एपीएफलाई पराजित गर्दै पुलिस फाइनलमा



  • विकेटनेपाल- २२ जेठ

शशस्त्र प्रहरी बल ( एपीएफ ) लाई पराजित गर्दै नेपाल पुलिस क्लब प्रधानमन्त्री कपको फाइनल प्रवेश गरेको छ l  ( स्कोरकार्ड )

वर्षाले प्रभावित खेलमा पुलिसले एपीएफलाई डिएल मेथडको आधारमा ३४ रनले पराजित गरेको हो l अब मंगलबार हुने दोश्रो सेमीफाइनलमा त्रिभुवन आर्मी क्लब र पश्चिमाञ्चल बीचको खेलको बिजेतासंग बुधबार पुलिसले फाइनलमा प्रतिस्पर्धा गर्नेछ l

टस हारेर टियु मैदानमा ब्याटिंग गरेको पुलिसले पुरै ५० ओभर ब्याटिंग गर्दै ९ विकेट नोक्सानीमा २५२ रनको स्कोर बनायो l ओपनर सुनिल धमला ( २६ ) र अमित श्रेष्ठ ( २६ ) ले पहिलो विकेटको लागि ६७ रनको योगदान दिंदै पुलिसलाई राम्रो सुरुवात दिलाएका थिए l १५ औ ओभरमा अफ स्पिनर ज्ञानेन्द्र मल्लले दुवै ओपनरलाई पेभेलियन फर्काएपछि ६८/२ को स्थितिबाट तेश्रो नम्बरमा ब्याटिंग गर्न आएका कुशल भुर्तेलले चौथो विकेटको लागि दिपेन्द्र ऐरीसंग ६८ रनको साझेदारी गर्दै पुलिसको इनिंग उकासेका थिए l

कुशलले ६९ बलको इनिंगमा ४ चौका र १ छक्का प्रहार गरे जो अरुण ऐरीको बलमा ३३ औ ओभरमा आउट भए l दिपेन्द्र ऐरीले भुवन कार्कीको बलमा एलबिडब्लु हुनु अघि ३७ रन योगदान दिए l  नवौ नम्बरमा ब्याटिंग गर्न आएका सिद्धान्त लोहनीले अन्तिममा ४० रनको इनिंग खेल्दै पुलिसलाई ठुलो स्कोरतर्फ लागेका थिए l लोहनीले ३८ बलमा ४ चौका र १ छक्का प्रहार गरे l पुलिसको लागि कप्तान मन्जित श्रेष्ठले २२ तथा दिलिप नाथले १३ रन योगदान दिएका थिए l

एपीएफ बलर अनिल साहले ३, ज्ञानेन्द्र मल्ल र अरुण ऐरीले २-२ विकेट हात पारेका थिए l

जवाफमा ब्याटिंग गरेको एपीएफले २८ औ ओभरमा ६ विकेट नोक्सानीमा १३८ रनको स्कोर गर्दा वर्षाले खेल रोकिन पुगेको थियो l त्यसपछि खेल सुचारु नहुँदा डिएल पार स्कोरमा पछि पर्दै एपीएफले ३४ रनको हार बेहोर्न पुग्यो l

एपीएफको लागि कप्तान ज्ञानेन्द्र मल्लले सर्बाधिक ४५ रन योगदान दिए जुन क्रममा ३५ बल सामना गरि ३ चौका र ३ छक्का प्रहार गरे l एपीएफ ओपनर सुबास खकुरेल १७, सन्दिप सुनार ३६, आसिफ शेख १६ तथा पृथु बास्कोटा १९ रनमा आउट भएका थिए l

कप्तान ज्ञानेन्द्र मल्लले पार स्कोरमा अघि बढ्न आक्रामक ब्याटिंग गरे पनि उनको प्रयास सफल हुन सकेन l पुलिस बलर ललित राजबंशीले १० ओभरमा मात्र ३१ रन खर्चदै ३ विकेट लिनु एपीएफको लागि बाधा बनेको थियो l

खेलको म्यान अफ द म्याच कुशल भुर्तेल घोषित भए l





थप समाचार

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]

सन्दिप लामिछानेको नाममा रहेको ९ ठूला कीर्तिमान

सन्दिप लामिछानेले सन् २०१६ मा नेपाली अन्डर-१९ राष्ट्रिय क्रिकेट टिम हुँदै सोहि वर्ष नामिबिया बिरुद्ध नेपाली राष्ट्रिय क्रिकेट टिमको लागि […]