नेपालको सानदार बलिंग, युएई १०७ रनमा समेटियो



आइसीसी एकेडेमीको मैदानमा टस जितेर पहिले ब्याटिंग गरेको घरेलु टिम संयुक्त अरब इमिरेट्सले निर्धारित २० ओभरको खेलमा १९.२ ओभरमा मात्र १०७ रनमा समेटियो। पहिलो खेलमा पराजित नेपालले सिरिज बचाईराख्न दोश्रो खेल जित्नैपर्ने हुन्छ।

युएईले पहिलो ओभरको अन्तिम बलमा पहिलो विकेट गुमाएको थियो। ४ रन बनाएका उनलाई सोमपाल कामिले ज्ञानेन्द्र मल्लको हातबाट आउट गराए। त्यसपछि आएका गुलाम सब्बरपनि कामिकै दोश्रो ओभरको तेस्रो बलमा मात्र ६ रनको योगफलमा आउट भए। वाइड बललाई हान्न पुगेका उनको बलले एज लागेपछि विकेट किपर प्रदिप ऐरीले समातेका थिए।

तेस्रो विकेटको लागि अघिल्लो खेलका म्यान अफ द म्याच सइमान अनवरले सिपि रिजवानसँग मिलेर २४ रनको साझेदारी गरेका थिए। सइमान अनवरलाई पोइन्टमा कप्तान पारस खड्का हातबाट मात्र १४ रनमा क्याच गराउंदै सन्दिप लामिछानेले आफ्नो पहिलो विकेट लिएका थिए। अनवरले ११ बलको सामना गर्दा आउट हुनुभन्दा अघिल्लो बल मिड विकेटको दिशामा छक्काको लागि पठाएका थिए।

सन्दिपले लगातार २ बलमा २ विकेट हात पार्नेक्रममा त्यसलगत्तैको बलमा मोहम्मद उस्मान पनि स्लिपमा पारस खड्काकै हातबाट पहिलो बलमा नै समातिए।

५९ रनको योगफलमा एघारौँ ओभरको तेस्रो बलमा मोहम्मद बुथाले ठुलो सट प्रहार गर्ने क्रममा लंग-अनको दिशामा पवन सर्राफको हातबाट समातिए। बुथाले १५ बलमा १ चौका सहित ११ रन बनाएका थिए।

ओपनर ब्याट्सम्यान सिपि रिजवानले एकछेउमा टिकेर खेलिरहँदा अर्कोतर्फबाट लगातार विकेट जानेक्रम जारि नै रह्यो। टिमको स्कोर ७० रन रहेका बेला अमिर हायातले अभिनास बोहराको फुल-लेन्थ बललाई एक्स्ट्रा कभरको दिशामा खेल्नेक्रममा ३० यार्ड भित्र नै दिपेन्द्र ऐरीको हातबाट समातिए। हायातले ५ बलमा ३ रन बनाएका थिए।

थप ८ रन जोड्दा कप्तान मोहम्मद नाविद पनि सातौं विकेटको रुपमा ७ रनमा अभिनास बोहराको सिकार बने। त्यसपछि सत्रौं ओभरको दिश्रो बलमा सुल्तान अहमद (४ रन) रन आउट को सिकार भए।

नबौं विकेटको रुपमा ४४ रन बनाउन ४३ बलमा ४ चौका र १ छक्का प्रहार गरेका ओपनर सिपि रिजवानले अभिनास बोहरालाई उनको व्यक्तिगत तेस्रो विकेट दिनेक्रममा पारस खड्काकै हातबाट समातिए। अन्तिम ओभरको दोश्रो बलमा जाहूर खानपनि करण केसीको बालामा आउट भएपछी युएई मात्र १०७ रनको योगफलमा समेटियो।





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]