नेपाललाई ७७ रनको लक्ष

एसीसी यु-१९ पूर्वी क्षेत्र प्रतियोगिताको फाइनलमा नेपालले दोश्रो इनिंगमा जितको लागि ७७ रनको लक्ष पाएको छ l

किनरारा ओभल मैदानमा टस जितेको नेपालले फिल्डिंग गर्ने निर्णय गरेको थियो l

नेपालको लागि शाहब आलम र सन्दिप लामिछानेले समान ३-३ विकेट दिलाए l यस्तै अनिल शाह र दिपेन्द्र ऐरीले १-१ विकेट आफ्नो नाम गरेका थिए l

हंगकंगको लागि ओपनिंग ब्याट्सम्यान हरप्रित सिंहले सर्बाधिक २० रन बनाएका थिए भने झठाभेदले १६ र वकास खानले १५ रन बनाएका थिए l

फाइनल खेलको बिजेता टिम नोभेम्बरमा मलेसियामै आयोजना हुने एसियाली टेस्ट रास्ट्रहरु समेत खेल्ने यु-१९ एसिया कप खेल्न छनौट हुनेछ l यस अघि नेपालले सेमीफाइनलमा मलेसियालाई १० विकेटले पराजित गरेको थियो भने हंगकंगले सिंगापुरलाई ७ विकेटले पराजित गरेको थियो l

हंगकंग समुह ‘बि’ मा अपराजित रहँदै सेमीफाइनल यात्रा गरेको टिम हो भने नेपालले पनि हालसम्म सबै खेल सजिलै जितेको छ । हंगकंगले समुह चरणमा चिनलाई ९ विकेटले, म्यानमारलाई ९ विकेटले तथा मलेसियालाई ६ विकेटले पराजित गर्दै सेमीफाइनलमा स्थान बनाएको थियो ।

यता नेपालले समूह चरणमा थाईल्याण्डलाई २५५ रनले , भुटानलाई ९ विकेटले तथा सिंगापुरलाई ७ विकेटले पराजित गरेको थियो ।

खेलको स्कोर यो लिंकमा क्लिक हेर्नुहोला 

अपडेट र फेसबुक लाइभको लागि विकेटनेपाल फेसबुक पेज हेर्नु होला ( क्लिक गर्नुस )