भारतसंग हार्दा नेपालले राख्यो यस्तो रेकर्ड

nepal vs india womens


बिराट राय , विकेटनेपाल
१७ मङ्सिर

एसीसी टि-२० कपमा कम्तिमा एउटा टेस्ट टिमलाई पराजित गर्ने लक्ष सहित गत हफ्ता थाईल्याण्ड पुगेको नेपाली महिला टिमले टेस्ट टिमलाई हराउने लक्ष त परको कुरा प्रतियोगितामा जितबिहिन घर फर्किने भएको छ l

शुक्रबार भारतसंग अन्तिम खेलमा साख जोगाउने थोरै आशालाई निराशामा बदल्दै महिला टिमले इतिहासकै खराब क्रिकेट खेल्यो l भारतसंग ९९ रनले जित सुम्पेको नेपाली टिमले आफ्नै रेकर्ड तोड्यो l  ( स्कोरकार्ड , अंक तालिका

भारतले दिएको १२१ रनको लक्ष पछ्याएको नेपाली टिम २१ रनमै समेटिएपछि प्रतियोगितामै श्रीलंका संगको खेलमा बनाएको कुल २३ रनको टिम योगफलको आफ्नो रेकर्ड नेपालले तोड्यो l २१ रन टिम योगफल महिला टिमले २००७ देखि खेलेको अन्तर्राष्ट्रिय क्रिकेटमा सबैभन्दा कम हो l श्रीलंका संगको खेलमा नेपालले बंगलादेश संग २६ रन कुल योगफलको रेकर्ड तोडेको थियो l

प्रतियोगितामा नेपालले खेलेको ५ वटा खेल मध्ये थाईल्याण्डसंगको खेलमा मात्रै ५० रन कुल योगफल कटाउन सक्यो l थाईल्याण्डसंग ६३ रन बनाउन सकेको नेपालले पाकिस्तानसंग ४७, श्रीलंकासंग २३, बंगलादेशसंग ४१ र भारतसंग २१ रन मात्र बनाउन सक्यो l

अन्तिम खेलमा टस जितेर नेपालले पहिले ब्याटिंग गर्ने निम्तो दिएपछि भारतले पहिलो इनिंगमा ५ विकेट नोक्सानीमा १२० रन बनायो l ब्याटिंग भन्दा तुलनात्मक रुपमा राम्रो बलिंग गरेको नेपालको लागि कप्तान रुबिना क्षेत्रीले २ विकेट तथा सिता मगर र करुना भण्डारीले १/१ विकट हात पारे l

छुटाउनु भयो कि ? सन्दिप लामिछानेलाई शेन वार्नको ‘कल’

रुबिनाले भारतीय ओपनर सब्भीनेनी मेघना र भेल्लास्वामी भनिथाको विकेट लिंदा भारतले पहिलो २ विकेट २९ रनमै गुमाएको थियो l त्यसपछि पनि निरन्तर अन्तरालमा विकेट गुमाएको भारत चौधौ ओभरमा ६९/५ को अवस्थामा थियो l त्यसपछि शिखा पाण्डेले अविजित ३९ र हर्मनप्रित कौरले अविजित १४ रन बनाउदै निर्धारित २० ओभरमा १२०/५ को अवस्थामा पुर्याएका थिए l

प्रतिउत्तरमा ब्याटिंग गरेको नेपालले खराब ब्याटिंग गर्यो l भारतले दिएको ७ अतिरिक्त रननै नेपालको कुल योगफलमा सर्बाधिक योगदान बन्दा नेपाली टिमले १६.३ ओभरमा २१ रनमै सबै विकेट गुमायो l

नेपालको लागि सरिता मगरले सर्बाधिक ६ रन बनाईन् l ओपनर द्वय ज्योति पाण्डे र सिता राना मगर क्रमशः २ र १ रनमा पेभेलियन फर्किए l सरिता मगर ६, रोशनी बोहरा १,  रुबिना क्षेत्री २, करुना भण्डारीले २ रन बनाउनु बाहेक अन्य नेपाली खेलाडीहरुले रनको खाता खोल्न सकेनन् l

भारतीय बलर पूनम यादबले सर्बाधिक ३ विकेट लिन ३ ओभरमा ९ रन खर्चिन् भने मेघनाले २ विकेट हात पार्न ३ ओभरमा १ मेडन ओभर सहित मात्र ३ रन खर्चेकी थिईन् l अन्जु पाटिलले २ विकेट हात पार्दा ३.३ ओभरमा कुनै पनि रन दिईनन् l

भारत संगको हार संगै नेपाल प्रतियोगिताको पुछारमा रहँदै प्रतियोगिताको अन्त्य गरेको छ l प्रतियोगितामा नेपालले पाकिस्तानसंग ९ विकेटले,  श्रीलंका संग ८ विकेटले, बंगलादेशसंग ९२ रनले र थाईल्याण्डसंग ८ विकेटको हार बेहोर्यो l

हंगकंगमा गत महिना सम्पन्न एसिया क्षेत्रको महिला बिश्वकप छनौट छनौटमा दोश्रो स्थान हातपार्दै नेपाल महिला एसिया कप खेल्न छनौट भएको थियो l

( स्कोरकार्ड , अंक तालिका )   , ताजा नेपाली क्रिकेटको खबरको लागि  विकेटनेपाल फेसबुक पेज लाइक गर्नुस l  

 यो पनि पढ्नुस है :-  

 





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]