युरोप भ्रमणका लागि नेपाली टोलीको घोषणा, सुबास खकुरेलको कम्ब्याक

Nepal Cricket Team


  • विकेटनेपाल – ३२ असार, मंगलवार

यहि जुलाई २९ तारिकमा आयोजना हुने नेदरल्याण्ड र एमसीसी बिरुद्ध को टि- २० शृंखला तथा अगष्ट १ र ३ तारिकमा नेदरल्याण्ड बिरुद्ध हुने एक दिवसीय शृंखलाका लागि नेपाली टोलीको छनौट भएको छ।

केहि दिन यता २० सदस्यीय प्रारम्भिक टोलि बनाएर अभ्यासमा जुटेको राष्ट्रिय टोलीले युरोप भ्रमणका लागि १५ सदस्यीय टोलीको घोषणा गरेको हो। मंगलवार घोषणा भएको टोलीमा सुबास खकुरेलले पुनरागमन गरेका छन्। पारस खड्काको कप्तानीमा रहेको टोलीमा, सुबाससंगै अनिल कुमार साह, बसन्त रेग्मी, दीपेन्द्र सिंह ऐरी, ज्ञानेन्द्र मल्ल, करण केसी, ललित भण्डारी, ललित राजबंशी, आरिफ शेख, रोहित कुमार पौडेल, शरद भेष्वाकर, सोमपाल कामी, शक्ति गौचन र सन्दिप लामिछाने रहेका छन्।

सुबासको कम्ब्याक :

३ बर्ष अघि सन् २०१५ मा अन्तिम पटक टोलीमा अटाएका सुबास खकुरेलले पुनः एकपटक राष्ट्रिय टोलीमा पुनरागमन गरेका छन्। गत महिना काठमाण्डौमा सम्पन्न प्रधानमन्त्री कप क्रिकेट प्रतियोगितामा खकुरेलले १ शतक सहित २०८ रन जोडेका थिए। शसस्त्र प्रहरी बलको एपीएफ क्लबका लागि खेल्ने खकुरेल प्रदर्शनमा उनको टोलीले उपाधी जितेको थियो।

Subash Khakurel
Subash Khakurel

२० सदस्यीय प्रारम्भिक टोलीमा रहेका हरि चौहान छेत्री बाहेक अन्य सबै खेलाडीले बैकल्पिक सुचिमा गरेर टोलीमा स्थान बनाएका हुन्। १५ सदस्यीय टोलीमा नअटाएका प्रदिप ऐरी, सुशन भारी, बिनोद भण्डारी र सुनिल धमलालाई भने बैकल्पिक सुचिमा परेका हुन्। नेपाली टोलीको छनौट कप्तान पारस खड्का, मुख्य प्रशिक्षक जगत टमाटा र आईसीसी प्रतिनिधि अमिनुल इस्लामको समितिले गरेको हो।

युरोप भ्रमणका क्रममा नेपाली टोलीले यहि जुलाई २९ तारिकमा क्रिकेटको मक्का लर्ड्समा एमसीसी र नेदरल्याण्ड बिरुद्ध टि-२० शृंखला खेल्दैछ। यस्तै अगष्ट १ र ३ तारिकमा नेपालले ऐतिहासिक एक दिवसीय शृंखलामा नेदरल्याण्डको सामना गर्नेछ। टि-२० र एक दिवसीय शृंखलाको तयारि स्वरूप जुलाई २१ तारिकमा ह्याम्सर हग्स बिरुद्ध अभ्यास खेल खेल्ने तालिका रहेको छ।





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]