एसिया कप छनौट खेल्न लागि नेपाली टोलि मलेसियामा



  • विकेटनेपाल – भदौ ११, सोमबार

यहि अगष्ट २९ देखि सेप्टेम्बर ६ तारिकसम्म आयोजना हुने एसिया कप छनौटका लागि नेपाली टोलि सोमबार मलेसिया पुगेको छ। अभ्यास खेलका लागि श्रीलंकामा रहेको टोलि नेपाली समय अनुसार सोमबार साँझ ७:१५ बजे मलेसिया पुगेको हो। क्यारेबियन प्रिमियर लिग-२० खेलेपछि सन्दिप लामिछाने वेस्टइन्डिजबाट मंगलबार मलेसिया पुग्नेछन्।

यहि सेप्टेम्बर १५ तारिकबाट संयुक्त अरब एमिरेट्स (युएई) मा संचालन हुने एसिया कपको छनौटका लागि नेपाल सहित अन्य ६ टोलीले छनौट प्रतियोगितामा भागलिंदै छन्। प्रतियोगितामा आयोजक मलेसिया, नेपाल, युएई, हंगकंग, ओमान र सिंगापुर भिड्दै छन्। यस प्रतियोगिताको बिजेताले एसिया कपको समुह “ए” मा रहेर भारत र पाकिस्तानसंग समुह चरणमा नै खेल्ने मौका प्राप्त गर्नेछ।

यस्तो छ नेपालको खेल तालिका :

एसिया कप छनौटमा नेपालले आफ्नो पहिलो खेल २९ अगस्टमा ओमानसंग बायुमास ओभल मैदानमा खेल्नेछ। यस्तै दोश्रो खेल ३० अगस्टमा युएईसंग किनरारा ओभल मैदानमा, तेश्रो खेल १ सेप्टेम्बरमा मलेसियासंग बायुमास ओभलमा, चौथो खेल २ सेप्टेम्बरमा सिंगापुरसंग युकेएम ओभल मैदानमा तथा अन्तिम खेल हंगकंगसंग ४ सेप्टेम्बरमा खेल्ने कार्यक्रम रहेको छ।

सहभागी ६ देशले एक-अर्कासंग १/१ खेल खेलीसकेपछि लिगको बिजेता र उपविजेताले ६ सेप्टेम्बरमा किनरारा ओभल मैदानमा फाईनल खेल खेल्नेछन् जसको बिजेता एसिया कप खेल्न छनौट हुनेछ।

नेपालको खेल तालिका :-

२९ अगस्ट – नेपाल Vs ओमान ( बायुमास ओभल मैदान ) , ३० अगस्ट – नेपाल Vs युएई ( किनरारा ओभल मैदान ) १ सेप्टेम्बर – नेपाल Vs मलेसिया ( बायुमास ओभल मैदान ) २ सेप्टेम्बर – नेपाल Vs सिंगापुर ( युकेएम ओभल मैदान ) ४ सेप्टेम्बर – नेपाल Vs हंगकंग ( युकेएम ओभल मैदान ) ६ सेप्टेम्बर – फाईनल ( किनरारा ओभल मैदान )

अभ्यास भ्रमणमा शत-प्रतिशत जित :

प्रतियोगिताको तयारिका लागि श्रीलंका पुगेको नेपाली टोलीले स्थानीय क्लबहरुसंग ३ अभ्यास खेल खेलेको थियो। आर्मी क्रिकेट क्लब, ब्लुमफिल्ड क्रिकेट क्लब र कोल्ट्स क्रिकेट क्लब बिरुद्धको तिनवटै खेलमा नेपालले जित समेत दर्ता गर्यो।

पहिलो अभ्यास खेलमा अरिफ शेखले उत्कृस्ट ब्याटिंग गर्दै ८९ रनको पारि खेलेपछि नेपालले आर्मी क्रिकेट क्लबलाई ६७ रनको अन्तरले पराजित गरेको थियो। नेपालको जितमा बलिंगतर्फ सोमपाल कामी र बसन्त रेग्मीले समान ३-३ विकेट लिएका थिए।

यस्तै ब्लुमफिल्ड क्रिकेट क्लब बिरुद्धको दोस्रो अभ्यास खेलमा भने नेपालले डक वर्थ लुईस मेथडका आधारमा १७६ रनको जित निकालेको थियो। सो खेलमा नेपालका लागि दिपेन्द्र सिंह ऐरीले आक्रामक ब्याटिंग गर्दै १२१ रन जोडेका थिए। यस्तै सागर पुनले समेत ९२ रनको उत्कृस्ट इनिंग खेलेका थिए।

अभ्यास भ्रमण अन्तर्गतको अन्तिम खेलमा भने पारस खड्का र दिपेन्द्र सिंह ऐरीले अर्ध-शतक बनाएपछि नेपालले कोल्ट्स क्रिकेट क्लबलाई ५ विकेटले पराजित गरेको थियो। सो खेलमा नेपालको बलिंगतर्फ सोमपाल कामीले ३ विकेट हात पारेका थिए।

प्रतियोगिताअघि के भन्छन् कप्तान र प्रशिक्षक ?

एसिया कप छनौटको अभ्यासका लागि श्रीलंका प्रस्थान गर्न अघि कप्तान पारस खड्काले एसिया कपमा छनौट हुनु नेपालको लागि सुनौलो लक्ष्य रहेको बताए। कप्तान पारसले भने, “एसिया कपमा छनौट हुनु नेपालको लागि सुनौलो मौका हो। हामी छनौट भएर भारत र पाकिस्तानसंग खेल्ने मौका गुमाउन चहाँदैनौ। यो बर्षभरि हामीले जसोतसो गरेर भएपनि नतिजा आफ्नो पक्षमा ल्याएका छौं र यस्तो अवसर फेरीफेरी नआउन सक्छ त्यसैले हाम्रो अन्तिम लक्ष्य नै एसिया कपमा छनौट हुँने रहनेछ।

Jagat Tamata Speaks Ahead Of Sri Lanka Departure
Jagat Tamata Speaks Ahead Of Sri Lanka Departure

यस्तै नेपाली क्रिकेट टोलीका मुख्य प्रशिक्षक जगत टमाटाले भने नेपाली टोलीमा युवा खेलाडीहरुको बाहुल्यता रहेकाले त्यसले आफ्नो खेलमा सहयोग पुर्याउने बताए। उनले थपे, “सबै टोलीले सबैसंग खेल खेल्नु पर्ने भएकाले सबैसंग डर नै हुन्छ। तर हामीले हाम्रो बिपक्षिलाई बुझेका छौं र हामी राम्रो क्रिकेट खेल्दै नतिजा निकाल्ने छौँ। टोलीमा नयाँ खेलाडीहरु पनि छन् र अरु टोलीको तुलनामा हाम्रो टिम युवा रहेकाले त्यसले फिल्डिंगमा समेत हामीलाई सहयोग पुर्याउने छ।

एसिया कप छनौट अन्तर्गतका खेलहरु ५० ओभरको रहनेछन्। नेपाल र संयुक्त अरब एमिरेट्स (युएई) बिचको खेलले एक दिवसीय अन्तर्राष्ट्रियको मान्यता पाउनेछ भने अन्य खेलहरुले लिस्ट एको मान्यता पाउनेछन्। सम्पूर्ण खेल मलेसियन समय १० बजे बिहान अर्थात् नेपाली समय ७:४५ बजे बिहान सुरु हुनेछ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]