रहेको खेलमा भिम सार्कीले पाचौं विकेटको लागि सन्दिप जोहरासंग मिलेर ४९ रनको साझेदारी गरेका थिए। भिमले २८ रन बनाए। भारतीय बलर वाईडी मंगवानी र अजय गौडले समान ४/४ विकेट हात पारे।

जवाफमा १५७ रनको लक्ष्य पछ्याएको भारतले वाई भी राठोदको अविजित ४९ रन, कप्तान अनुज रावतको ४७ रन तथा प्रभसिमरन सिंहको आक्रामक अविजित ४६ रनको मद्दतमा मात्र २४.१ ओभरमा २ विकेट गुमाएर पुरा गर्यो। नेपालको तर्फबाट कमल सिंह ऐरीले मात्र १३ रनको योगफलमा सुरुवाती झट्का दिएपनि जितको लागि पर्याप्त हुन सकेन। अर्को विकेट पवन सर्राफको नाममा रह्यो।

नेपालले तेस्रो खेल १६ तारिखमा अफगानिस्तानसँग खेल्नेछ।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]