कुवेतको लज्जास्पद प्रदर्शन, जितपछि नेपाल शिर्षमा



कुवेतलाई ९ विकेटले सहजै पराजित गर्दै नेपाली महिला क्रिकेट टिमले युएईमा जारि आईसीसी टि-ट्वान्टी विश्वकप एसिया छनोटमा दोश्रो जित दर्ता गरेको छ।

युएईको आईसीसी क्रिकेट एकेडेमी मैदानमा सम्पन्न खेलमा कुवेतले दिएको २८ रनको झिनो लक्ष्य नेपालले ३.३ ओभरमा १ विकेट गुमाएर भेटायो। नेपालको लागि इन्दु बर्माले अविजित १३ तथा कप्तान रुबिना क्षेत्रीले अविजित १२ रन बनाए।

९९ बल बाँकी रहँदैको जित नेपाली महिला क्रिकेट टिमको बल बाँकि रहेको आधारमा तेश्रो ठूलो जित हो। यस अघि नेपालले माल्दिभ्सलाई सन् २०१९ मा दुई वटा खेलमा ११५ र ११३ बल बाँकी रहँदै पराजित गरेको थियो।

यस अघि टस जितेर ब्याटिंग गरेको कुवेतले १५.४ ओभरमा २७ रनमा सम्पूर्ण विकेट गुमाएको थियो। महिला टि-२० अन्तर्राष्ट्रियमा कुवेतको यो दोश्रो कम योगफल हो। यस अघि हंगकंगले सन् २०१९ मा कुवेतलाई सबैभन्दा कम २५ रनमा सिमित पारेको थियो।
कुवेत ओपनर प्रियदा मुरली बाहेक अन्यले दोहोरो अंकमा रन बनाउन सकेनन्। २४ रनको योगफलमा मात्र ३ विकेट गुमाएको कुवेतले थप ३ रन बनाउदा सम्पूर्ण विकेट गुमाउन पुग्यो।

नेपालको बलिंगमा संगीता राईले सर्वाधिक ३ विकेट ( २.४-०-२-३ ) लिए भने करुणा भण्डारी ( ३-०-८-२ ) र रुबिना क्षेत्रीले ( ३-२-१-२ ) ले समान २ विकेट लिए भने सरस्वति चौधरीले १ विकेट ( २-०-५-१ ) लिए।

प्रतियोगिता अन्तर्गत पहिलो खेलमा हंगकंगसंग ६ विकेटले पराजित भएको नेपालले दोश्रो खेलमा भुटानलाई ८ विकेटले पराजित गरेको थियो।

दोश्रो जितपछि नेपाल ३ खेलमा २ जित र १ हार पछि ४ अंकको साथ अंकतालिकाको पहिलो स्थानमा उक्लन सफल भएको छ। समान अंक रहेको युएई २ खेलमा ४ अंकको साथ नेट रन रेटमा पछि रहँदै दोश्रो स्थानमा छ। लगातार तेश्रो हार पछि कुवेत अंकतालिकाको पुछारमा छ।

प्रतियोगितामा आफ्नो चौंथो खेल नेपालले मलेसियासंग नोभेम्बर २६ तारिखमा तथा पाँचौ खेल नोभेम्बर २८ तारिखमा युएईसंग खेल्नेछ।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेलीरहेको हो। प्रतियोगितामा नेपाल सहित आयोजक युएई, भुटान, हंगकंग, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।





थप समाचार

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]