पुलिसले जित्यो सुपर-८ क्रिकेटको उपाधि

nepal police club


नेपालमै पहिलो पटक आयोजना भएको खुकुरी-देबिबास  सुपर-८ क्रिकेट प्रतियोगिताको उपाधि नेपाल पुलिस क्लबले जितेको छ l

फाइनल खेलमा पुलिसले टिप-टपलाई ३ विकेटले पराजित गर्दै उपाधि सहित १ लाख रुपैया हात पार्यो l उपविजेता टिपटपले ५० हजार रुपैया पायो l

प्रतियोगिताको म्यान अफ द सिरिज पुलिसका मन्जित श्रेष्ठ घोषित भए जसले २५,००० रुपैया प्राप्त गरे l उनले प्रतियोगिताभर १४९ रन बनाउनुको साथै ११ विकेट समेत लिएका थिए l यस्तै उत्कृस्ट ब्याट्सम्यान सोनु तामांग ( टिप-टप ) तथा उत्कृस्ट बलर ललित राजबंशी ( नेपाल पुलिस क्लब ) घोषित भए जसले रु. १० हजार प्राप्त गरे l सोनुले प्रतियोगितामा कुल १२५ रन बनाएका थिए भने ललितले कुल १० विकेट लिएका थिए l

फाइनल खेलमा टस जितेर ब्याटिंग गरेको टिप-टपले निर्धारित ७ ओभरको इनिंगमा ५ विकेट गुमाई ७८ रनको योगफल बनायो l शुबेन्दु पाण्डेले २ चौका र २ अट्ठा मदतले ११ बलमा सर्बाधिक २६ तथा प्रशन्न शाक्यले १ चौका र २ अट्ठा मदतले १२ बलमा २४ रनको योगदान दिए l बलिंग तर्फ पुलिसका मन्जित श्रेष्ठले २ ओभरमा १३ रन दिंदै ३ विकेट तथा कुशल भुर्तेलले २ ओभरमा ९ रन खर्चदै २ विकेट हात पारे l

manjeet shrestha
मन्जित श्रेष्ठ

जवाफमा ७९ रनको लक्ष पछ्याएको पुलिसले २ बल बाँकी छदै ५ विकेट गुमाई लक्ष पुरा गर्यो l पुलिसको लागि शंकर रानाले ३२ रन तथा कुशल भुर्तेलले २० रन योगदान दिए l शंकरले २२ बलमा १ चौका र २ अट्ठा प्रहार गरे भने कुशलले ९ बलमा २ अट्ठा प्रहार गरे l टिप-टपका बलर प्रकाश बिस्टले ३ विकेट लिएपनि जितको लागि पर्याप्त भएन l

यस अघि शनिबारनै सम्पन्न पहिलो सेमी-फाइनलमा टिपटपले नागर्जुना क्रिकेट क्लबलाई २ रनले पराजित गरेको थियो भने दोश्रो सेमी-फाइनलमा पुलिसले स्टर्म ब्राण्ड एक्टिभेसनलाई ८ रनले पराजित गरेको थियो l

१२ टोलिले सहभागिता जनाएको प्रतियोगिता खुकुरी इन्टरटनमेन्ट र देभिवास इभेनटस एण्ड मिडिया प्रालीको संयुक्त आयोजनामा संचालन भएको हो l प्रतियोगिता चैत १५ देखि सुरु भएको थियो l





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]