नेपाल टि-२० विश्वकप छनोट हुन असफल, युएई दोश्रो पटक टि-२० विश्वकपमा



टि-२० विश्वकप ग्लोबल छनोट प्रतियोगिताको सेमीफाइनलमा युएईसंग ६८ रनले पराजित हुँदा नेपालको टि-ट्वान्टी विश्वकप २०२२ खेल्ने सपना चकनाचुर भएको छ। युएई २०१४ पछि दोश्रो पटक टि-२० विश्वकप खेल्न छनोट भएको हो।

ओमानको अल अमिरात मैदानमा युएईले दिएको १७६ रनको लक्ष्य पछ्याएको नेपालले १८.४ ओभरमा १०७ रनमै सम्पूर्ण विकेट गुमायो।

लक्ष्य पछ्याउने क्रममा नेपालको सुरुवात खराब रह्यो। पहिलो ओभरमै आसिफ शेख र लोकेश बमलाई लुनैद सिद्दिकीले आउट गरे। कुशल भुर्तेललाई पनि तेश्रो ओभरमा सिद्दिकीले तेश्रो शिकार बनाए। १४/३ को अवस्थाबाट दिपेन्द्र ऐरी र आरिफ शेखले ३६ रनको साझेदारी गरे। आरिफ आठौँ ओभरमा ११ रन बनाएर रोहन मुस्तफाबाट विकेटपछाडी समातिन पुगे। छैठौं विकेटको लागि दिपेन्द्रले ज्ञानेन्द्र मल्लसंग ३३ रन जोडे। तेह्रौं ओभरमा २० रन बनाएका मल्ल र ३८ रन बनाएका ऐरीलाई लगातार बलमा एहमद रजाले पेभेलियन फर्काए। त्यसपछि नेपाल खेलमा फर्कन सकेन। बिबेक यादव र सन्दिप लामिछाने पनि लामो समय क्रिजमा जम्न सकेनन्।

युएईका बलर एहमद रजाले ५ विकेट विकेट ( ४-०-१९-५ ) तथा जुनैद सिद्दिकीले ३ विकेट ( ४-०-२७-३ ) लिए। रोहन मुस्तफा र जहुर खानले समान १ विकेट लिए।

यस अघि टस जितेर ब्याटिंग रोजेको युएईले निर्धारित २० ओभरमा ७ विकेट क्षेतीमा १७५ रन बनाएको थियो।

४ रन बनाएका ओपनर चिराग सुरीलाई दोश्रो ओभरमा जितेन्द्र मुखियाले बोल्ड गरेपछि दोश्रो विकेटको लागि मुहम्मद वासिमले भृत्य अरविन्दले ६६ रनको साझेदारी गरे। मात्र २३ बलमा ५ चौका र ३ छक्का मद्दतले ४६ रन बनाएका अरविन्दलाई आठौँ ओभरमा सन्दिप लामिछानेले बोल्ड गरे। तेश्रो विकेटको लागि वासिमले मुहम्मद उस्मानसंग ६४ रन जोडे। त्यसपछि अन्तिमको ओभरहरुमा भने नेपाली बलरले पुनरागमन गरे र नियमित विकेट लिए।

सत्रौं ओभरमा अविनाश बोहराले उस्मानलाई क्याच आउट पारे। सोहि ओभरमा वासिम पनि क्याच आउट भए। वासिमले ४८ बलमा ४ चौका र ४ छक्का मद्दतले ७० रन बनाए। लगत्तै ओभरमा मुखियाले २ रन बनाएका बसिल हमिद र ११ रन बनाएका जवर फरिदलाई क्याच आउट पारे। उन्नाईसौं ओभरमा अविनाशले ४ रन बनाएका काशिफ दाउदलाई क्याच आउट पारे। अन्तिम ५ ओभरमा युएईले ५ विकेट गुमाएर ४४ रन बनायो। एहमद राजा ६ र रोहन मुस्तफा ९ रनमा अविजित रहे।

नेपालको बलिंगमा अविनाश बोहरा र जितेन्द्र मुखियाले समान तिन विकेट लिए। अविनाशले ४ ओभरमा ४६ रन तथा जितेन्द्रले ३ ओभरमा ३५ रन खर्चिए। सन्दिप लामिछानेले एक विकेट ( ४-०-२४-१ ) लिए। कमल सिंह ऐरी विकेटविहिन ( ४-०-३०-० ) रहे।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]